اقلط بوسط الحنايا واخذ عمري الباقي انت راعي القلب كله وانت اعز ضيوفه.

16

~ طلع ماسك بطنه والدم ينزف منه ، شد على قبضة يده يتحمل وجعه سكن مكانه يحاول يقاوم ، وزفر يقوم من مكانه وتوجه للسياره ، ماكانت غرزت السكين عميقه لذالك قدر يقاومها ، اتجه للمستشفى ومن وقف تلثم لجل محد يعرفه ودخل الطوارئ..
-
طلعوا البنات للحوش لجل يهدون غلا منّ فاضت مشاعرها ، وابتسموا يغيرون جوها ..
مياسه : ايه ، وش الأخبار
تنهدت غلا : طيبين انتم شحالكم
رنـا : بخير بشوفتس
غلا بضحكه : اخسس !! ماهقيت والله
وسعت عيونها رنـا : تـ ف بسس
ضحكت كادي : خلاص عاد 
غلا : غريبه وين العيال البيت هادي !
مياسه : وين العيال ولا وين مسلط بالضبط
ضحكوا البنات واردفت غلا : ياشينتس وش جاب طاريه
كادي : عادي عادي يعيوني قولي انتس مشتاقه
بللت طرف شفتها بابتسامة ، وكملت رنـا : بالشارع كنّهم الماني بقايله
هممت بملل ولفوا لـ دخولهم ، رفعوا شيلاتهم على روسهم
وتعدوا هم يدخلون للدكه ..
ابتسموا من شافوا مبارك واصل وتقدموا يسلمون عليه ،
جلس مسلط والفرحه ماهي شايلته واخيراً وصلت غلا !!
مبارك : زين جيتوا قبل امشي
مسلط : عسى ماشر بدري !
ابتسم : ماعليه وانا عمك وراي شغل جيت اتطمن وانزل بنتي تقول إذا هي صادقه مشتاقه ل امي
ضحكت الجده : عساني معدمها
مسلط ومبارك : امين
رفع بهاج حاجبه الإيسر يناضر مسلط بابتسامة : اقعد
مسلط : أش يحيوان
ضحك بهاج وقام يقهوي عمه .. عدت ساعتين على سوالفهم ومن صارت الساعه ١ص ، قام مبارك يمشي بعد ماودعهم ، والجده والباقي دخلوا ينامون سوا العيال ..
توجه مسلط لـ مكان لقاهم المعتاد وصار يدق الخشب بخفه لجل يوصلها صوت وتعرف انه موجود ..
ابتسمت من بدا الصوت يعلى وقامت : عن اذنكم
فهمو عليها يبتسمون ومشت تتوجه لـه ، شافته يدور حول نفسه ومن سمع صوت خطواتها التفت لها وابتسم يزفر : تعالي !
حست بدموع بعيونها من فرحتها واتجهت له ، وقفت أمامه ومدت يدها ولا ودها تضمه ، ناضر يدها وثم رفع نضره لعيونها وضل ثواني وثم مسك يدها يشدها له ، ضمها له واركى راسه على كتفها يتنهد : اخيرا جيتي !
ابتسمت بخفه : معقول مشتاق ؟
باس كتفها يبعد : اي بالله مشتاق
ابتسمت تنزل راسها وأردف : اجلسي
جلست وجلس هو وتنهد : ماتوقعت جيتكم ولو شفتي فرحتي وقت شفت عمي مبارك يوووووه
ضحكت تردف : لاتبالغ !
هز راسه : هاذا الصدق طيب
صدت تأخذ نفس وقالت : وش صار بغيابي
مسلط : مصار شي ، أخذ وقتي الدوام وشقاه
رفعت حاجبها : مُتعب ؟
هز راسها : كثييير ..
ميّلت شفتها : طيب وش صار على متهمين المخدرات
مسلط : جالسين ندور على قائدهم هارب أضنه
رفعت حاجبها : ومنهو ؟
عقد حاجبه : كيف منهو !
رفعت كتوفها : مدري قصدي تعرفه أو لا
مسلط ضحك يركي ضهره لورا : ولو اعرفه تهقين للحين ما أنمسك !! ههههه بدري عليه كلش ولا القانون
ضحكت تدق كفه : كفوا
باس يده وقال : انتِ شصار معتس سولفي لي ..
غمضت بخفه وهي تعرف انه يحب يسمع سوالفها : ماكو كلشي تمام ، بسس صارت معي مشكله بسيطه
شد يدها يلعب ف أصابعها : ووش هي؟؟
مدت بوزها : شي مو عادي ابد
مسلط : طيب قوليلي ! ولا ماتبين احد يعرف ؟
هزت راسها : ماودي عادك انت ..
سرح لثواني يستوعب كلامها:يعني ماتبين احد يعرف غيري؟
هزت راسها ، عدل جلسته يقرب لها : اسلمي سرك فـ بير
تنهدت : شايله هم ..
مسلط : غلا ! لاتخوفيني انطقي
غلا : صديقتي تعدا عليها حارس المدرسه وهي دافعت عن نفسها وطعنته بخفه بسس
رفع حاجبها : صار له شي ؟
هزت راسها : معرف ، بس الطعنه مو عميقه
شتت انضاره ورجعها : طيب كيف اعتدا سوا شي يعني؟؟
هزت راسها بتكرار : لا بس كان يحاول ..
مسلط : ووين صار هالشي ، يعني فيه كاميرات ؟؟
مدت بوزها بأسى : لا ، مكان مهجور
مسلط : على حسب ، لو رفعت بلاغ أو هو ممكن تصير عقوبه مو سجن ولا شي ، لأنه أذاها وهي بعد اذته
غلا : ومصيرهم؟؟
مسلط : بالنسبه له هو ممكن حجز ، وهي سجن مده لاتقل عن شهر ك عقاب فقط ..
