الحلقة16 الاخيرة من مسلسل *بائِعة الود*
🖊ياسمين مجدي فريد
سونا: انت اي جابك هنا
حذيفة: انتِ بتعملي اي اكيد مش هتتجوزي صح سونا انا اسف انا غلطت بجد استاهل اي عقاب بس محدش يخدك مني
*تركها وذهب الى حاتم*
حذيفة: اسمع مع احترامي ليك كتب كتابك اه ولكني بحبها كانت خطيبتي انا غلطت فحقها بس مستحيل حد يجوزها غيري طلقها وانا هتجوزها بس بالله عليك ماتاخدها مش هتحبها قدي
*ثم ذهب لوالدة حاتم*
حذيفة: واضح ان حضرتك بتحبيها انا بعشقها ارجوكِ خلي ابنك يسيبها انا مقدرش اعيش من غيرها روحي هتروح مني
*وظل حذيفة يذهب من شخص لأخر وهو لا يعلم ان سونا لم تتزوج مطلقاً*
سامانثا: حذيفة اهدااا اسمعني
سونا: لو سمحتي قوليلو يمشي ويسبني اشوف حياتي براحتي
حذيفة: سونا م
سونا: بس بقا جاي تبوظ اليوم في ناس تانية برضو مكتوب كتابها وفي ناس هناا امشي لو سمحت امشيي
حذيفة: همشي بس كلنا بنغلط حاولي تسامحيني انا بقالي سنة بحاول وهفضل احاول انا هعدلك هنا مش ماشي
سونا: ومستقبلك
حذيفة: انتِ مستقبلي
*كان الجميع يشعر بحب حذيفة لسونا، ولكن سونا تشعر بالألم والخوف، الثقة للمرة الثانية ليست بهذه السهولة، مرت أيام وحذيفة يظهر أمامها في كل مكان، تارة تشعر بالحزن عليه وتارة منه.*
سامانثا: سونا سامحيه اديلو فرصة حذيفة كان ضحية غبي مش مؤذي.
حاتم: صباح الخير
سونا: صباح النور
حاتم: انا مش عارف اقول اي بس اوقات بقول اني مش هستسلم عشان هو بيحبك واوقات بقول واضح انه بيحبك فعلاً انا محتار
سونا: بيه من غيره مش هينفع نكون سوا حاتم اسمك لوحده هو اسم اكتر شخص بكره فحياتي ده سبب كفيل يخليني معرفش حتى انادي عليك غير كده انا بحب حذيفة لسة ومش هنساه لانه فعلاً كويس بس بديه قرصة ودن وانا موعدتكش بحاجة ولا كان في بينا حاجه وانت فاهم مالاول انه مينفعش بس حاولت ومحترمة محاولاتك، بس مش كل حاجه بنحبها بناخدها.
حاتم: تمام عندك حق عن اذنكم.
سونا: اضايق بس الحب مش سهل
سامانثا: بظبط مش سهل مش هتحني عالغلبان بقا ده لسة لابس دبلتك ياست انتِ
سونا: انتِ من وقت مااتكلمتي عامي مبقناش عارفين نلاحقك😂
سامانثا: هاااا
سونا: خلاص حاضر
سامانثا: طب يلا روحي خلصي
سونا: اروح فين
سامانثا: للولااا
سونا: هدور عليه يعني
سامانثا: تدوري لي هو اعد فالمكتب اللي تحت
سونا: نعممممم
سامانثا: من غير نعمم
سونا: طيب
*اخذت سونا نفساً عميقاً، ثم بدات بالبسملة ودخلت المكتب*
حذيفة: انا بس
سونا: من غير بس فين دبلتي
حذيفة: ارجوكي سبيهالي احتفظ بيها مترميهاش كفايا اي حاجه منك
سونا: خلاص خليها كنت هلبسها ورجعت فكلامي
*ظل حذيفة صامت للحظات يحاول أن يستوعب ماقالته للتو*
حذيفة: تلبسي ايه؟
سونا: توعدني الأول متكدبش تاني وتصارحني بكل حاجة.
