انستا : aaff22__
السلام عليكم 👋 غزيلاتي الحلوات 🦌
رجعتلكم فطومتكم الي ساعات دللكم وساعات ترفع ضغطكم بس ميخالف احنا نضل نحب بعض مو ؟
رجعنا برواية الجزء الثاني من تجبر الرماد
ما خلصت اكيد والقصص الي بيها تجنن وراح اكتبها بهاي الرواية انشاء الله 🫂
بس خلينا نتفق محد مثل ترف بت كمال وتربية هشام وتعلوم صگر بلطلاتنا شوية احم فاهيات مدللات فـ يمكن يرتفع ضغطكم فـ 👈👉🥺
يلة هسة نشوف المشاهد علمود شنو تتحمسون فـ تحمسو ولا تنسلكون اءء اعتذر على التفاهة بس هاي شخصيتي الحقيقية ولازم تعرفوها لان انتو خواتي 🥺👈👉
يلة كافي نروح للمشاهد
•ــــــــــــــــــــ•
شغلت ضوة الصاله وفتحت الوصلة شاغت روحي لان الوصلة لازگة والجرح طك دم بجيت توجعني رجعت شديتها وعاصرتها حيل لان توجعني ما اعرف كلت بجزع وتعب
ـ تعاال عاد تعاال وينك
فزيت على صوت الباب مالت غرفة بيبي وجدي طلع جدي خازرني مسحت دموعي كال
ـ فززتيني من نومي بنت الچلب
بعيون بريئة نضيفة شهكت ونزلت دموعي كلت ـ
ـ اسفة جدو
دنكت اشهك بصمت هدوئ يخوف بهل بيت الگئيب اريد اشگي اريد احد يهتم بية طفلة تحتاج اهتمام وحنية ليش هيچ ليش عافوني وحدي هنا بهل بيت المرعب
رفعت راسي خايفة من حسيت ايد على راسي شفت جدو كاعد بصفي شلون ما حسيت بي
مسح على راسي بحنية اول مرة اشوفها منة
ـ شبيچ ؟
ـ رجلي انجرحت
كلتها وبچت حضني تيبست ما متعودة احضن غيرة هاي اول مرة احد يحضني بعد سنوات طويلة غيرة كال ـ
ـ تريدين باجر اوديچ للطبيب ؟
ـ ها
ـ انت بنت ابني وعزيزة علية ما ينطيني گلبي اشوفچ موجوعة
ـ ا اي
حضني جان يحرك ايدة على ضهري ما حسيت باي امان شخص ما معودتك على حنية او معاملة زينة وفجاة يتصرف هيج بدال لا تحس بارتياح وأمان تحس بخوف برعـ ب
ـ جـ جدو اريد اروح انام
ـ وين توجعچ رجلچ وين
وخرني عن حضنة گلبي يريد يطلع من مكانة بكد ما يدك بخوف رفع رجلي رغـ م الجرح بالمعصم رفع الدشداشة هواي نزلتها بيدي كال
ـ عمت عيني هاي مجروحة هواي تعاي امشي بالستقبال اشوفلچ ياها
ـ لا جدو اريد اروح انام توجعني
