دخلو البيت لقو حميد ف الصاله ماسك فونه ومندمج وعافس ويهه وهو يكتب بسرعه !
: سلام عليكم
حميد : ..
بوحميد : حووو
حميد : هلا هلا ابويه
ام حميد : عنبو بلاك م تسمع
حميد : سمحيلي امي كنت مندمج ب الفون
قام وحب راس امه وابوه
وقعدو كلهم ف الصاله
الا ترمس ام حميد
: الا وين البنيات ؟
حميد : ساره فوق
ام حميد : وجوهره وين
جواهر فجأه بصياح وصريخ : امييي جوهره محدد
ام حميد : كيف يعني محد وين سارت ؟؟
جواهر : تخيلي امي حميد طردهاا من البيت وهييي ماعندهاا حدد
قام بوحميد وحضن بنته جواهر يهديها : بس بنتي حبيبتي خلينا نفهم السالفه
فجأه قال بوحميد
: يعني البنت الي شفناها تمشي عالرصيف كانت جواهر ؟
حميد قلبه عوره لكن مطنش بعده ويكابر
ام حميد : كيف ما عرفناهاا وكيف اصلاً تطلع جي شو صاير
نطق حميد وقال : امي هاي الانسانه قذره ونحن ما ندخل قذاره ف بيتنا قلعتها لا تيبون طاريها
بوحميد : شوفيك يا ولدي مب انت الي يبتها ؟ والحين تقول هالرمسه شو صار ليش فجأه تضاربتو وتوصل انك تطردها من البيت!
جواهر : ابويه تخيل البنت يالسه بحالها ما سوت شي وطب عليها وهي بليا شيله ومد ايده وفوق ها سبها وطردها
ام حميد : افا ياولدي نحن ربيناك ع جي ؟
حميد : تستاهل على الي سوته تستاهللل
جواهر : ابويه تخيل يتهمها بشرفها يهاجمها جي من غير لا يسأل ولا يسمع منها كيف يسوي جي !!
بوحميد : بس يا جواهر هدي وخليني اعرف كيف ارمس ، ونته ي حميد كيف تتصرف من غير لا تشاور وترمس وتتفاهم قوم اشوف تعال معاي الغرفه يلا ، ونتي يجواهر بس ودري عنج الصياح ونا بتصرف سيري انتي وامج رتبو الاغراض لين نييكم
جواهر : ان شاء الله ابويه
وقام حميد ورا ابوه وصعدو فوق سارو الغرفه
بوحميد : سكر الباب وتعال يا ولدي اقعد نتفاهم
سكر الباب وقعد صوبه
حميد : ابويه مافي شي نتفاهم عليه بس خلاص انتهى الموضوع
بوحميد : خبرني كل شي وشو صار الحين
حميد : ابويه مابا ارمس عن الموضوع خلاص
بوحميد : قلت لك ارمس يلااا !!
حميد : ان شاء الله
جوف ابويه انا رغم اني خبرتك من وين يبتهم لكن ابا اعطيك التفاصيل وشو دار بينا ، هالبنت جفتها ونا راد البيت جفتها هي وربيعتها ربيعتها راقده عالكرسي وهي يالسه تغني نزلت من غير لا تحس علي وسمعتها وهي تغني ما اخش عنك ابويه اسرتني بصوتها رمستها وقلت لها شو تسوون هني ؟ البنت كانت وايد هاديه وخايفه منيي حتى م طاعت تخبرني حاولت فيها ورضت بشرط اني اقعد بعيد عنها لهدرجه هيي انسانه زينه تركز بكل شيي خبرتني كيف انهم شردو ونا خبرتك الموضوع شليتهم ويبتهم كانت هاديه عكس ربيعتها ساره المهم ان يبتهم وكل شي وقررنا نطلع اليوم عساس نسير المول بس طلبت مني نسير البحر خمس دقايق والصراحه م قدرت امسك نفسي واعترفت ب اعجابي لها المهم سرنا المول تشرينا وردينا البيت كنت الاحظ اسلوب ساره الوقح مع اختي عكس جوهره كنت اقول ان هالانسانه جداً سيئه عكس جوهره المهم ردينا وقررو البنات يغيرون جو سارو الغرفه ومشغلين اغاني وكاشخات وانا انزعجت وسرت عند جواهر اهزبها تخف الصوت لمحت وحده لابسه فستان احمر استغفرالله ماقدرت اقاوم اني ما اشوف وشعرها كان عذاب بس جواهر سكرت الباب وسرت غرفتي خلصو البنات ويت عندي ساره تبا تقول لي شي بس دخلت جواهر وخربت وعقب ردت ساره مره ثانيه وقالت لي شي وهذا الشي صدمني وايد قالت لي انها سمعتني صدفه ونا اعترف ل جواهر حذرتني منها انها ترمس شباب راوتني جات جواهر و واحد وانها مطرشه صورتها بفستان عاري جفت الصوره وعرفت ان الي لابسه فستان احمر هي جواهر والباقي تعرفه يا ابويه
بوحميد : مب ع كيفك تبدا ب الشي وتنهيه كيف تطرد البنت ونت تدري انها وحيده ومالها حد وفوق ها تطردها بهالوقت وما حسبت حساب ل ابوك وهو راعي البيت يقرر منو يدش ومنو يطلع مهمه كانت البنت ومهمه كان الي فيها ما تتصرف جي كل شي ب التفاهم كيف ما سمعت منها ولا سألتها كيف تدخل عليها وهي مب محرم لك وكيف تمد ايدك من متى نحن نمد ايدنا ع البنات؟ كيف تسوي ها كله انا مصدوممم الصراحه بس سؤال؟
حميد :اسأل ابويه
بوحميد : ما قدرت تفكر و تلاحظ شي ؟
