الأبرَد بقلم دَال الـ نايف.
متـابعهه +تصويت 🦋
اعذروني على الاخطأ الاملائيه.
ـــــــــــــــــــــــــــــــــــــــــــــــــــــــــ
الناصريه
عوده الى الماضي:
عباس: لللللللللللللللللاااااااااااا فرحتي لللللللللللللللللااااااااااا
گعدت على صوت ونه و انه مسامعي مابيها شيء غير صوت امي و هي تصارع الموت
فتحت عيوني على اثر بوسات بَگصتي و صوت حنين
: حبوبي من عمت عيني عليك
باوعت شفت نفسي بحضن مره وجهه حَلو كلش و مدگدگ و الدموع ماليه وچها ادنيت عنها و باوعتلها مستغرب
الأبرَد: وين امي؟
سئلت بكل هدوء متناسي او مُوهم نفسي بأن النحب الاسمعه هو على امي! جاوبتني المره و هي تبچي
: يا يااا الفرخ مصدوم
الأبرَد: امي وين شمالج مَتحچين
: ماتت
الأبرَد: ابويه وين؟
: عند الرچاچيل اني حبوبتك ام ابوك
باوعتلها و حجيت بروح خاويه
الأبرَد: انه بَالناصريه؟
نوريه: اي يبعد حبوبتك
ماتت؟ منتحـ..ـره!
كل الصار ويايه مر گدام عيوني من حضن امي لاحضان الناصريه
ولا دمعه نزلت من عيني گلبي صار صخره كل الاريده اشوف الاغتـ..ـصب امي
شايف اشكثر صعبه من تحجي بكل برود انُ امك مغتصبيـ..ـها گدام عيونك و انت مثل الجحش بس تباوع،
التزمت الصمت و ماطلعت من الغرفه البيها اني و المريه التگول هي حبوبتي بمعنى جدتي
ابويه عيوني ماتلاگت بعيونه ولا جادي
يـومـيـن النهار و اليل لا نايم ولا مااكل شيء الي هيه حبوبتي عجزت عني و اخر شي سكتت و خلتني
امي و هي واچه متروح من بالي مصارعتها للموت و صياحها بذهني يتردد!
بعد يومين غمضت عيوني و نمت گعدت على صوت هز مسامعي و سلب روحي للمره الثانيه!
: يووووووويييليييي عليككك يَعبابسس يايمههه
صوت حبوبتي اخذ حيلي البقى رحت للباب طلعت هواي نسوانن و كلهن يصيحن بااسم ابوي بنحيب وگفت بباب الغرفه عاگد حواجبي
