بو احمد:اقعد!
يلس سالم
بو احمد:انت تتحرا بنات الناس لعبهه!
سالم:لا انا اباها
بو احمد:تباها دق باب بيتهم مب تسير وترمسها من ورا اهلهاا!
دق فون سالم
سحبه بو احمد علطول وشاف اسم شيخه ورد وحطاه سبيكر
بو احمد:نعم!
...:منو انت؟
بو احمد:انت الي منو
...:انا حمد اخو صاحبه هالرقم سالم وينه؟
بو احمد:انا ابوه
حمد:هلا عمي
بو احمد:امر شو تبا!
حمد:عمي ،،سالم واختي غلطو انهم رمسوا بعض وانا اعترف بهالشي لكن انهم يطلعون معبعض هاي فضيحه عندنا وابوي ناوي يذبحها ف اتمنى تشوفون دبره للموضوع وولدك يصلحالوضع ويخطبها باسرع وقت رضى ولا مارضى بنات الناس مب لعبه عنده
بو احمد:تم بعد يومين عندكم
سالم:ابووويييهههه!
حمد:ننتظركم
وسكر الخط
بو احمد:جب ولا كلمه ام احمد بعد يومين بنسير نخطب لسالم
ام احمد:ان شاءالله
بو احمد:لا تتحرا بنات الناس لعبه عندك وبتخطبها غصبا عنك
سالم:ماباها
بو احمد: شحقه! مب تحبها مب ميت عليها
سالم: لا لان مثل ماتعرفت علي بتتعرف على غيري
ام احمد:ساالمم! كلمة ابوك وحده مابتتغير سير حجرتك بسرعه
راح سالم بكل عصبيه لحجرته
بو احمد:مب معناته اخوك يعني بتخبى علينا كنت تقدر تخبرنا ونوقف الموضوع قبل لا يوصل لانهم يطلعون مع بعض وبعد قبل لا يوصل لاهلها
احمد:ابوويه احينه قلبت الموضوع علي انا شحقه ماسويت شي نصحته نصحته نصحته
بو احمد:انت تعرف اخوك سالم ماينفع وياه النصايح ابدا
بعد يومين راحو بيت بو شيخه
بو شيخه :هلا والله قربوا
دخل بو احمد مع سالم وام احمد راحت عند ام شيخه
ام شيخه (ام حمد):حياج الله ام احمد
ام احمد:الله يحييج ويبقيج
ام حمد تقهويها ويعم الصمت
ام احمد:السموحه منج يا ام حمد على الي صار
ام حمد:لا ماعليج الامور طيبه والموضوع مالج يد فيه خل يتزوجون ويعقلون ويعرفون الشي الي سووه غلط
أنت تقرأ
يـاحظ عـمري يـوم تجـمل بـك
Actionروايه إماراتيه من وحي الخيال يسافرون لبلد ويتعرفون على أشخاص ع اساس طيبين ف النهايه يعرضون حياة هالعائله لخطر
