ملاحظه: ڪلشي يتم ذڪره بالبارت من ڪتاباتي الخاصه ♡.
تصويت بـ 🌟 إذا عجبڪم البارت 🤍.
علقوا بين الفقࢪأت وانطوني رئيڪم بڪُلشي 🩵🫧.
ويالله هسـه قراءه ممتعه أن شاءالله 🤌🏻❤️🔥.
رجعت نشرته مرا ثانيه لان ذاك البارت انشر نصه ومدري ليش💔.
ما أعرف اوصف هل شعور
من تمر غصه بكلبك وتبتسم
ما تكدر تطلعها...
من تزعل بداخلِك، بس بالوجه تضحك
الناس حسدت ضحكتك، محد درا..
هَل ضحكه بس صوت!!
-زهراء عَلي.
---
بقيت متصمنه بمكاني، دموعي ما كادره تنزل، ما عرفت احرك ايد لو رجل، راسي صدع وحسيت بنفسي عاجزه، عاجزه افكر، أني اي اي أني ضملت بشر
ما سويت شيء مجرد سحبت جنطتي من الطاوله ومشيت وطلعت من المطعم بروح مبهوته، طلعت وأني فاهمه وعارفه گُل الحقائق، فاهمه وعارفه منو قتل أمي، عرفت ياهي الايد النمدت وخنكت ركبه أمي ونحرتها، دموعي تسابقت نفسي، وكفت بنص الشارع العام ما فاهمه وين اريد اروح، وصلت الحالة ما اعرف وين اروح!!
وفوك هاذا گله، اني ضلمت، اي اي ضلمت شخص واتهمته اتهامات باطله، ضلمت هيثم ضلم قوي وطردته وكسرت كلبه، دكيت على صدري بقوه مخنوكه وبصدري غصه وبجيه قويه وشهكه بس مجاي تطلع، أني خسرت هل شخص العزيز
خسرت الشخص الوحيد إلي بحياتي، خسرت الشخص الوكف ضد كل البشريه ويايه، كسرته وطردته ووخسرته، اريد الكاع تنطم وتبلعني، ما اعرف اوصف شعوري بهل لحضه بس "أني ضايعه"
رن مبايلي مكالمه مكالمتين تلاثه وأني مالي قوه اطلعه من الجنطه وافتح، بقيته يرن بحده ويسكت بحده، واخيرًا اتمالكت نفسي ورجفتي ومشيت خطوات حتى أجر تكسي، وكفتلي تكسي صعدت بدون ما اكول اي كلمه
-عمو وين رايده؟
بقيت صافنه بالجامه وشكلي هدوء بس بداخلي حرب عاصفه، رجع الرجال يحچي
-عمو وين تردين اوديج!!
ما اعرف شلون نطقت بس بوكتها ما لكيت غير هل مكان ومتأكده هوا المكان الوحيد الراح يضمني ومراح يردني
رنده: عمو وديني للجزائر
الجزائر بيها بيت هيثم، اي اي بيته ما اعرف بشنو فكرت وبشنو اجه ببالي بهل لحضه من انطيت عنوان بيت هيثم، وما ادري اذا هوا صدك ببيته لو بعده بلعرس لو وين ما وين بس المهم اتعناله ونشوف
مر ربع ساعه على الطريق من وصلنه نزلني كبال البيت، انطيته فلوسه ونزلت اتلفت، المنطقه متروسه جهال، إذان المغرب، اتقدمت بخطواتي ودكيت باب بيته، دكيته مره مرتين تلاثه اربعه هواي دكيته لحد ما مليت، الاضويه مشتعله يعني هوا موجود بهل بيت بس ما رد، طاحت دمعتي حقه ما يفتحلي الباب حقه هوا أني السويته بي قليل مثلاًا؟
-خاللله شجااي تدوريين!!
درت على الطفل الوراي مسحت وجهي وحجيت
رنده: اكو رجال بهاذا البيت هوا هنا اجه لو لا يعني موجود؟؟
أنت تقرأ
رمَاد اللـيل
Romanceتعبتنه الحياه، نحاول نوڪف تميل ويانه شمسويلها،؟ الله ليعَلم من صغرنه تعلعلينه، تفرهدينه من الصغر الصوچ بيمَن؟ يمڪن أحنى الصوچ بيَنه يمڪن الصوچ بالَعمر... ويمَڪن يمَر الربيع بلاَ شته؟ اضحگ بيهم على المخَابيل يابَعد العُمر حجه بصوت راهي وهوا عا...