خافت غلا ووسعت عيونها بصدمه : صادق ؟
ضحك يردف : ايه ، ليكون لك يد بهالموضوع ؟
هزت راسها تردف بهمس : لا 
زفرت بخوف ووقفت : خلاص بدخل
حس بتوترها وحس ان وراها شي ولاكنه أردف : غلا !!
غلا هزت راسها : راسي صدع بنام
مسلط : متأكده؟؟؟؟
هزت راسها ولفت تتوجه لغرفتها تاركته غارق بتفكيره وردة فعله خاف ، خاف ليكون هالشي متعلق فيها ! مسح عنقه وصد يستغفر وأردف بهمس : لا مستحيل ، مستحيل غلا تسويها
أذن الفجر واتجه للمسجد يصلي ويدعي لها ..
-
~ جالس بالصاله بحيرته وتفكيره كيف يتصرف تحت هالموضوع وكيف يكسب غـلا من ناحية مصلحته ..
كان بيرفع بلاغ بسبب طعنتها له ولاكن خايف تنقلب ضده ويتم القبض عليه بسبب انه رئيس وشريك بتهريب المخدرات ، زفر يشبك يدينه خلف راسه وطرأ بباله حل وحيد تجاه شخص واحد والي هو مبااارك ...!!!!!!!
طلع مبارك دوامه وانشغل حوالي ال ٤ ساعات ، الضهر اتصل جواله وأردف : يامرحبا
هيثم : تبقى بوعزوز ، وينك ؟
مبارك : بالشغل والله ، تأمر شي ؟
هز راسه : ايه بغيت شوفتك اليله إذا فاضي
مبارك ابتسم : ابشر على خشمي
هيثم : ان شاءالله ، فمان الله
مبارك : فمان الله ، شكر جواله وحرك للبيت وابتسم من شاف عزوز على التلفزيون وزينب مجهزه الغداء وتنتضره
ابتسمت : اهلا
تقدم يبوس خدها : هلابتس ، كيفكم
زينب : بخير يبعدي
غمض بابتسامه وقال يتنهد : بطلع ابدل
هزت راسها : زين
زينب : عزوز يالله يمي تعال تغدا
عزوز : زين يمه شوووي
زينب : عزوز !! بسرعه
ميل شفته يطفي التلفزيون واتجه يجلس وبدو يأكلون ..
صحوا وكأنو مروقين بسبب الأمطار الي مداهمتهم من الصبح وطلع بهاج : تعالو نفطر برا
سعد : اي بالله الجو يبي له كذا
جابر : بس عسى ميخرب علينا المطر
مسلط : لا يشيخ مابيصير شي
طلع عبدالله من قسم الحريم شايل صينية الفطور وأردف : وين تبونه ؟
جابر : بالدكه نفداك
هز راسه واتجه للدكه ينزله ، مسلط : عششت
عبدلله : تعيش ، عاد بنت مبارك وخيتي مصلحينه
ضحك مسلط : ياورع
بهاج : الحين يلف الصحن كله
ربط عصبته : اقول اكرمونا بسكوتكم
بدوا يفطرون بهدوء تحت الجو المغيم وريحة المطر
الماليه الديره ..
كانت مبسوطه ان مر وقت وهيثم ماله طاري وتوقعت انه تاب وأبعد عنهم وهاذا الشي مريحها ..
سوت الفطور للكل والجو كفيل انه يسعدها في عز ضيقها وتوترها ، طلعت الصينيه رنـا لـ عبدالله ودخلت لجدتها والباقي تفطر معهم ..
ريوف : ماناقصها إلا كشته الصدق
الجده : ياليت والله ان المطر يشرح الخاطر
أشواق : الحمدلله عساها امطار خييير
الكل : امين
مشاعل : بيأذن العصر واليوم قصير خلو الكشته بكره
الجده بابتسامة : بأذن الله
صفقت مياسه بفرحه : اخيرا كشته بعد مطر !!
رنـا : ايه يازين الشعور
كانت غلا تناضرهم وهي متكتفه ، ماهي قادره تتكلم وبالها بالموضوع ، التفكير والخوف ملازمها خايفه السالفه تكبر رغم انها ماسكه عليه شيء لو قدر يغدر فيها هي كذالك تقدر تغدر فيه وتسلم سجلاته للمركز ..
صدت توقف وتتوجه لـ برا تتمشى لحالها والهواء البارد يداعبها وكل ثانيه تأخذ نفس تستنشق ريحة المطر ..
توجه مبارك لـ بيت هيثم يشوف وش عنده ، أوقف أمام بيته ودق الباب ، طل هيثم من الكميرا وابتسم من شافه
طلع يفتح له واستبشر وجهه يبتسم : يامرحباً الف اقلط
مبارك : تبقى تبقى يابوفارس
دخلوا وجلس هيثم يقهويه ويسولف معه ، مبارك : ايه وش الموضوع اللازم
هيثم تلعثم : خير خير إن شاء الله
مبارك : تسلم
هيثم : والله ياطويل العمر انت غالي وعزيز عندي ، ويشهد علي الله ماودي توصل الأمور ل كذا ولاكن أنا تعرضت ل طعنه ببطني وكانت شبه خطيره ، وانا هارب من التحقيق بيني وبينك لجل ماودي أعطي أقوال الفاعل
مبارك : افا ، هاذي عمله ينسكت عنها ؟
نزل راسه ينطق بحده : بس الفاعل بنتك يا مبارك
عقد حاجبه : كيف ؟؟؟؟
هز راسه يأكد كلامه : نعم ، بنتك طلبت مني أوصلها ولاكنها جبرتني أوقف بمكان مهجور وكانت *** بس بالأخير غدرت فيني وطعنتي
ما رف له جفن مبارك من صدمة اللي يسمع : انت صادق ، مستحيل يمكن مشبه هاذي مستحيل تكون بنتي ؟؟ اليوم مؤديها ولا كان فيها شي !!! كيف صار كذا ؟؟
هيثم : مدري عاد ، غدرت فيني وبدون اي سبب والشرطه مطالبين بالتحقيق ولاكن رافض أعطيهم الاسم احتراما لك
مبارك : وكيف تثبت لي انها بنتي ؟؟؟
سحب هيثم الضرف وطلع الصور الي كانت فقط عن غلا وهي مثبته السكين ببطنه وكان نقابها نازل عن وجهها بسبب هيثم ولاكنه انكر هالشي ، حاول يغطي على كل شي وبس يطلع فعلت غلا !!
