بينما ريم" نايمه بهدوء دخلت اخُتها بيان ' للغرفة بهمجية وبيدها كلاص مي باوعت على ريم" وضحكت بأستفزاز وشمرت المي على وجهها كمزت ريم" من برودة المي وهي تباوع بوجه اخُتها بيان ' لكتها تضحك بأستفزاز ونظرات كره وحقد
ريم : شبيج بيان ' ليش هيج سويتي اكو احد يكُعد شخص نايم بهالطريقة
باوعتلها بيان ' بحقارة
بيان: لا تحسبين نفسج أميرة البيت ترا حالج حال الخدامة ومحد مهتم لأمرج يا منبوذة المهم يلا تحركي كومي سويلنه ريوك ونظفي البيت اريدة يلمع وديربالج اسمع منج حجابة وحده والا اكول لبابا " وتعرفين شنو رح يسوي بيج يلا تحركي ضلت ريم " تباوع لاخُتها وهي تتلاشى عن نظرها الدموع اتجمعت بعيونها بسبب حجي اخُتها المسموم والمليان حقد وغيرة منها ..
مسحت دموعها ورتبت فراشها ع السريع ودخلت تاخذلها حمام ع السريع وتنزل تسوي ريوك وتنظف قبل لا تسمع الشتم والرزايل او الضرب من عائلتها الظالمه كاعدات بيان و سنار ' بالمطبخ ينتظرن ريم " تخلص طلباتهن ويباوعلها بشمأزاز وغيرة ..
سنار : يلا لج فضيها
باوعتلها ريم " بكره وسكتت خلصت من تجهيز الريوك وخلته على ميز الأكل وهي تحس بدوخه قوية تجاهلت الموضوع وراحت تكمل شغلها
نزل غياث " اخوها الجبير
سنار: صباح الخير تعال تريك غياث : باس راس سنار و بيان وكاللهن لا بالعافية ..
بينما ريم " تباوعلهم بقهر وصمت اتمنت لو تحس بحنية ابوها وإخوانها وأخواتها عليها
غياث: ريم جهزتي كهوتي لو بعدج
ريم: بخوف اي اي جهزتها مثل ما تحب
هز راسه بمعنى نعم وكاللها حطيها بالحديقة اشربها راحت ريم " تاخذ الكهوة لغياث ' وبيان وسنار يباوعللها بخبث بينما تمشي ريم " مدت رجلها بيان ' و وكعت ريم " و وكعت على ايدها الكهوة الحارة صرخت بآلم و بيان و سنار يضحكن عليها بأستفزاز باوعتلهن ريم " وهي تبجي من آلم ايدها
اجه غياث " لان سمع صرخة ريم غياث: شكو شبيجن
شاف ريم " طايحه والكهوة على ايدها وتبجي بصمت بينما بيان وسنار سكتن من دخل غياث "
سنار : لا اخويه حبيبي ماكو شي بس هاي الغبية وكعت الكهوة وهي بطريقها الك
باوع غياث " لريم " وهي تتألم من ايدها وكفها وكال لبيان تجيب مرهم حروق بينما سنار وبيان ' صافنات على غياث " شلون اهتم بريم' وشلون يكللها روحي جيبي مرهم حروق علمود يداوي ايدها
