استيقظت كالعادة بسبب صوت المنبه الذي يعلن أنه تبقي ربع ساعه فقط على آذان الفجر لتنهض و تقوم بالوضوء استعداداً لي الصلاة، أدت فرضها و قبل العودة إلى فراشها الدافئ جلست على أريكتها الحمراء مقابل النافذة تتأمل جمال القمر في وسط السماء و الغيوم الرمادية من حوله، بالإضافة إلى النجوم التي قد زادت المنظر جمالاً و لطفاً،
و تنظر و تتأمل المنظر جيداً لي يقفز لي عقلها فكرة انها قد رأت هذا المنظر من قبل و ان ما يحدث قد حدث بالفعل من قبل، و لكن سرعان ما استطردت
هذه الفكرة البلهاء من عقلها فأنها تفعل هذا كل يوم،
تجلس قبل ان تخلد الي النوم لي تتأمل جمال و لطف القمر سواء كان هذا في العشية أو حين يوشك الصبح على الظهور بعد أن تؤدي فرضها فجراً«ولكن نحن الآن في فصل الشتاء مما يجعل الوقت بعد منتصف الليل »، و عادت إلي فراشها حتي تأخذ قسطاً من النوم قبل أن يحين موعد الذهاب إلي المدرسه.
لتسمع صوت المنبه مره أخري و لكن بعد فترة زمنية ليست بالطويلة و تنظر للمنبه خاصتها ب تململ لي تصرخ موبخة لنفسها: يا نهارك مش فايت يا نور ده الساعة سبعة إلا تلت مش باقي غير ساعة إلا ربع على الطابور و ها يعملوا فرح على التأخير ده
لي ترتدي ملابسها سريعاً و تنزل إلي الأسفل و تقوم بإلقاء تحية الصباح على والديها
*نورسين*: صباح الخير يا بابا صباح الخير يا ماما
والدتها: صباح الخير انا حضرت لك السندوتشات
و كمان دول إضافي عشان تفطري قبل ما تروحي عشان حضرتك على طول متأخره
نورسين بعد ان قامت بتقبيل والدتها: تسلميلي يا ماما يا قمر ♡
لتهرول مسرعه إلى الخارج و تحمد الله انها استطاعت انا تلحق بي حافلة المدرسة على آخر لحظه
لي تصعد و تجلس بجانب النافذة بمفردها تنظر إلى الطريق لي يتسلل بعض أطراف حديث الفتيات
لكنها لم تهتم على الأغلب انهم يتحدثون عن أحد الفتيان كالمعتاد لكن الغريب في الموضوع انها
عندما سمعت أطراف بعض الحديث شعرت أنها قد مرت بهذا من قبل، هذه الأيام ينتابها هذا الشعور كثيرا علاوة على انها تنسي الكثير من الأشياء و تشعر ان هناك شيء مهم قامت بي نسيانه كما أن هناك شي غريب يحدث لها لي يقطع شرودها صوت صديقتها التي صعدت الحافلة بالفعل و لم تنتبه لها نورسين
عائشة: نور وحشتيني اوي
لتجلس بجوارها و تضمها الأخرى
نورسين: و انتي اكتر والله
عائشة: ايه اخبار الاجازة
نورسين: كانت كويسه الحمدلله
عائشة: طيب الحمدلله بس انا حاسكي مش على بعضك يا نور في حاجه معاكي؟!؟؟
لي تتنهد نور بتعب و تاخذ نفس عميق و تحمد الله أسفل أنفاسه على هذه الصديقة التي تشعر بها قبل ان تتكلم حتي ♡
نورسين: مش عارفه يا عائشة والله انا حاسه ان في حاجه غريبه بتحصل معايا. . . . . . . . . . . .
عائشة: مش فاهمه قصدك ايه؟
نورسين: يعني أبقي قاعده احس نفسي مريت بالموقف ده قبل كده و أني شوفته و أني ناسيه حاجه مهمه أوي
عائشة : حاجه مهمه زي ايه ممكن توضحي أكتر؟؟!
نورسين بتفكير: اجيبها لك أزاي دي اممممم
لي تسكت لبعض الوقت ثم ترد بعد ان قامت بتجميع أفكارها: عارفة لما يكون في واجب منزلي عليكي في أي مادة عليكي بس انتي تنسي و تفضلي طول اليوم تقولي ان أنا ناسيه حاجه مهمه، أو لما يكون حد من المدرسين منبه على اختبار فا أنتي في وقتها تقولي انا لازم اعمل اللي عليا و اذاكر كويس و تروحي تنسي و تفضلي تقولي أن في حاجه أنا لازم أعملها حاجه مهمه أوي فهمتني؟؟!
عائشة: اه نوعاً ما استوعبت الموضوع لي تسكت برهة ثم تكمل حديثها مازحة محاولة التخفيف عن صديقة عمرها فهن صديقتان منذ مرحلة الروضة و الآن هن بالصف الثاني الثانوي .
