بــسم الـلـه الـرحـمـٰـن الـرحـيـم
#باب حجر
بقلمي:-حنين سجاد
تصويت+تعليق+ومتابعه لحسابي
انت ما تدري شكثر كلبي هواك
انت ما تدري شكثر حبيتكك
والله واصل مرحلة من الجنون
كمت اشوفك يمي و انت ابيتكك
....
آن:-يعني خالد يحبني؟
ابو خالد:-ايي وشنو اريد منج تتغير واريدج تتغير 180 درجه والي يشوفج موو انتِ آن نفسهاا بحيث حتى امج متعرفج
آن:-تمام بس شلون اغير نفسي؟
ابو خالد:- شوفي قبل لاا اكولج شلون تبدين وتغيرين نفسج خالد عندج رقمه اول شي احضريه ومن جميع مواقع التواصل الاجتماعي
سويت الي يريده عمي ورجع كال
ابو خالد:-شوفي ام خالد هي تفهمج
هزيت راسي وهو كام للغرفه
ام خالد:-شوفي اول شي استايلج تغيره واسلوبج خليج نفسج قويه ومغرورة ولطيفه بس الي يعاملج بأسلوب زين
ودراستج تكمليهاا هو ماا يطول يمكن سنه سنتين اعرف يرجع او اقل
المهم واريدج من توصلي سوي نفسج طبيعيه وتمشي عادي وكأنوا هو ماا موجود
واذا حجه وياج ردي على كد السؤال زين
هزيت راسي وبدأت تحجي وياي لحد اليل صار العشى واحنى ناكل تحجي وعمي هم يحجي ويفهموني اثنينهم
ابو خالد:-هو ميطول
هزيت راسي كملت الگمه وكمت غسلت ورحت لغرفه خالد
حطيت ايدي على حلكي افكر دقايق ودخلت زينب باوعتلي وباوعت للغرفه
آن:-شدكولين اغيرها
زينب:-يااا خالد ميقبل
آن:-بالعناد الا اغيرهاا وهمم بالوردي
زينب:-عزاا لااا ولج لااا ميقبلل
آن:-ساعديني انقل العراض بغرفتج
زينب:-بس اني معليه مو تجيبيني بالسالفه اذا اجة وشافها
آن:-دمشي وين اكو رجال متزوج ويعوفه زوجته دمشي انقلي وانتِ ساكته
غمتني واني خنزرتلها ضحكنا سوا وكمنا ننقل الغراض بالغرفه زينب
صارت الساعه 10 بليل خلصنا نقل وبقت بس اثاث الغرفه هم يشيلوها
ثاني يوم وافق عمي يغير الغرفه علمودي طبعاً اخذتها لون ابيض كلش حلوة واثاثها يجنن
بعد ما شدو الغرفه وراحوا نقلنا الغراض وكمنا نرتب
زينب:-هاذا ذبي وهاذا بعد ذبي هذا ايعع لاا تلبسيه
أنت تقرأ
بـاب حـجـر
Adventureيلوموني واحسك تكبر بَروحي . ويَلوموُني .! وأنا بَلا شَوفِتك شَينفعِن عَيوني؟ ياشَوفي ورَجوتي ودَنياي ودَنياتي ولوني وعَذابي وبسمِتي وشَكواي وضنوني....
