Listening to :
*Est-ce que tu m'aimes – Maître Gims*
02:01 ━━━━●───── 04:02
⇆ㅤ ㅤ◁ㅤ ❚❚ ㅤ▷ ㅤㅤ↻
ᴠᴏʟᴜᴍᴇ : ılıılıılıılıılıılı■
"ကော မနေ့က ဘယ်သွားတာလဲ"
ခြံထဲမှာ အပင်တွေကို ရေလောင်းနေသော Hao ကို မေးလိုက်သည့် သူကိုယ်တိုင်က အခုပင် ဆိုင်ကယ်ပေါ်က ဆင်းပြီး ဘယ်ကနေ ပြန်လာကြောင်း မေးခွန်းထုတ်တာကို ကြိုက်မနေသည့် Sung Hanbin --- ၃ရက် ၄ညအိပ် ပျောက်နေရာကနေ အိမ်ပြန်လမ်းပါ မေ့သွားခဲ့လေသလား မပြောတတ်ပါပြီ။
"မနေ့က ?? ငါ အပြင်သွားတာ မင်းက ဘယ်လို သိသွားရပြန်တာလဲ"
ဒါသည် ❝ငါ့ဘာသာငါ ဘယ်သွားသွားပေါ့❞ ဆိုသည့် မာန ထက် ❝မင်း ငါ့ကိစ္စကို သိပေးတာလား❞ ဆိုသော မျှော်လင့်စွာ ရင်ခုန်မှု ပါနေကြောင်း .. လေသံတွေမှာ ပေါ်နေမှာကို Hao သိသည်။ သို့သော် ဟန်ဆောင်ပြီး မဖုံးထားချင်။ မူပိုနေရအောင် မိမိက နုနုယွယွ ပန်းအလှလေးလည်း မဟုတ်။
"ပန်းလေး လှရင် ခူးချင်တဲ့သူနဲ့ ချိုးချင်တဲ့သူနဲ့ အန္တရာယ်များတယ် ကော .. ကိုယ်က ကော ထိခိုက်မှာ စိုးလို့ စောင့်ကြည့်ပေးမိတာ တခါတလေပေါ့"
"Alpha တစ်ယောက်ကို ဘယ်သူက ခူးရဲမလဲ ဘယ်ကလေကချေက လာချိုးရဲမလဲ ဘေဘီ ~"
Hao သည် ရယ်သွမ်းသွေးကာ ရေဓါတ်ငတ်နေသော larkspur တို့၏ မြေရင်းအဆီလွှာကို ရေဆက်လောင်းနေလိုက်သည်။ သိပ် မသိသာလှသော ဒီ.. သူ့ ရဲ့ မွေးနေ့ပန်းသည် အလွန်အင်မတန် လက်ဝင်ပါသော်ငြားလည်း ရာသီလေးပါးမှာ မြေသြဇာဖြည့်လိုက် ရေပေးလိုက်နှင့် အခုလို ငွားငွားစွင့်စွင့် ပန်းနုရောင် • ခရမ်းရောင် • အပြာရောင် • အဖြူရောင် larkspur လေးတွေကို ပျိုးထောင်ရခြင်းအား Hao သည် အကျင့်တစ်ခုလို နှစ်ခြိုက်လာသည်။ အချစ်တွေက အဖတ်မတင်ရင်တောင် ပန်းတွေသည် မြတ်နိုးတတ်သူလက်မှာ အဖိုးတန်နေလိမ့်မည်လေ။
ဒါကြောင့် သူက ခရမ်းရောင် larkspur ပန်းတစ်ပွင့်ကို ဆွတ်ယူကာ အတွင်းသား အဖြူချပ်လေးတွေကို တဖတ်ချင်း ဆွဲနှုတ်နေသည့်အခါ Hao သည် --- ဒီအချစ်တွေက အဖိုးမတန်ကြောင်း တရားချခံရသလို။
YOU ARE READING
𝙋𝙞𝙧𝙤𝙪𝙚𝙩𝙩𝙚 𝙤𝙛 𝙗𝙧𝙤𝙠𝙚𝙣 𝙨𝙩𝙧𝙞𝙣𝙜𝙨
FanfictionRequested by Mio nim Sung Hanbin x Zhang Hao [Side : Gyuvin x Ricky] "Every broken string tells a story, every pirouette a secret."