أخذ مبارك الصور وضل يناضرها لمدة عشر دقايق وبعد تحليله للشخص الواقف أمام هيثم بالصوره هي فعلا غلا !
تعوذ من الشيطآن يمسح وجهه ويحاول ينكر نفسه ولا يصدق انها فعلا هاذي بنته ! طاحت الصوره من يده وقال : ككـ كيف وليه صار هالشي ، وش تبي منك؟؟؟
رفع يدينه : ما ادري ، ولاكن يابو عزوز أنا اقدر اعفي عنها بشرط ،
صغر نضره بمعنى وش الشرط ، كمل هيثم : تزوجني بنتك
مبارك : لـ ...
قاطعه يردف بصوت عالي : لجل ما تتسحب من مركز ل مركز يابوعزوز 
مبارك وكن ضلع انكسر من جسمه ، ضعف ضعف لدرجة ماقدر ينطق بكلمه حس انه مقيد ولاهو بقيدٍ سهل ، خسر ثقته لبنته وفعلتها الي بدون اي مبررر !!!!!
مبارك حاول يتمالك نفسه : دور غير شرط
هز راسه هيثم يبتسم : وانا ما ابغى غير هالشرط ، ولاتنسى ديني لك ال ١٥٠الف ! يعني بسس لجل أعفيك واعفي بنتك من هاذا كله زوجنياها وبحطها بعيوني ولاهي عند شخص غريب لعلمك ..
مبارك : مستحيل !! مستحيل ياهيثم
وقف هيثم : أنا بنام ، يومين لو  ماوصلتني موافقه موعد لقانا بالمركز .. أقفى تاركه ببيته ومن صدمته ماتحرك
رجع له وقال : ابو عزوز شكل الجلسه جازت لك ؟
كشر مبارك والعصبيه تفور منه ، وقف يطلع بدون ماتصدر منه اي كلمه واتجه لسيارته تاخذه للديره !!!
عند هيثم اللي قدر يدبر رقم تمارا صاحبت غلا ، وأردف من ردت : نعم
هيثم : بس أبيك تأخذين اخبار صاحبتك غلا قبل تنتهي تحت يدين ابوها لان بلغته لعلمك
تمارا شهقت بصدمه : ياحيوان !!! كيف تعلمه بذي الطريقه ماعندك ضمير ياكلب
هيثم بهمس : اششش ، للحين انتِ مطلعك من راسي لاتخليني ادفنك بمشاكل مالها اول ولا تالي
تمارا : الله لا يوفقك بـ ...
سكر ، سكر وتركها تحت خوفها ورجفتها خوفا على غلا  ، صار الي كلهم خايفين منه وأنه بينهي حياتها هزت راسها بدموع : لا غلللااا
انهارت بكى وخوف على الي بيصير لها وهي تعرف عصبية ابو غلا وأنه ممكن يسوي فيها شي !!
هزت راسها تطرد افكارها وسحبت جوالها تتصل فيها ..
غلا : هلا تمارا
تمارا ببكى : غلا
عقدت حاجبها تطلع عن البنات لجل تتكلم براحتها : تمارا ! شفيتس ؟؟
تمارا : انتِ بخير ؟؟ تكفين
غلا : ايه يا امي بخير وش صاير ؟؟
تمارا : هيثم
غلا : شفيه ؟
تمارا : بلغ أبوك بكل شي ياغلا تكفين انتبهي لنفسك
انصدمت غلا ولا قدرت تنطق بحرف وبدت رجفتها ،
تمارا : غلاااا ، تكفين اسمعيني
طاح الجوال من يدها وبدت تنزل دموعها وفهمت ان ابوها بالطريق وأنه ممكن ينهي حياتها ..
أجهشت بببكاها وصدت تشهق من سمعت صوت احد العيال وتوجهت له : جابر !!!
