عند الجوهره بالمستشفى
تقدم الدكتور لسلطان : الجوهره ضغطها ارتفع ولازم نخليها لبكره
سلطان: بس يادكتور هي ماتحب المستشفيات
الدكتور: ولله مانقدر نسوي أي شي هذي لسلامتها
سلطان: خير إن شاء الله يعطيك العافيه
الدكتور :الله يعافيك
طلع الدكتور
والجوهره سمعت حوارهم بالكامل
الجوهره : سلطان تكفى تكفى ما أبي أظل لبكره
سلطان: وش اسوي ياحبيبة قلبي ولله مو بيدي
كشرت الجوهره من تذكرت موقفه مع ميار لكن كملت تكلمه لأن في بالها خطه وماتبيها تفسد..
"بيت الجد"
هيفاء: حمدالله الجوهره بخير وتطمنكم
دلال وصلها رساله من سلطان وكان محتواها ( الجوهره راح تكون بالمستشفى لبكره)
دلال: ياهيفاء قالو الجوهره بتظل لبكره
انصدمت هيفاء لكنها مشت الموضوع بحكم انه شي عادي : اهم شي تطلع بالسلامه
" الجوهره وسلطان بالمستشفى "
الجوهره: سلطان
سلطان: عيوني
الجوهره: اسمع عندي فكره بس ما أبيك ترفض
سلطان : وش
الجوهره: أبيك تهربني من المستشفى تكفى ولله ما اقدر أتحمل
سلطان: بس الجوهره مايـ.
قاطعته الجوهره وهي تمثل البكاء: تكفى تكفى
سلطان: ابشري من عيوني بس لاتتقولين تكفى ترا يشوش راسي
ابتسمت: كفو ولله
دق سلطان على سالم وقال له ينتظره برا بالسياره لينفذون خطتهم
الجوهره: خايفه
سلطان : تخافين وأنا معك معليك
نزلت الجوهره الأجهزه عن جسمها بينما كان سلطان يشغل الدكاتره وارسل الدكتور لمكتبه عشان الجوهره تقدر تطلع
طلعت الجوهره من الباب الجانبي للغرفه بهدوء وطلع سلطان وراها
سلطان: ياخبله
الجوهره: أفف وش بعد ترا النفس عليك طيبه لاتسب
سلطان ضحك بخفه : طيب طيب بس في حراس كيف نطلع
تأففت الجوهره بخوف: ياربي أنا مستحيل اقعد هنا
سلطان: الباب الخلفي
الجوهره ابتسمت وعطته كف زي كذا ( 🤚🏻) 😭
تسللو للباب الخلفي من المستشفى وطلعو يركضون لباب الشارع
ولحسن حظهم كان الحارس بسابع نومه شافو سيارة سالم وتقدمو يركبون بكل خوف ووناسه بنفس الوقت
صارخت الجوهره بحماس من قدرت تطلع
سلطان: بنت اقصري صوتك
تأففت الجوهره
سالم: وش مسوين وليه طالعين من الباب الخلفي
سلطان ضحك بقوه من تذكر اشكالهم: هربَّت جوجو
أنصدم سالم : يويلي يعني أنا عضو بالجريمه
الجوهره: وعضو كبير بعد
ضحك سالم بقوه وكمل سوالف مع سلطان
والجوهره اللي كانت طول الطريق ساكته وتهوجس بسلطان وميار
وصلو البيت
نوف : بسم الله وش جابكم ماتقولون بكرا تطلع
ضحك سلطان بقوه: لالا هربنا أنا وياها من المستشفى
البنات بصوت واحد : هربتو!
