Unicode
" မိဘမဲ့ကလေးတွေအတွက် နေ့လည်စာ ထမင်းဘူး ၁၀၀၀ လာပို့တာလား "
" ဟုတ်ပါတယ် "
" ကျေးဇူးပါ "
ဇိန်းက လက်ထဲအထုပ်တွေပြည့်နေတဲ့ ဖာသာကြီးအနားသွားလိုက်ကာ လက်ထဲရှိ ထမင်းဘူးများခွဲမျှယူလိုက်သည်။
" ဖာသာ ဇိန်း "
" ဟုတ်ကဲ့ ဖာသာကြီး "
" မင်းတောင်အရွယ်ရောက်နေပြီဘဲ "
ဖာသာကြီးအပြောကို ဇိန်းက အပြုံးဖြင့် တုံ့ပြန်လိုက်သည်။
" ဖာသာ ဇိန်းနသန် ကိုငါတာဝန်တစ်ခုပေးချင်တယ် "
" ဘာများလဲ "
" ထမင်းဘူးတွေ အရင်သွားထားလိုက်ရအောင် "
ဖာသာကြီး အပြောကို ဇိန်း ခေါင်းငြိမ့်ပြလိုက်သည်။
ခုဇိန်းနေနေသည့် ဘုရားကျောင်းဝန်းသည် အလွန်ကျယ်သည်ဟု ပြောလို့ရလောက်သည် ။ တောင်ကုန်းမြင့်ပေါ်တွင် မိဘမဲ့ကျောင်းနှင့် ဘုရားကျောင်းဝန်းသည် တစ်ဝန်းထဲဖြစ်သည်။
အဝေးသို့ကြည့်လိုက်လေရာ ကလေးတွေနေ့လည်စာစားဖို့ ဆင်းလာကြလေပြီ ။
ဒီမြင်ကွင်းက သူ့ငယ်ဘဝကို အမှတ်ရစေသည်။ဇိန်း အကြည့်တို့ကို ပြန်ရုတ်သိမ်းကာ ရှေ့တူရှူသို့သာ ကြည့်၍ ထမင်းဘူးများထားရမည့် စားဖိုဆောင်သို့ ဖာသာကြီးနှင့်အတူ သွားလိုက်သည်။
" ကိုးလင်းမြို့ကို ကြားဘူးလား "
လမ်းလျှောက်နေရင်း ဖာသာကြီးက တိုးညင်းစွာ စကားစလိုက်သည်။
" ကြားဘူးပါတယ် ရေမြေကအတော်ေကာင်းပြီး
နေချင်စဖွယ်မြို့တစ်မြို့ပါ "
ဆံပင်ဖြူများ ဖုံးလွှမ်းနေသော ဖာသာကြီးခေါင်းက တညိမ့်ညိမ့်ဖြစ်သွားသည်။
" ဟုတ်တယ် ကိုးလင်းဆိုတာ အဲ့လိုမြို့ဘဲ ဒါပေမယ့် "
" ဖာသာကြီး ဖာသာ Zane Nathan မင်္ဂလာနေ့လည်ခင်းပါ "
ဖြတ်သွားဖြတ်လာလူများက နှုတ်ဆက်လိုက်သဖြင့်
ဖာသာကြီး၏ စကားသည် ရပ်တန့်သွားသည်။
ဖြေးဖြေးချင်း လမ်းလျှောက်လာရာ စားဖိုဆောင်သို့ပင် ရောက်ခံနီးလေပြီ ။ ဇိန်း ဖာသာကြီးဘာထပ်ပြောမလဲ စောင့်နေပေမယ့် ဖာသာကြီးက လက်ထဲက ထမင်းဘူးများကိုသာ အထူးဂရုစိုက် ကိုင်နေလေသည်။
YOU ARE READING
Zane Nathan
Horrorမှုခင်းဇာတ်လမ်းမျိုးကို horrorဆန်ဆန်ပေါင်းစပ်ထားတာမျိုး ကြည့်ရတာဖတ်ရတာကြိုက်ကြသူတွေရှိကြလားရှင့် ဒါဆိုရင်တော့ Zane Nathan ကသင့်အတွက်ပါဘဲ ! K drama တွေကြည့်ရင်အပနှင်တာမျိုးပါတဲ့ကားမျိုး ကြည့်ရတာကြိုက်တဲ့သူတွေကော ရှိကြလားရှင့် ဒါဆိုရင်လည်း Zane Nathan...