جابر لف بخوف : من ؟
غلا : تكفى ياجابر وين مسلط ، تكفى صوت له بسرعه
جابر : طيب طيب
صد جابر يركض متوجه ل مسلط وهو مايعرف وش يقول له من خوفه من صوت غلا الغير طيبعي والواضح ان فيه شي ،
جابر : مسسلط
فز مسلط : لبييه
جابر : تعاااااللل
مسلط وقف له بخوف : وش فيك
جابر : غلا ، غلا تصوت لك وتقول تعال بسرعه
صد يتوجه لها بدون لاينطق بحرف أو يعرف وش تبي ،
شافاها واقفه عند الغرفه البعيده عن الكل وتوجه لها يركض : غلللا !!! وش بلاتس
غلا برجفه تحاول توزن كلامها : ودي أقولك شي بس لاتفهمني غلط تكفى
كان بينطق لولا انها سحبته للغرفه وسكرت الباب لجل محد يسمع واردفت : مسلط ، ابوي جاي
استغرب كلامها : وش ، طيب وش فيها ؟
غلا : مسلط أنا طعنت هيثم
شهق بصدمه : ككييييفففففففف
هزت راسها : لاااااا ، ماصار له شي بس ابوي يامسلط بيذبحني صدقني
مسلط : غلا ماني فاهم شي هدي وعلميني وش العلم
ريقها غلا : كان مضايقني حاول يقرب اكثر من مره والله ماكان قصدي ولاكن وعدني انه يعطيني شي ومشيت معه ولاكنه غدر فيني وحاول يقرب ولاكني طعنته
صرخ مسلط بخوف وصدمه بوجهها : غغببيييه انتِ !!!! كيف تروحين لللهههه ؟؟؟ كيف كيف
غلا : مسلط ماكنت عارفه انه بيسوي كذا صدقني ماقرب
مسلط : كلي تراااااب وش وداك له من الأساس وليه ماعلمتينا قبل يتمرد عليييك ؟؟؟؟؟
غلا هزت راسها ببكى : ابوي عرف وهو جاي الحين
وسع عيونه وانصدم ثاني صدمه : ككيييفف
هزت راسها وانهارتتتت ببكاها ومسلط أمامها حس انه مربط ماكان عارف يتصرف أو كيف بيوقف معها وهيثم لو حاول انه يبلغ بينهي حيات غلا بثانيه ..
مسح شعره واحمرت عيونه وقلبه يدق بخوووووف عليها ،
لف لها : ليييه !!؟ ليه ياغلا تسوين فيني كذا ؟
ماكانت ترد من بكاها الصامت ، لف مسلط لصوت الصراخ برا والواضح ان مبارك وصل !!!
غلا : اا ببو ي جاااااء
مسلط خباها ورا ضهره : اهدي مابيصير شييي
هزت برأسها : صدقني ماتعرف ابوي ، تكفى يامسلط ..
انتهت كلمتها من بلعت ريقها بخوف من صوت الباب الي انفتح وماكن إلا مبارك وبيده عقاله ووجه احمر من عصبيته والشياطين كلها راكبه براسه ولا يشوف قدامه ..!!
تقدم يبعد مسلط الي مابعد ويحاول يدافع عنها ، ولاكن مبارك كان يصارخ : يابنت الحرام !!! كيف كيف تكسرين ثقتي فيييككك وش مقصر فيه أنا لجل تلجئين لشخص غررريييببب لجل بس شـ **** !!!!
صد مسلط من قوة كلمته وجاسر الي كان ماسك مبارك من أكتافه يحاول يهديه وبعد الكلمه تركه بصدمه ، ماكان عارف سبب الصراخ كله ولاكن استمر يهديه وغلا كانت تبكي بعلو صوتها وتترجاه ولاكن مبارك قدر ، قدر انه يمد العقال عليها رغم ان مسلط بينهم ولاكن عصبية مبارك ماقدرو عليها ،
ماقدر عليه احد وحتى مسلط كان صامت ويدفع مبارك لورا ويحاول انه مايقرب لجل ما ياذيها اكثرر ..
غلا : يابوي هو حاول يتعدا علي
مبارك : اكيد حاول يتعدا من رحتي له انتِ بنفسك وش ترجين من رجال غريب قولي لي !!!!!!
قريب يعطيها كففف استغلالً ل بعد مسلط عنها كان بصدره كرررره ل هاللعبه ولا يشوف قدامه إلا انه يضرب لين يقدر يهدأ ..!
مسكت وجهها من طاحت على الأرض وأردف مبارك : حرام جيتك يابنت الـ ... سكت ، سكت ولا حب يكمل
صدره يصعد ويهبط من قوة العصبيه وصد يطلع وتوجه ل سيارته ولا نطق بحرف أو حاول يتكلم مع احد ، رجع للمنطقه لجل سلامة غلا منه ..
أردف مسلط بعصبيه : خلااااص اتركوها لوحدها اطلعوا
ثامر : وش صاير طيبببب !!!!!
مسلط هز راسه : كل خير بسس اطلعوا
طلعوا من سكر الباب مسلط ولف لها وهي مرميه بالأرض كنها الجثه ، قرب منها : وش كنتي متوقعه يصير غير هاذا ؟ مافكرتي ؟ مافكرتي قبل كل شي تسوينه وش بيصير بعدها ؟ ليه ماتحسبين حساب كل ثانيه من تصرفاتك !!
غلا رفعت نفسها تبعد شعرها : وانت جاي تزيدها علي ؟؟!!
زفر يجلس امامها : لا حشى ، كل هاذا من خوفي عليك
غلا نزلت راسها لركبها ومد يده هو يرفع راسها : لا ينحني  رأسك دامك بوجه مسلط ..
ناضرته نضرة ثقه وأمل انه يقدر يحل كل شي ، ما لجئت له إلا وهي عارفه انه بيوقف معها ..
ابتسم يمسح دموعها لجل تهدا ولاكنها ضمته بانهيار ، حست بحضنه الأمان من بعد ابوها الي خسرت ثقته فيها ، بكت بكت بضعف وهي بين يديه ومسح على ضهرها : لا لا يبوي
كان ضامها ينثر حنيته باكملها عليها لجل يحسسها بـ إلامان
ضل ساعات معها والبنات كل ثانيه يحاولون يصوتون لها ولاكن مسلط يرفض ، ماتركها تروح ولا تبعد لأنه عارف الموضوع ما ينقال ولا هي تقدر تقوله ..
