في الليل
في بيت ابوناصر
..........................
ام ناصر: بتجي معانا
ناصر :بوصل خالتي وبناتها
ام ناصر : اجل يلا لا تتأخر عليهم
ناصر: يلا رايح بس ناسي شي بغرفتي
ام ناصر: طيب
راح ناصر غرفته يتعطر وراح بيت ابو فرح
في بيت ابو فرح
.........................
ام فرح: مين يدق الباب
فرح: اتوقع ناصر لأن مو هو بيوصلنا
ام فرح: اي صادقه يلا
فتحت له ام فرح وهي تقول: هلا هلا بوليدي
ناصر: هلا فيك ها جاهزين
ام فرح: اي اي جاهزين
وركبو سياره وهم في سياره
فرح: يوه نسيت شي بروح اجيبه
ام فرح: الله يهديك دايم تأخرينا
و ناصر الي قال في نفسه لو تتأخر العمر كله عادي
ام فرح : اعذرنا يا وليدي تأخرنا عليك
ناصر:لالا عادي
جت بفرح واتجهو لبيت الجده وشغل ناصر في السياره أغنيه (أنا حبيبي بسمته تخجل ضي)
وفرح الي تبتسم و ناصر يناصرها وصحو على صوت
ام فرح وهي تقول: الله يرزقك بزوجه صالحه يارب
ناصر:امين يارب
ووصلو بيت الجده و استقبلتهم استقبال حار وجلسو و نادت الخالة
نوره البنات : تعالو المقلط
البنات: انشاء الله انشاء الله
رند: وش اخباركم
هتاف: الحمد لله طيبين
غدي: اخبار امل من زمان ماجات دیره
افراح : شغل زوجها ما عطوه اجازه
غدي: الله يعين على هاداومات انا يادوب عطوني
اجازه
فرح: الله يعينكم
دخلت الخاله نوره عليهم بشاهي
و فرح شافت ساعه عشره ودقيقتين وقالت: يولي تاخرت على ناصر وقالت لهم: أنا بروح اغسل يدي واجي
افراح طيب
وراحت فرح للحوش وكان مليان بزران وشافت ناصر يلوح لها بيده وشافته
وراحت عنده
ناصر: هلا
فرح: أهلين، الحوش يصرع من كثر البزران
ناصر: ايش رايك افضي الحوش منهم
فرح: يلا بس كيف
ناصر: عندي طريقه
وراح نداهم واجتمعو كلهم حولهم
ناصر: تبوني اوديكم البقاله
البزران بصوت واحد: اييييييي
ناصر: اجل بشرط روحو العبو داخل بعدين اوديكم
وراحو وجلسو ناصر وفرح في الحوش
ناصر: هاذي الجلسه يبيلها شاهي
فرح: منجد بس أتوقع في بيالة شاهي في المجلس روح شوفها باقي موجوده
ناصر: يلا
وراح جابها وجاء
ناصر: شوفيها هاذي هي
فرح:احلى شي
ناصر: عندي قصيده بقولها
فرح: سمعنا
ناصر:(ضاقت بي الوسيعه ضحكتس ترد الحياه فيني يا ضحكة منها
استحى وقتي يشين".)
فرح:هالله هالله استحي كذا انا
وفجاءه سمعو صوت خالتهم نوره جايه للحوش
ناصر: هذا مأكانه صوت خالتي
فرح: إلا إلا وش اسوي ياربي
ناصر: اسمعي انا بنط واطلع برا
فرح: طيب وانا
ناصر: انتي خليك جالسه قوليلها طلعت أغير جو
فرح: صح صادق يلا
انتهاء البارت.🤍
