بسم اللة الرحمن الرحيم
﴿ قَالَ لَا تَخَافَا إِنَّنِي مَعَكُمَا أَسْمَعُ وَأَرَىٰ﴾.
الكاتبة :دعاء محي
الحجر الأسود
تصويت بالفقرات
------------
كالي الشرط الأول أني هم بحاجة مساعدة
: كتلة خير انشاللة بشنو أكدر أساعدك
كالي : أني محتاج أحد يتبرع لصديقي بالدم حالتة تعبانة كلش ومحد من عدنة زمرة الدم مطابقة ويا والعالم ميقبلون يتبرعون لصديقي يخافون على نفسهم العالم حقهم
والشرط الثاني محتاج موظفة تشتغل بالشركة
والشرط الثالث أريد وحدة تعتني بوالدتي لان
مريضة ومتكدر تتحرك أريد أحد يساعدها وياي
لأن جبتلها ممرضات قبل وراحا ماتحملن فة
أريد وحدة تعتني بيها فة
كتلة :موافقة يكفي تنطي دم لاختي يكفي أختي ترجع إلى وتكوم بسلامة فة ابتسم وتشكر مني على
موافقتي وراح يتبرع لاختي ورة مارجع طلب مني
أجي ويا علمود لصديقة ورحت ويا وتبرعت وكملنة كلشي وطلعت واجة وراي وكف مقابيل بالظبط
كالي :ماعرفت اسمج حتى نتواصل على الشروط الي راح تنفذيهن وأريد نتواصل بخصوص الشغل الي بالشركة وافقتة الرأي ونطيتة رقمي وتعرفنة
كالي :شنو اسمج
كتلة: أيليا
كالي :أهاا حلو أسمج عاشت الاسامي تشرفت بمعرفتج
كتلة : شكرا الي الشرف وانتة شنو اسمك
كالي : أياز
كتلة : أهاا حلو اسمك.
ترخصت منة ورحت يم صديقتي ترف كاعدة تنتظر يخلصون العملية ورة دقايق وطلع الدكتور
من غرفة العمليات وكبل كمزت من مكاني
كتلة : هاا دكتور خير أختي خوما بيها شي كالي
الدكتور : لا مابيهة شي أختج تخطة مرحلة الخطر
ونجحت العملية وهسة راح يطلعوهة بالغرفة الخاصة كالي
الدكتور: لازم تبقى اليوم بالمستشفى علمود ترتاح
وباجر تطلع
أيليا: يااااي اني فرحت كلش راح اطير من الفرح
أختي راح تطلع رونيم صغيرتي راح تطلع وكتبلي علاج كالي اجيبة.
الدكتور : هذا العلاج لازم اتجيبية من الصيدلية لاختج وتلتزم بيهة
أيليا : ورحت اجيب العلاج وشفتة واكف بالصيدلية وانتبه علية ونرسمت الابتسامة على وجهة ورفع ايدة يسلم علية ورفعتلة أيدي ورديتلة السلام حجة بصوتة الخشن
أياز : هاا عيني خوما محتاجة شي
أيليا : كتلة لا سلامتك مامحتاجة شي وسألني على اختي كال
أياز: شلون أختج نجحت العملية
أيليا : جاوبتة وكتلة أي نجحت العملية و الحمداللة باجر يطلعوها كال
أياز : هاا خووش، الحمداللة على سلامتهة
أيليا : اللة يسلمك، هز براسة وابتسم وأخذت العلاج أريد اطلع وكفت وتذكرت أسئلة على صديقة شلون صار ورجعت أسئلة كتلة صديقك شلون صار هم سوة العملية كال
أياز : أي
أيليا : أي وشلونة، كال
أياز: الحمداللة نجحت وباجر يطلعو
أيليا : أهاا، الحمداللة على سلامتة مايشوف شر انشاللة واتشكر مني وكال
أياز : وأختج ماتشوف شر انشاللة
أيليا: وتشكرتة وطلعت رحت يم أختي ولكيت صديقتي ترف كاعدة بصفهة ورحت كعدت يم ترف وهمست الها بصوت ناصي أكلج
ترف : هاا
أيليا : أريد أحجي وياج بموضوع وكالت
ترف : خير أسمع
أيليا : كتلها الولد الي تبرع الدم لرونيم أختي شرط علية شروط ياللة تبرعلها فكت عينها مصدومة وصاحت
ترف : شنوووو؟
الصراحة انغرمت بهذولة الثنائي
😊😊😊😊😊