ضل ضامها ويهديها وآخر شي عطاها مويا عشان تصحصح ، وقفت تطل من الشباك وتاخذ نفس عميق
تركها تستجمع قوتها وصار يشوف تحركاتها وكيف كل ثانيه تمسح عيونها ، تنهد يشوف حالتها وأردف : تعالي
ناضرته تبلع ريقها : لا ، جزاي واخذته ماله داعي تدخل نفسك إذا ماتبغى
وقف يردف : على شحم ، إذا ماوقفت معك هالفتره متى اوقف حضرة غلا ؟ قريب بآخذك لي طرق عن الراضي والزعلان ولاتهقين انك تتعبيني معك ب هالامور تعبك ولو هو جبل بهده لجل راحتك ، ولا اسمع ه الكلام ثاني مره
تقدمت تبوس فكه واردفت : مراح أنسى لك هالوقفه صدقني
ابتسم يمسح خدها : اهههخ غلا ، روحي ارتاحي ولاتشيلين هم اعتبري الموضوع منتهي
هزت راسها : تمام
لفت تطلع وهي مبتسمه وهو كذالك ..
طلعت للبنات الي كانوا ينتظرونها وسرعان ماتقدمو لها ،
كادي : غلا ؟ انتِ بخير
غلا ابتسمت بدموع : بخير
رنـا : شسالفه وش صار؟
مياسه : خلص خلوها تجلس وبعدين تتكلم
هزت راسها ودخلوا لـ غرفتهم وبدت غلا تتكلم عن كل شي ،
-
~ الدكه ..
طلع مسلط لهم والكل كان ينتضره على احر من الجمر ،
الجده شافته واردفت : مسلط
تقدم مسلط يجلس وتنهد ، الجده : وش صاير ياولدي وش فيهم مبارك وبنته ؟
مسلط هز راسه : غلا تقول لكم احسن
جاسر : مسلط وانا أبوك ، وش فيه قول عادي
هز راسه : لا يبوي ، هي إذا تبي تقول أو لا
تنهد جاسر يضرب رجل بأسى وصد ، ثامر : مبارك صاير يعصب على اي شي ماهي من عادته !!
الجده : صحيح ، ماعمري شفته بهالجنون هاذا
سكت مسلط ولا حب يتدخل وارتكى يغطي عيونه بتفكير فيها ..
غطت رنـا فمها من الي سمعته واردفت : يامجنونه كيف تروحون له كذا ؟؟
غلا : سؤالك أنا بنفسي عجزت أجاوب له ، مدري وش خلانا نروح
مياسه : طيب وش صار على تمارا
غلا : طلعها برا الموضوع ، أنا مبتغاه مايبيها هي
كادي ميّلت شفتها : ياليت قلتي لاحد قبل يصير كل هاذا
نزلت راسها غلا : ماكنت متوقعه يوصل الموضوع كذا
رنـا مسحت على فخذها : معليتس حنا معتس ولا بيصير شي
ناضرته برجاء وغصة وقالت : صدق
ماتحملت رنـا وضمتها : ايه ياقلبي مابنتركك
التمو كلهم حولها يضمونها ويطبطبون عليها ويثبتون انفسهم لها وأنهم مستحيل يتركونها ..
نامت بحضنهم ولا فارقوها ولا قوو ينامون من خوفهم عليها ضلت رنـا تمسح على ظهرها ومياسه تقراء بهمس ، وكادي نامت من هدوء الجو ..
دخلوا جميع الي بالدكه ينامون سوا مسلط الي طلب يجلس لحاله وجلس أمام النار سارح يدور حل ومن طول الوقت غفى دون لا يحس ..
-
~ صباح اليوم الثاني ..
كان يدق باصبعه على الطاوله من توتره الي ماتركه ينام ولو ثانيه ، رفع راسه من نزلت زينب تصبح عليه ..
سند ضهره لورا بصمت ولا رد عليها ، زينب : يالله صباح خير شفيك ؟
هز راسه بنفي بصمت واردفت : خلاص ترا صرت أعرفك انطق
ابتسم بخفه وثقل لجل مايحسسها انه مجبور للي بيقوله وأردف لها : بزوج غلا
رفعت حاجبها وثم ابتسمت : صدق ؟؟
هز راسه بمجامله يصد ، كملت : ياعمري هي توها صغيره
هز راسها : بس يحق لها الزواج
هزت راسه تأكد كلامه : فعلا ، ومن هالرجال؟
مبارك بتردد : عمك مبارك
شهقت بصدمه : هاااا؟؟؟؟تمزح
هز راسه : ووش فيه ؟ امس جاء وتقدم لها
هزت راسها : مستحيل مبارك ، هو متزوج وبعدين كيف كذا تأخذ قرار بدون علمنا أو علم أهلها
أردف مبارك بعصبيه : أنا ولي امرها وكل أهلها وانا الي لي الكلمه وانتهينا
استغربت عصبيته : طيب ليه عصبت ؟
مسح وجهه : ولا شي انسي
رجعت لورا بخوف وهي تعرف عمها وشكها كان بمحله ،
كان ببالها كثييييير اساله ولاكن ردة فعل مبارك خلتها تتراجع ..
يمر يومهم بهدوء وصمت غلا الغير طبيعي ولا احد يلومها ، كأنو يحاولون يغيرون جوها ولاكن لاحياة ،
العصر كانوا العيال ملتمين حول مسلط ويسولفون معه ، جابر : طيب ماسالت ليه ؟
مسلط : وش اسأل عنه كل شي واضح ، كل الطرفين غلطانين ولو فكر هيثم يبلغ غلا بتروح فيها ولو اني بوقف معها بس القانون أقوى مني !!
عبدالله : ياولد سهالات بإذن الله اهدأ
سعد : طيب وشوله كل هالصراخ امس من ابوها
مسلط رفع كتفه : متاكد ان العلم واصله ومعه شوي بهارات لأنه قال كلام غير صحيح
بهاج : طيب ليه ماتكلمت معه بوقتها؟
مسلط : وهو قدر يتكلم معه احد ، عصبيته معميه عينه ولا يشوف قدامه
عض طرف شفته برحمه وقال : ماعليك حنا معك ومعها ومايصير إلا كل طيب
سعد : غريبه جدتي خابر انها بتروح له !!