دلال: يويلي يولدي شلون تهربون
رفع سلطان أكتافه
وتعالت ضحكات الجازي
الجازي : ياربي ما أتخيل اشكالهم الناس تكبر وتعقل
وهم يكبرون ويفسدون
سلطان : هي حدك عاد
كشت عليه الجازي
وانتهى يومهم وكل واحد راح لغرفته
عند الجوهره وسلطان
سلطان : الجوهره شفيك من اليوم ساكته ومانطقتي بحرف
بدأت دموع الجوهره تنزل بهدوء
سلطان: الجوهره ؟ شفيك ياعيني انتِ
سلطان : الجوهره وش فيك ياعيني انتِ
الجوهره : تسأل بعد ي سلطان
سلطان : ياعيوني أنتي إذا قصدك عن البنت الي وصلتها
ولله إني وصلتها عن حسن نيه ومو ببالي شي ثاني
الجوهره : طيب أنت تقول لي مابكلم احد غيرك ومدري إيش الحين لو أنا سويت كذا بالله مابتزعل
سلطان لمس وجهها ومسح دمعه متمرده على خدها
سلطان: إلا بزعل وحقك تزعلين مني ياقلبي انتِ
الجوهره : خلاص مالي اتناقش زياده مالي مزاج للنقاش
دخلت الحمام تبدل لبسها وتنهد بضيق نزل تيشيرته وتقدم يتمدد على السرير بكل تأنيب ضمير
لبست الجوهره بجامتها وتقدمت تتمد جنبه وتغمض عيونها تحاول تنام وهي مو بحضنه ..
بعد مده حاول الكل إن ينام وهو بعيد عن الثاني
لكن محد قدر على البعد
نامت الجوهره تحت انظار سلطان اللي كان لسى صاحي
بعد ماتأكد أنها نامت تقدم يسحبها بحضنه ويدفن رأسه بنحرها وينام بكل اريحيه
الصبح
صحت الجوهره وهي تحس بثقل عليها والتفت لسلطان
اللي كان ساحبها لحضنه حاولت تفك نفسها لكن ماقدرت بحكم بنية جسمه الأقوى : سلطان قوم وخر عني
سلطان بنعاس وشبه نايم مايحس بشي حوله : لألا خلينا كذا
الجوهره : ياربي ياسلطان قم عني شفيـ.
بترت كامل حروفها من تقدم سلطان يطبع قبلاته على ثغرها بثقل كبير بحكم انه كان شبه نايم كان يروي ريقه
بطعم ثغرها وشفايفه اللي ملتصقه على شفايفها
بلعت ريقها وتوسعت عيونها من صدمه من حركته
بعدته عنها بصعوبه: مو وقته سلطان
الجوهره بعد ماصحصحت وشافت سلطان اللي كان جالس على الكنب
الجوهره: اليوم مارح أداوم تعبانه
سلطان بجمود : طيب حتى أنا مارح أداوم
الجوهره : طبعاً مارح تداوم وأنا مو معك اجل بخليك تداوم
سلطان: الجوهره شفيك من صباح الله خير خلاص حبي تعالي نكمل نومتنا بس أنا ماشبعت نوم
الجوهره : نم لحالك مو نعسانه
تأفف سلطان من صدها الواضح وجداً له
"" يوم الخميس بيت الجد فهد ""
<< تحديداً عند شوق وزايد >>
صحت شوق ونطقت : زايد وينك
زايد وهو بـ الحمام "يكرم القارئ " : هناا وش
تقدمت له ونطقت : بتجهز بنزل افطر تمام ؟
زايد : تمام انتظريني
شوق : تمام
""عند سالم والماس ""
كانت تتجهز الماس تحط ميكب ومن التفاصيل الاخرى رشت عطر وتقدمت لـ سالم
سالم : وش ذي الحلاوه
الماس بخجل ارسلت له قّبله بـ الهواء
ابتسم لها سالم وتقدم يشبك يده بيدها
ويتوجهون تحت
""عند نجد وسيف ""
نجد : حبيبي يلا تعال ننزل نفطر
سيف تقدم يقّبل خدها ويحاوط خصرها : يلا
""عند ابطالنا ""
عند الجوهره تتابع مسلسلها وقاطعها صوت سلطان
سلطان : جوجو
الجوهره : هلا
سلطان : افا هلا مافي عيوني لبيه
الجوهره : بسرعه وش لان بنزل افطر
سلطان : انتظريني بس البس
