بسم الله
ــــــــــــــــــــ
ان ربي الله وما توفيقي الا بالله عليه توكلت واليه انيب.
ــــــــــــــــــــــــــ
البارت بطول لسان زينب🙂١٢٠١٧
ــــــــــــــــــــــــــــ
يحيى. جدو
امجد. عيونه
يحيى. شوف الشباك
امجد. همم علاوي بابا
اخذ يحيى اشترو الغزل وتعالو
بسرعه مو تتأخرون
علي. انطيني ياها اخذه
امجد. لا بارده لا تتمرض
وصيحلي امك بدربك
علي. ليش
امجد. هيج سالفه علمود غزل
راحو فاتت لافه عبايته
ام علي. تفضل
امجد. تفضلي بويه
عندي حجايتين...
احم. سمعيني ام علي ادري بيج
مضايقه من جيتي انه ويحيى
هنا وهذا حقج مالومج
فيابويه خل اسولفلج سالفه
انه ضابط سابق وهم جانت
عندي مريه وبنوته اسم الله
على غزالي بكبرها
شايف الدنيا بيهن عايش
الهن طبو علينه بفرد يوم
وصار لصار فقدتهم گدام
عيني عشت مسودن
بدونهم صرت اجمع
ولد واربي ومنهم برهان
عشت الهم مافكرت بيوم
ارجع اكون عائله لو ارجع
للحال الجنت بي
شاهد حديثنه
مثل ما انتي عشتي بدون
ابوكم احنه عشنه وهاي
سنة الحياه وهذا ربج
الكاتبه علينه لا نتهت
ورى ابوكم ولا انتهت
ورى عائلتي
غزال. انه الك
امجد. يباعدهم كلهم هو شجرني غيرج
اي بويه بفرد يوم شفت صورت غزالي
بمحفضته وبعده حجالي حياوي عنه
لذاك اليوم البرهان وداني متحلم
بيه واجيت لگيتج تردين تكسي
غزل متخربطه
وشفنه الغزال ودخل گلوبنه
شو بويه ايدج ابوسه ههه
فيا بنت الناس وثقي بالله
مابنيتي شي غير الخير ان شاءالله
انا اگول حتى تصير بلخير
اتقدملج بشرع الله هم
علاوي وغزل يربون يمي
وهذا مو معناها انتي مقصره
لا بالله ونعم التربيه بس
انه تعلقت بيهم وماريد
اسببلج مشاكل لو احراج ولا اريد
الكره منج لجيتي البيتج
مثل ما انتو تردون رجال الكم
انه اريد ذوله الحلوين
عائله ومره تلمني
وانتي خيرهن ان شاءالله
شفته بولدج وسألت وما
اجه بحقج غير الخير
يحيى. هاج غزوله
غزل. مالتي
يحيى. اي الج
علي. عمو بقي يحيى هنا
فدوى بس اليوم
امجد. هاي هي يبقى ليش لا
بس انطوني غزالي وخلو قرن يمكم
علي. لاا
امجد. ههه لا بويه خليه يم امها
وانته ابقى بس بدون طلعه
وسهر