بهاج : بيكدر خاطرها وشو له تروح له؟؟؟
عبدلله : وهاذا الي بيصير
تنهد مسلط بعدم معرفه وش بيسوي أو وش بيصير ..
عدا وقتهم للمره الثاني بدون ولا حدث ، العشاء ..
طلع مسلط لقسم الحريم يصوت ل غلا لجل يتطمن عليها قبل يمشي ل دوامه وأردف من تقدمت له : هلاوالله بالي واحشني
كانت متكتفه ولا صدر منها شي ، ابتسم يردف : كيف الحال
رفعت كتفها : مثل ماتشوف
مسلط : شايف الوضع هادي
هزت راسها تسلك له : صح ،
ميل شفتها يشوفها تزبد له وأردف : انسي ، المهم بطلع لدوامي تبين شي ؟؟
هزت راسها : سلامتك
مسلط : مالي حضن ؟؟
ابتسمت غلا من عباطته وتقدمت تضمه : ياثقل دمك
حاوطها يضحك : ياحبي لتسس
ضل ثواني يشوفها ساكنه بحضنه وثم باس راسها يبعد : ماودي أودعك ولاكن مجبور
هزت راسها : عادي ، انتبه لنفسك
مسلط : انتِ الي انتبهي لنفسك ياعيني ، وابشري
ابتسمت تدخل وهو زفر بحب ومشى لـ دوامه ..
الجده : ياغلا
غلا تقدمت لها : سمي
الجده : ماودك تتكلمين؟
هزت راسها ورفعت كتفها بعدم معرفه ، كملت الجده بتنهيده : يا امي حنا بنوقف معك قولي لنا بسس
جلست غلا : طيب ، بس وعد تتفهمون الموف
ريوف : يابنتي شفيك خايفه منا !
غلا بعلت ريقها وبدت تقول : شخص مضايقني له فتره ، وكان حارس المدرسه بيوم جاني وقال عندي لك ضرف يخص أمك ، ماصدقته ولاكنه أصر علي احد اخذه ورحت وهاذي غلطتي ، رحت وكان كذاب مامعه لأضرف ولا شي
.. حست بغصه ولاكنها أخذت نفس تكمل : كانت لعبه منه وحاول يعتدي ويقرب وكـ دفاع عن نفسي طعتنه
الجده غطت وجها : ياربي !! صار له شي
هزت راسها وبدت تبكي : لا والله ما اذيته ولا صار له شي وهاذا بلغ ابوي بكل شي
ريوف : ياساتر يابنتي كل هاذا صاير !!!!!!!
تقدمت أشواق تضمها وتهديها والباقي ساكن بصدمه ،
مشاعل : لاحول ولاقوة الابالله ! الله يستر يسسس
الجده وقفت : تعوذي من ابليس مراح يصير شي ، بنتي لاتشيلين هم والله مايمسك شي من بعد الله دامني موجوده
طلعت تاركتهم يهدونها ، رغم انها قوة غلا بكلامها لكن هي من يقويها !!
فرشت سجادتها رغم انه مو وقت صلاه والساعه ١٠ !
لاكنها تبي تدعي ، بسس تبي تفضفض وتدعي ل حفيدتها ان ربي يصلح حالها ..
توجه ل دوامه وقلبه على نار شايل همها وكيف بتقضي ليلتها تحت ضغط التوتر والخوف بسبب شي أقوى منها !
تنهد يستودعها الله ويركز بطريقه لجل سلامته ..
مياسه : دادي عطيني القهوه
كادي : ياساتر كم دله شربتي !
ضحكت مياسه : ماهو كثيير
رنـا : غريبه غلوي ماشاركتك
لفو لغلا وشافوها غفت واردفت رنـا : ياحياتي هي !!!
مياسه : خلوها هِنا ماعليه ..
كملوا سوالفهم تحت الأشجار والجو البارد وكان الوضع شبه عادي بما ان الأغلب مداوم ، من مسلط وجابر وسعد ..
ولا فيه إلا بهاج وعبدالله الي مستوحشين المكان وطفشانين ، فزت غلا بخوف من اتصل جوالها وخافت مياسه تسمي عليها : شبلاتس
هزت راسها بنفي تسحب جوالها وتطلع عنهم من شافت المتصل 'هيثم' مسحت عنقها بخوف وتشتت ، بلعت ريقها ترد ولاكنها ما اردفت بحرف لين هو تكلم ..
هيثم : اهووو ، بنت مبارك ؟ هلا ومرحبا
شاف سكونها ولا يسمع إلا انفاسها وأردف : اكيد تنتضريني اقول الي عندي ولاكن ابشري بقول كل شي بس أبيك تسمعيني مفهوم ؟؟
غلا رصّت على أسنانها تردف بقرف : اخلص
هيثم ابتسم يتكلم بـ رواق : اول شي ، حطي ببالك ان المكان الي رحنا له فيه كاميرات طيب ؟ ثاني شي بإمكاني اقول ان هي بنفسها جتني وأنها هي طلبت هالشي
أبعدت الجوال من أذنها بقرف من حكيه ولاكنه ضحك يكمل : ثالث شي الطعنه اقوا من كل شي وبامكاني أعطي أقوالك لهم وبثانيه للـ ، تعرفين وين ..
