حلقة طويلة واتمنى تكون ممتعه لكم 💙 ...
-بيت ابو تركي-
-المشب-
محمد وهو يلبس ثوبه : يلا انا بطلع تأخرت
فهيد وهو واقف قدامه: تكفى خذني معك
محمد : فهيدان خلك هنا انا مانيب مطول اذا العيال جايين تعال معهم ،،، لمس كتفه بخفة ،،، انتبه لعمرك
-المستشفى-
-العناية -
مرت الاحداث قدامه بسرعة وهو يشوف فلاشات وانوار وازعاج حس بصوت خليله وخطواته واصوات الاجهزة كان يبي يفتح عيونه لكن في شي يمنعه حاول يفتح لكن ماقدر
قرب محمد من سرير ناهس وباس راسه وهو يدمع ويبوس راسه : متى تقوم ونرجع نتهاوش من جديد ،،، لمس يده ،،، لك ثلاث اسابيع ماندري انت بتقوم ولا لا الا انا واثق انك بتقوم قم عبدالعزيز ينتظرك ياناهس
بعد محاولات فتح عيونه بالتدريج وبصوت متقطع : خ خليلي
فز محمد : ناهس ناهس تسمعني !!!!
حرك ناهس يده
-بعد سبع ساعات-
-احد اجنحة المستشفى-
طلعوا رجال ال عبدالله من عنده عدا محمد
ناهس وهو يناظره : محمد ،،، شصاير
ابتسم محمد بخفة : حادث بسيط لاتشيل هم انت بخير
ناهس : شوق وينها ؟
محمد : ببيتها
ناهس : وآسيل ؟
محمد : من آسيل ؟
ناهس : ال عساف
محمد : وش تقول ؟ من ذي بعد انت الظاهر الضربة جتك في مخك مب جسمك
ناهس : ياولد شفت اشياء مدري وش هي عادي اسآلك وانت تجاوبني ؟
قرب محمد وجلس على السرير وانسدح جنبه : وانا كلي لك ياعيون محمد
ناهس : كم عمري
محمد : 19 وبعد سبع شهور بتكمل 20
ناهس : اخواني
محمد وهو يناظر السقف : من ابوك ريان و راكان وعمر و عبدالعزيز ومن امك ترف
ناهس : عيالي ؟
ابتسم محمد : من الاوادم عبدالعزيز وكمل ثلاث سنين قبل كم شهر اما من الدواب نياقك وضحى و العنود و الشايقة و عندك من النمور ساهم وشهاب وسيف وكحيلان
مسك ناهس راسه بصداع : ريان وفلوة رجعوا لبعض ؟
محمد : وسد بابها بالذهب
ناهس : عليان وطلال ؟
محمد : عليان عند خوال ابوه وطلال بالبيت واليوم ماجاك بسبب مزكم
ناهس وهو يحاول يتذكر : غرور و عالية ؟
محمد : قبل فترة من حادثك سافروا امريكا بسبب دوام خالي ولا بعد تزوج ام جراح
انصدم ناهس : ها؟
محمد : و جراح تزوج غرور و عالية تزوجها شاهين المؤدب الغثيث
ضحك ناهس : وانت شصار معك
محمد : ابد دخلت الهندسة
ناهس : و ترف
محمد : يوم جينا بنملك الاخت قالت مابيه شين ومن وقتها ماتخطيت ماخليت مقشر الا وحطيته بس اختك الله يهديها ماتبيني بس الحمدلله قدها وافقت لكن بعد الثانوي العرس
ناهس : و راكان وشموخ ؟
محمد : ابد شموخ حامل بشهرها التاسع و راكان على ماهو عليه ،،، ابي افهم من آسيل
ناهس : انا شفت حلم غريب انا حلمت بعد مارجعت من دوامي انه شوق كانت تحوس بالادراج و .............
بدا ناهس يقص عليه كل شي
محمد بصدمه : والله اللي شفته وانت بالغيبوبة يصلح رواية
ضحك ناهس : محمد وش الصح من اللي شفته ابي بس الصح
عدل محمد جلسته : وفاة عمي مشاري وزوجته وبنته
تنهد ناهس
محمد : ضبا سافرت حايل عند خوالها رضى فلوة صار قبل حادثك وشكله دخل بمخك الموضوع وهي بعد جابت بدوري ولا عزام يناديه البطريق الظاهر انت انخلط بمخك واقع وخيال اما ترف لسى ماتزوجنا قريب العرس كل اللي شفته صح كل شي شفته صح الا شي واحد سبب طلاقك من شوق واني تزوجت صفاء
انصدم ناهس : كنت اتمنى كل شي حلم وخيال الا اني طلقتها
محمد : الطلاق صار بس مب زي ماشفته
ضحك ناهس بصدمه : وش السبب
محمد : انا ورهايف و شموخ وغرور وترف بس اللي نعرف سبب طلاقكم وصفاء كانت السبب بس مب زي ماقلت تخيللل عاد اني تزوجتها تخيل بس
ناهس : طيب قل وش السالفة
محمد : السالفة انه صفاء بدتت تلعب بمخ شوق لكن شوق وقفتها عند حدها وكرشتها لكن صارت مشكلة بينك وبينها وهي طلبت الطلاق وانت طلقتها وخليتها تعيش في بيتها وانت في بيت عمي
ناهس : يعني كل شي شفته صح من كل الاحداث الا سبب طلاقي من شوق وزواجك من صفاء ؟
ضحك محمد : اقولك ثور تقول احلبه ؟ اي يامسلم ،،، لا لا ركون لازم يدري ،،،، رفع جواله و دق محمد على راكان وعلمه بكل شي عدا سبب طلاق ناهس وشوق اللي شافه في منامه