الجوهره بنرفزه : يلا اعجل
تقدم يلبس ويطالع نفسه المرايا كـ نظرى اخرى
سلطان : يلا مشينا
مشى وراه الجوهره
عند فهد وهو يشوف احفاده نازلين
فهد : حي الله احفادي الا شوق وين فهد
شوق تقدمت تعطيه" فهد الصغير "
فهد : بسم الله عليه ماشاءالله يتربى بعزكم
زايد : ياحبيبي والله يبا عقبال الباقي
الكل : ان شاءالله
دلال : ترا اليوم معزومين عند حنان ٧ المغرب اشوفكم جاهزين طيب
البنات : وناسههه تم تم
ضحكوا عليهم العيال
وتقدم الكل ياكل ونطقت شوق : ترا ان شاءالله بكرا حفله لفهوديي
فهد : على خير ان شاءالله استراحه صح
شوق : اي حجزنا انا وزايد كل شي
فهد : اجل خلاص الذبايح اربعه يعيال لا تنسون
العيال : ابشر
بعد مده الكل صعد لغرفه
ومّر الوقت لاحد ماوصل ٦ المغرب
<< عند الجوهره وسلطان >>
طلعت فستان احمر وكان مفتوح من كل الجهات
تقدمت تمده لـ سرير وتحط ميكب ومن التفاصيل الاخرى وتقدمت تلبسه
سلطان : هذي لايكون تروحين فيه
الجوهره بتكّشير : اي نعم ليه
سلطان : خلي الليله على خير
الجوهره : وش تقول انت
سلطان : ماراح تلبسينه
الجوهره : نعم من انت عشان تعلمني وش البس ما البس
سلطان : زوجك عندك شي
الجوهره : راح البسه
سلطان تقدم لها وشّد على يدها ونطق : الجوهره لا تخليني اسوي شي مابي اسويه
الجوهره : فكني لانك الٓمتني ومالك شغل فيني
سلطان بعصبيه : الجوهره خلاص قلت لك ماراح تلبسينه وتقدم يطلع لصاله
الجوهره جتها فكره انها تلبسه وتلبس العبايه ولا راح يدري
<< عند الماس وسالم >>
انتهت من التجهيز ونطقت : سلوم حبيبي تعال ننزل وننتظر الباقي
سالم : تمام بس ابي اول اشوف الكشخه
الماس : يوه سلوم بـ الليل
سالم : يلا عشانك
وتقدموا ينزلون
<< عند شوق وزايد >>
شوق تقدمت تلبس فستان سكري و توجهت لـ فهد تلبسه ثوب
زايد : الله على ولدي وزوجتي وش الحلوين ذولي
شوق تقدمت تحاوط عنقه باناملها وتنطق : قلب قلبي
زايد حاوط خصرها بيده اليمنى ويشّدها له ويده اليسار على شعرها وعنقها، وسرعان ماثبتها على الكنبه
يّقبل عنقها بقوه ، ابتعدت عنه شوق ونطقت : حبيبي بعدين طولنا الحين
زايد وهو منبهر من جمالها : يلا
تقدموا ينزلون
<< عند نجد وسيف >>
نجد تجهزت وتقدمت تجلس بحضن سيف وتتدلع
سيف حاوط خصرها وشّد عليه وقّبل مبسمها
ابتسمت نجد ونطقت : مشينا ؟
سيف وهو سرحان فيها : يلا
<< عند البنات بغرفة العنود >>
الجازي : بنات حلو فستاني
البنات انبهروا من شافوها لابسه فستان بني وظاهر مفاتن جسمها
ليان وخلود بنفس الوقت : يلبيههه جوجو يهبل
العنود : يجنن يجننن
الجازي خجلت وارسلت لهم قّبله بالهواء
<< عند ابطالنا >>
الجوهره تقدمت لـ صاله وخايفه يعرف انها لابسه الفستان
سلطان : جهزتي ؟
الجوهره يخوف : ها اي يلا
سلطان : بشوف الكشخه
الجوهره : بعدين
سلطان : يلا جوجو
الجوهره بتردد : بـ الليل خلاص تأخرنا ترا
سلطان : يلا اجل
الكل تقدم ينزل
دلال : وش الزين كله
البنات: قلبييي انتِ
راكان كانت عيونه كلها على العنود ( يحبها بـ السر )
فيصل : عاد الجازي وجهها يجيب الهم
الجازي بصدمه : اح ياحيوان عمتك انا احترم