ورابع شي والمهم طلبتك من يد أبوك وعساك ترفضين لان ممكن تتضررين بسجن أبوك انه عدا سنين ولا دفع لي الدين وهاذي عليها غرامه ولاتحسبين دينه بهين مفهوم ؟؟ يعني ياتقبلين بالعرض ولا انهي حيات أبوك ويكون بعلمك ان اخوك حفيد اخوي وان ممكن يصير لهم شي ولا بس هو يمكن بأحبابك !! فكري وردي لي ، سكر
طشت الجوال بقهر وبكي من كلامه ، حست بوجع بحلقها من كثر بكاها وشهقاتها استسلمت للأمر الواقع لجل سلامت ابوها وأخوها عزيز ، خافت ينضرون على سلامتها هي ماحب تكون أنانيه لـ هالدرجه رفعت راسها للسماء تدعي من قلبها وتدعي ربي ييسر الأمر وينحل هالموضوع بأسرع وقت ..
مرت ريوف وشافتها وسالت : شفيك يمي غلا؟
غلا مسحت دموعها تبتسم : مافيني شي ، بروح انام
ريوف : كفايه نوم تعالي اجلسي معنا !
هزت راسها : راسي مصدع ، انام افضل
هزت راسها برضى : طيب استودعتك الله
أقفت غلا للغرفه وطفت النور تنسدح بفراشها تنام ،
~ بيت أهل ريان ..
ريان صب قهوه ل ابوه : سم
ابو ريان : تسلم ، شفيه بيت غاده متكهرب هاليومين مالهم صوت !
ريان : مالي علم بهم والله
ابو ريان :  مر عليهم نفداك احس وضعهم ماهو جايز لي
ريان : ابشر يبوي
قام يجيب له فراشه لجل ينام ، ومن عادت أبوه انه ينام بالحوش لذا فرشه وناموا ..
-
بعد تفكير وصراع بينه وبين نفسه اتخذ قراره وسلم نفسه رغم ان ماوده يفرط ببنته الوحيده ولاكن لجل السمعه وحفاضاً عليها ..
أردف ل زينب : بروح اليوم وأبلغهم
زينب : متاكد ؟ هاذا قرارك الأخير !!
هز راسه ، ميّلت راسها : بسس حرااام تجازف بها على غلط سوته
مبارك : قلتيها ، غلطت وتتحمل مايجيها
غطت وجهها من حست بدموعها تنزل كيف بيروح مستقبل غلا مع واحد قذر ويكون عمها !! وزياده على كذا متزوج ..
أقفى ، أقفى مبارك يتخذ قراره الي رغم إسائته يدور مصلحته على حساب بنته ..
مسك خط الديره يفرض امره على الكل ولا يمكن احد يعارضه ، وصل الضهر
ولقى أمه واخوانه موجودين ، ما رحبت الجده ك عادتها ووضح لها زعلها منه ولاكنه طنش ، سلم واخوانه م احترام له فقط بادلوه السلام وجلس ..
الجده : وش جايب لنا معك اخبار
جاسر : كل خير ان شاءالله ، وش اخبارك يامبارك
مبارك وانضاره على أمه : بخير جعلك تسلم
ثامر وجاسر : عساه دوم
أردف وعيونه على أمه : يـ امي تراني بزوج بنتي غلا
الجده : معصي ، والله ان زوجتها ماني مسامحتك
مبارك : استهدي بالله ييمه ، هاذا وعد لجل ماتوصل للمحاكم
الجده : وتضحي ببنتك كذا ؟!!
مبارك : ماني مضحي فيها ، بزوجها على سنة الله ورسوله
هزت راسها : مستحيل ، تراني عارفه بكل شي ولاتحسب بتلعب علي بكم كلمه !
مبارك : دامك عارفه بناحفض على سمعتنا وهالزواج بيتم يعني بيتم
جاسر : وماودك تأخذ رايها
مبارك : رايي من رايها
ضرب جبينه ثامر بأسى ورحمه لها ، جاسر : يعني ملزم
اذا تأمر بوقفه ولا شي حنا معك ولاتفرط فيها كذا
هز راسها مبارك : لا جعلكم تسلمون ،
ثامر : وبتعلمها ؟
هز راسه ، الجده : ماهقيتها منك ، بنتك الوحيده وتزوجها لرجل متزوج !! وش هي ضارتك في
مبارك : يمه عطيت الرجال كلمه وخلصنا
وقف يتوجه للباب : وينها هي
غطت الجده وجهها ولا ردت عليه ، فهم ومشى هو يناديها
طلعت له وبكامل قواها تحاول تمسك نفسها لجل ماتنهار ،
أردف مبارك بدون نقاش : ماودي اعتراض ، بقولك شي وبيتم حتى لو مو راضيه لأني مو جاي اشاورك بفرض الرأي وانتِ بكيفتس تتقبلين أو لا
ناضرته بدموع بمعنى قول الي عندك وأردف : هيثم طلب يدك لجل بس يستر عرضنا وعرضك
غلا : يعني مو عشان مايدخلك السجن بسبب الدين
عرف انها عارفه بكل شي وأردف يرص على سنونه : ايه نعم ماني مجبور أضيع عمري على غلطتس
ناضرته بأسى وخذلان كيف تغير بيوم وقلب ضدها ، ابوها الي مايترك ريشه تضرها الحين يصير كل هاذا ويضحي فيها لجل مصلحته !!
غلا : طيب ، أنا راضيه
ماتوقعها منها وضن انها بترفض وتعارض ولاكنه أنصدم ل استسلامها ، أردف : طيب
أقفى : بكره بآخذك
هزت راسها ودخلت للبنات ، من شافتهم يسولفون واردفت مياسه : وش صار؟
غلا بابتسامه بارده : بيزوجني له
وقفوا بصدمه واردفت رنـا بعصبيه : تستهبلين !! غلا انتي مجنونه توافقين على شخص تعرض لللككك ؟؟؟ ليه ما رفضتي ليه مادافعتي عن نفسك ليه ساكته ليه تضيعين عمرك مع شخص مجبوره عليه
غلا : بس هو عطاه كلمه
مياسه : وخير ياطير حتى لو يمدي ترفضون
غلا هزت راسها : ما اقدر
كادي باستغراب : ليكون مجبوره !!
