احتواء بعد العناء

Bart_1_🦅

#احتواء_بعد_العناء

#الـكاتبه_ايـه

_ لا تنسون التصويت والتعليق بين
الفـقـرات
+متابعه للحساب. a15ya1

ــــــــــــــــــــــــــــــــــ

الألم الذي يبدأ من العائلة لا ينتهي ابدا .

_هدوء فضيع يحتل المكان ابتسمت من انتبهت على جهه الشباك جان واكف عصفور يغرد بطريقه حلوه رغم بروده الجو والمطر الخفيف بس جان سعيد؟ اي سعيد شكله يوحي للسعاده جان حر؟يطير وين مايريد ويغرد عل راحته بدون قيود تمنعه عكس باقي الطيور المحبوسه ب قفص! مجانت تملك هذه الشعور مجانت تكدر تطير براحتها ولاتغرد وحتى لو غردت مو نفس شعور الحريه الي تحسه ب الخارج هذه الفرق بيني وبين هذه الطير اني محبوسه بقفص ماكدر اعبر عن مشاعري وشعوري وغيري يمتلك هذه الشي كسر صفنتي وتخيلاتي فتحه باب الصف درت عل جهه الباب ابتسمت وباوعتلي

_وين صافنه

_هزيت راسي وابتسمت التفتت عل شباك

_مابيه شي بس صافنه عل هل عصفور شوفي شلون فرحان ب الجو ويغرد

_عكدت حاجبها مافاهمهه باوعت عل جهه الشباك وابتسمت

_صدك والله شوفي شلون يصفور فرحان

_درت عليها مستغربه عكدت حاجبي وضحكت

_يصوفر؟

_اييي يعني قصدي يحجي

_ههههه قصدج يغرد

_نفس الشي المهم يلا ترا حتصير حله جهزي اغراضج ولبسي شالج

-تمام جايتج

بينما تذكرت رح ترجع لجحيمها والي هو البيت وعائلتها الي مشافت منهم بس الاذى طلعت ريم " وصديقتها من المدرسة يرجعون للبيت وصلت ريم " و ودعتها صديقتها كالتلها اشوفج باجر ان شاءالله ابتسمت ريم " ودعتها وبينما ريم

واكفة امام بيتها تذكر كمية آلم والقهر الي عاشته سحبت نفس عميق و دخلت للبيت و تلكاها ابوها باوعلها بنظرة حقد مو مثل الآباء الي كل احنا نعرفهم يباوعون لبناتهم بكل حب وحنية لكن مع الأسف ريم " ما شافت هاذي النظرة من ابوها والي هي نظرة الحب والاهتمام والحنية .. ضلت ريم " واكفة ومنتظرة ابوها شنو يطلب منها وهي متأكدة انو رح تسمع منه بس الأوامر والشتم والحجي المسموم ..

كاللها لا هلا بيج اجيتي روحي يلا بسرعة نظفي البيت و سوي الغدا الي..

ولخوانج طبعا هنا ريم " من خوفها ما حجت شي وراحت بسرعة دخلت تسوي الي طلبه منها احسن ما يضربها ويسمعها الحجي المسموم .. بينما ريم " ايد تنظف وايد تسوي

غدة وتلبي طلبات ابوها و اخوانها الي هم ما يرحمونها مثل ابوهم وهي بهاذي الاثناء داخت رادت توكع مغمي عليها من شدة تعبها خلصت من شغلها بوقت متأخر بسبب طلباتهم الي ما تخلص و عدم رحمتهم بيها

دخلت لغرفته وهي ما تحس بجسمها من كمية الشغل والتعب الي ياخذ كل وقتها يوميا ... فتحت دولابها اخذت ملابس نوم مريحة ودخلت للحمام تريح جسمها شوي من التعب ...

طلعت من الحمام وكفت كدام المراية وشعرها ينكط مي على وجها وملابسها صفنت بالمراية لوهلة من الوقت وهي تشوف وجها شلون شاحب و وزنها الي جاي ينزل بسبب الإهمال لان تقضي وقتها نص بالمدرسة ونص الثاني الي هو بالجحيم مال عائلتها .. ضحكت ريم " على حالها والمرحلة الي وصلتها من التعب والكسر والخذلان مو من أي شخص وانما من أهلها وهي ما الها ذنب او مأذيتهم بشي

... خذت المشط وتمشط شعرها الاسود الطويل بهدوء وهي تفكر شلون تخلص نفسها من هذا الضيم الي عايشته خلصت من روتينها و اتجهت لمكتبها الصغير الي تدرس بيه طلعت كتبها