فيصل : اقول اص بس
الجازي : انااا اوريك وقامت تلحقه
الكل : ضحك عليهم
فهد : هذولي للحين ماكبروا
راكان : لا ياجدي يكبرون وعقولهم تصغر
ضحكوا البنات عليه
راكان من سمع ضحكة العنود ابتسم
رجعوا فيصل والجاري بتعّب ويضحكون
فهد : خلاص انتوا وياه تأخرتوا
دلال : يلا يلا انتوا وياه مشينا
تقدم الكل نفس تقسيم العاده
بعد مده
"" وصلوا لبيت حنان ""
دلال دقت على وجدان
دلال : وجدان خيتي افتحي الباب
وجدان : يلا يلا حياكم الله
دلال : الله يحيك
<< عند وجدان >>
وجدان : داليااا
داليا : سمّي
وجدان : الضيوف برا
داليا : يويلي يلا بفتح الباب
وجدان : يلا
تقدمت تفتح الباب
وتسلم على الكل
الجوهره : وحشتينيييي ياحيوانه
داليا : اكثر اكثر والله
بعد مده
داليا بهمس : بنات من ترقص معي
الجوهره : انا انا
داليا : يلا الجازي حطي القوس قوسك
الجازي : تم يلا
بدأت الاغنيه
القوس قوسك
والسهم سهامك
مالي على رمشن والخ
عند الجوهره تتمايل بكل خفه
والكل منبهر من جمال رقصها واناقتها
تقدمت الجازي تصورها وتبتسم
وارسلتها خاص ل سلطان
بـ الدوانيه عند العيال
جته رساله من الجازي وكان محتواها
رقص الجوهره انصدم من شافها لابسه الفستان وكل مفاتن جسمها طالعه
عند الجوهره تعبت وتقدمت تجلس
سلطان دق على الجازي
سلطان بعصبيه : عطيني الجوهره بسرعه
الجازي توترت ورمت الجوال بحضن الجوهره
الجوهره : شفيك يمه
الجازي : سلطان ومعصب مرا
الجوهره : ليه
الجازي : مدري بعد ماصورتك له وانتي ترقصين
الجوهره شهقت وبينها وبين نفسها شتمت الجازي
تقدمت تاخذ الجوال وتبعد عنهم
الجوهره : هلا
سلطان بعد ما ابتعد عن العيال نفّث دخانه بعد ما سمع صوتها
سلطان بعصبيه : الله لا يلعنك انتِ وفستانك اوريك بس نرجع اعلمك انا
الجوهره بتوتر : يصير خير
انصدم من ردها البارد وشدّ على يده
عند الجوهره تقدمت تعطي الجوال الجازي
<< عند العيال >>
بندر : يعيال توصون بغيت اخذ شي من غرفتي وارجع لكم
راكان : انتبه لا تدخل على البنات
بندر : شدعوه عاد في باب خلفي
راكان : اي بس قلت لك
ضحك عليه بندر وغمز له
راكان : انقلع بالله
ضحك عليه وتقدم يصعد لـ غرفة
<< عند البنات >>
داليا : الجازييي بالله في كعب تحت الدرج ابيه تكفين
الجازي : تمام
داليا استغربت منها وبينها بين نفسها شكلها مروقه
عند بندر وهو متوجهه لـ درج صادف الجازي بكامل زينتها واناقتها
تقدم مسك يدها وشّدها له
الجازي بخوف : ابعد خير
بندر : اسكتي خليك وراي يمكن العيال يدخلون ( كان يكذب بس عشان يقربها له )
الجازي ابتعدت عن ونطقت : انقلع بس
بندر : بسالك بالله
بندر : طيب لا تناظر
نزل عيونه ونطق : الجازي اذا تقدمت لك تقبلين فيني
الجازي خجلت وتوجهت للبنات ونطقت : جرب ماتدري
ضحك على حركتها وتوجهه للعيال
الليالي يوم ودك جمعتنا
شرايكم بس بـ البارت 🌺🌺🌺
انستا | 3jjaae
تيك | 3jjaae
أنت تقرأ
الليالي يوم ودك جمعتنا
Science Fictionالبطل | سلطان يوم دافع عنها واعترف لها وانصدم من ،، البطله | الجوهره ماتوقعت يكون لها نصيب من ،، الكاتبات|دانه روز| 🌺 انستا 3jjaae