أبعدت عنهم غلا ترتمي بفراشها وتكتفت ، مسحت جبينها رنـا بسبب ضعف غلا ب هالحضه ..
دخلت الجده لبنانها لبناتها واردفت مشاعل : وش صار
الجده : ماصار إلا الردى
أشواق : اف ! وش فيتس
جلست الجده : مبارك بيزوج بنته له ، يبي يستر على السالفه وعلى عرضها
ريوف : يادبل كبدي وش بلاه هاذا ؟!
الجده : مدري عنه
مشاعل : ماعييتي عليه !
الجده : إلا بالله يابنتي اني جيته من كل الطرق بس انه رافض ومعطيه كلمه
أشواق : والله لو معطيه ألف كلمه بامكانه يرفض !!
هزت راسها : الشكوى لله عاد ..
إذن المغرب وزفر الكل يقوم يصلي والكل قلبه على غلا ومصيرها ، طلع مسلط من دوامه وباتجاهه للبيت شاف سيارة مبارك متعديه ، عقد حاجبه يتسأل هاذا متى أمداه يجي لجل يروح ، طنش ودخل البيت يشوفهم منتهين صلاه أردف يبتسم : تقبل الله
جاسر : منا ومنك
جلس وأردف ثامر : انت من امس مداوم ؟
هز راسه : ايه ياعم
ثامر : لاحول ، الله يعينكم
مسلط : امين
ناضر العيال وشاف عدم الاستقرار بينهم وحس ان فيه شي ، أردف باستغراب : وش بلاكم انتم ؟
جابر : مأمن شي
عبدالله بهمس : عن وجهي عنك
مسلط قام يجلس قبالهم : ولد ؟ شفيكم
بهاج : قلنا لك مافيه شيء
هز راسه : والله ان بكم بلا بس وشهو مدري
نفذ صبر عبدالله وأردف : رح افهم من غلا احسن
مسلط : وش خص غلا الحين ؟؟؟
بهاج : من الآخر أبوك صدر امر زواجها اليوم
مسلط : تخسي ياورع اوزن كلامك
بهاج ناضر العيال : شف يحسبني استهبل !
لف مسلط ل جابر وأردف : هم صادقين ؟؟
جابر هز راسه : للأسف هاذا الي صااااار
وقف يرفع ثوبه وتوجه يركض لـ غلا يناديها باستمرار ،
طلعت له ريوف بخوف : شبلاك انت
مسلط : عمه نفداتس نادي لي غلا
ريوف كانت بتلف ولاكن طلعت غلا : وش فيكم
سحبها مسلط وراه ولا تكلم لين ابعد منهم ولفها له : غلا ، كذبيني ، قولي لي كلامي غلط طالبتس
غلا : مسلط شفيييييك
مسح يده بذقنها يبوسه وأردف : تكفين قولي لي ان زواجتس كذب
فهمت غلا واحمرت عيونها تهز راسها ، مسلط : غللللااا
غلا : لا حقيقي ، حقيقي يامسلط وابوي بكره بياخذني
مسلط : غلا لاتجننيني تكفين
غلا : والله مازليت عليك بحرف ، أنا وافقت لجل سلامت الكل ، غلطي وبتحمله
مسلط : مستحيل تسوينها
غلا : موبيدي
صد بقهر يحاول يهدي نفسه وصد لها يمسك وجهها بكفوفه يردف بهدوء : غلا ، ارفضي ارفضي والله مستعد آخذك اليوم قبل بكره
غلا نزلت دموعها : بس فات كل شي
مسلط : مافات ، ماصار شي رسمي تكفين
غلا : خلاص يامسلط ، أرضى بالواقع
هز راسه بتكرار : مستحيل ، مستحيل لو تبين هالشي بيننا مستحيل ترضينه مع غيري
أبعدت عنه غلا : بس هاذا مو رضى ، مجبوره
مسحت دموعها ترجع نضرها له : انتبه ل نفسك هاذا اقل شي ممكن أقوله
مسلط : باختصار
رفعت يدينها بقل حيله : هاذا الاختصار ،
بدت ترجع لورا تاركته واقف ولاكن قست على قلبها وانهت كل شي بينهم بقرار منها ولاكن هالقرار اجباري ..
صدت وأردف مسلط : غلا رجيتك
كلمته لامست قلبها بشكل غير طبيعي ورجف جسمها ولا ودها تناضره لجل ما تامله فيها وردد كلمته : لاتخلين قلبً عاشقتس ياروح مسلط
شدة على قبضة يدها تأخذها خطواتها ل داخل تاركته ،
خيبت امله ماتوقع بعد رجاه لها تتركه وتتزوج ، ماكان يتخيل حياته مع شخص غيرها كان متأمل حياة حلوه بوجودها ولاكنها راحت قدام عينه ، اختارت سلامة أهلها على حساب تعاستها هي ..
صد يمسح دموعه الي انهزمت أمامها ، ياكبر خيبته وخذلانه منها ، اتجه للغرفه يجلس برجفه ودموعه ماوقفت
حس انه طفل امامها من نزلت دموعه يترجاها ):

رأيكم بالبارت🫶🏽🌷؟
بالنسه للتنزيل راح يكون كل أربعاء بإذن الله ، وإذا مانزلت اكيد مشغوله ومو كل وقتي اقضيه بالكتابه !!
أتمنى تتفهمون وقراءة مُمتعه🩷.