عائشة: أوعي يا بنتي يكون في امتحان مفاجئ من أول السنه كده مش عاوزين مفاجات خالص والله
نورسين: ههههه لا متقلقيش مفيش
ليصدر هاتف عائشة إشعاراً معلناً عن وصول رسائل جديدة لتفتحه و تقوم بقراءة ما وصل إليه و تبتسم ابتسامة صغيرة بعد النظر إلى نورسين و تزعم لرد على ما وصل تواً . . . . . . . . . . . . . . . . . . . . . .
*~*~*~*~*~*~*~*~*~*~*~*~*~*~*~*~*
في مكان أخر كان هناك من يجري مكالمة هاتفية و يبدو عليه الغضب و شدة الانفعال و الإستياء بشكل كبير جدا جدا
إبراهيم : يا بني انت عبيط مجنون مفيش جوه راسك عقل و مبتفكرش في نفسك نهائي اللي انت ها تعمله ده ها يجيب اجلك
بدر ببرود شديد عكس ما بداخله من نيران مشعله: انا عايز افهم ايه اللي في الموضوع مخليني عبيط انا بنفذ مهمتي إني احميها
إبراهيم: يا بدر حرام عليك ما تخلينيش أموت ناقص عمر منك انت مهمتك كانت . . . . . . . . .
ليقطع بدر كلامه قائلا : عارف و فاكرها كويس جدا بس انا واخد عهد على نفسي إني أحميها طالما هي في المهمه دي ثم أنه مفيش حد بيموت ناقص عمر انت هتكفر يا بني استغفر الله العظيم منك بجد يعني
إبراهيم: استغفر الله العظيم يا عم كلمه طلعت من غير قصد فما تحبكش الحكايه اوي كده و خليك معايا في الموضوع الأساسي انت نواي تعمل ايه دلوقتي و ليلة الإكتمال الكلي خلاص قربت؟؟!
بدر: انا متأكد مليون في الميه انها رجعت عشان سبب غير اللي كانا متفقين انها ترجع عشانه عشان كده هي بقالها مدة طويلة مش فاكره أي حاجة و مش قادرة تفتكر، و بعدين يا عم انا مش عارف ليه كل مره بتنسي انه الإكتمال الكلي لسه بدري عليه لانه احنا رجعنا بالزمن لو حضرتك فاكر يعني!!
إبراهيم: طيب و انت عرفت المعلومات دي كلها ازاي و امتي؟ ليكمل حديثه بنبرة سخرية انت زارع حواليها جواسيس و لا ايه النظام ههه؟؟!!
بدر : حاجه شبه كده
إبراهيم : و لما أقول لك انك بتحبها مش مهووس بيها بس بتزعل و انت فعلا تخطيت مرحلة الجنون بيها حرفيا مش ببالغ والله و يا عالم بقي اذا كانت هي. . . . . . . . . . . .
بدر: يا بني انت فطرت الصبح ملوخيه و لا ايه نظامك انت أصلا بقول حاجات ملهاش أساس من الواقع فبطل هبل بقي
إبراهيم : انا برضو اللي بقول حاجات ملهاش أساس من الواقع طيب يا بدر لما نشوف اخرتها معاك ايه ما انت اكيد مش هتفضل طول عمرك مخبي كل حاجه جواك ها يجي وقت و قلبك هيقولك استوب على كده يا برنس انا مش مستحمل و ها تتفضح قدامها و قدمنا و نبقي نقعد على الحيطة و نسمع الزيطة
بدر: اقفل يلا و لا اقول لك خد دي
ليقوم بإغلاق الهاتف في وجهه و يفكر بما عليه ان يفعل الآن لي تخطر له فكره مجنونه و قد زعم على تنفيذها . . . . . . . . . . . . .
يتبع . . ⓉⒶⓈⓈⓃⒺⒺⓂ#
_
_____________________________________
السلام عليكم ورحمة الله وبركاته 🥰
ازيكم عاملين ايه يارب تكونوا بخير 🤲🏻
دا الفصل الاول اتمني يعجبكم ❤😍
و عاوزة توقعاتكم للفصل الجاي بدر ناوي يعمل ايه؟؟ و يا ترى مين البنت اللي إبراهيم و بدر بيتكلموا عليها؟؟
مع انها بقت واضحه أصلا 🤔🤗
و يا تري بدر عرف المعلومات دي كلها ازاي؟؟؟
و ايه هي الحاجه المهمه اللي نورسين نسياها؟؟؟
ده كله هنعرفه في الفصول الجايه ان شاء الله
اه و كمان قول لي لو كان الفصل قصير و عاوز يطول او طويل و عاوز يقصر
و بس كده سلام 👋
أنت تقرأ
ليلة اكتمال القمر 🌑
Phiêu lưuالبعض يمرون من خلالنا بأرواحهم فيتركون أثراً جميلا، و بصمة خفية، شفرات لا تفك ألغازها، و تظل أبواب أرواحنا مفتوحة لهم، يتسللون إلى صدورنا في أي وقت يحلو لهم، فجأة دون تنبيه و خفية بلا استئذان ، حضورهم أثير، و كأن صدورنا غدت بيوتاً لهم، و إن غاب...