حذيفة بفرحة: اوعدك اوعدك
سونا: طيب لما نشوف هات دبلتي بقا
*كان حذيفة يتراقص فرحاً؛ بموافقة شريكة حياته على بدء صفحة جديدة مليئة بالسعادة*
سامانثا: ربنا يسعدكم
________________________
*بعد سنة*
*تمر الأيام لحظات صعبة، لحظات تبتسم لأصحابها، تارة اخرى تحزنهم، ولكن القوي يصمد للنهاية، عش حياتك في سعادة مهما حدث، لا شيء يستحق الحزن، فإنها دنيا فانية*
سونا: منا مش فاهمه رايحين فين
حذيفة: استني بس خلاص وصلنا اوعي تفتحي
سونا: مش قولتلك متمسكش ايدي
حذيفة: يوووه يابنتي بقااا كتبنا كتابنا فوقي شوية
سونا: ااه صح ماشي
حذيفة: صبرني يارب امشي كم خطوة كده ايواا بس اقفي هتفضلي باصة قدام متحركيش راسك تمام اتفقنا
سونا: اتفقناااا
*نظرت سونا أمامها وجدت شاشة كبيرة، بداخل مكان كبيرة لم تستطيع رؤية المكان كاملاً لأن حذيفة طلب ذلك، تدريجيا بدأت الشاشة تخرج أصوات، وبدأت القاعة في الازدحام*
حذيفة: زي مانتي امشي قدام
سونا: ماشية زي الانسان الالى كده
سامانثا: هاانت
حذيفة: كلو تمام
سامانثا: كلو تمام
*صعدت سونا على مكان يشبه المسرح، تنظر الى الشاشة التي بدأت في إظهار صور عشوائية لها وفديوهات وهي تعمل وتتحدث بتلقائية، تارة تتحدث بهدوء، وتارة بعصبية، ثم ظهر إيناس يتحدثون عنها*
..1.: سونا طيبة جدا وجدعة يعني متعرفنيش والصراحة ساعدتني كتير
.2..: مشاكلي مع عيلتي اتحلت بفضل نصايحها
..3.: لما نزلتوا ع الفيس انكم بتعملوا مفجأة ليها ومحتاجين كل الناس اللي تعرفها تساعدنا لا كمان اقنعتوها ان صفحتها واقفة وسرقتوها كان قرار عظيم طبعا ملناش دعوة باللي هيحصل لما تعرف بس المفجأة تهوون هي تستاهل الصراحه مسبتش حد محتاج مساعدتهوش نفسيا قبل مادياً، فانا بقولها شكرا وشاركت فالفديو ده عشان بجد اقولك شكرا على وقوفك جنبي وجنب اختي
حذيفة: مساء الخير زوجتي العزيزة، اتمنى تكوني مبسوطة دلوقتي حاولت اجمع معظم الناس اللي ساعدتيهم عشان يقولوا اد اي انتِ انسانة جميلة، عايز اقولك اني بحبك وفخور بيكِ وبنجاحك، وبمناسبة انك حصلتي من اسبوع على أفضل جرافيك ديزاين فحبيت اقولك إنك أحن وأحسن بنت عرفتها فحياتي.
*وازدادت اللقاءات مع كل التي ساعدتهم سونا في حياتهم ولم تتوقع يوماً أن ترى هذا، مزيج من الفرح والبكاء في ذات اللحظة، وانتهى الفديو بحديث حذيفة*
حذيفة: بصي كده وراكي
*نظرت سونا رأت أصدقائها، ومعظم الأشخاص الذين كانوا في الفديو، ورأت والدها والشيماء ايضاً.*
الشيماء: أنا بقا محبتش اشارك فالفديو حبيت اقولك بنفسي قدام كل الناس دي اسفة بجد خسرت أخت زيك غبية سامحيني مفيش حاجه تستاهل خسارتك تغور الفلوس قدام وجودك بجد اسفة
*شعرت سونا بصدق الشيماء فحديثها ودموعها فقررت مسامحتها*
سونا: وحشتيني
*احتضنتها الشيماء وهي تبكي بشدة*
حاتم والدها: وانا عارف مهما قولت وعملت صعب تسامحيني برغم انك خلتيني اكون واصي عليكي فكتب كتابك ولكن مكنتيش معتبراني أب اتمنى تديني فرصة اثبتلك اني أب كويس
سونا: سنتين وانت بتحاول وانا شايفة والصراحة أنا حياتي ناقصة من غيرك اوي يبابا
*نظرات مليئة بالدموع والشوق بين الأب وابنته، فهذا الحضن مليء بالحديث الصامت*
سونا: شكراً
حذيفة: شكراً انك فحياتي
حذيفة: يقال إنكِ ودودة ولكن انتِ *بائعة الوِد*
..... انتهىىى.....
اي رايكم فالنهاية والفكرة؟؟؟
