بِسْمِ الرَّحْمَـٰنِ الرَّحِيمِ
الكاتـبـة
"لونا علي"#الأَزلم"سُم أسود"
- لا تنسون التصويت والتعليق بين الفقرات
ومتابعة الحساب luna_ali18مرحباً بك في الأزلم
حيث تُكتب المصائر بخيوط من دم
في هذا العالم المظلم لا مكان للرحمة
وكُل سر يُدفع ثمنه غالياًهنا كُل خطوة تُحَدد بحد السيف
وكُل نية خبيثة تُصبح واقعاً مرعباًانضم إلينا إذا كنت تجرؤ
لكن احذر فقد لا تخرج سالماً.✿✿✿
الليل حالك والبرد يتغلغل حتى بالعظم الهوا البارد يصفع وجهي وكُل شويّة أحس جسمي يرجف، المي اللي ينزل من السما يضرب وجهي مثل أبر صغار وكُل ما أمسح عيوني يرجع يبللني مرّة ثانية
الدنيا كُلها مغيمة ماكو لا ضوة ولا صوت إلا المطر اللي يدگ علىٰ الأرض وصوت خطواتي السريعة اللي تطرق بالشارع الفارغ، أركض بكُل قوتي والمي يتناثر من تحت رجلي بس مدا يهمني كُل همي إني أوصل
أحاول أركض أسرع بس الطين اللي برجلي يزحلقني وملابسي المبلله والازگه بجسمي تعيقني وتخلي كُل خطوة تصير أصعب من الثانية
المكان حوالي يضلم أكثر، ضوء الشوارع خفيف ما ينور إلا لمحات قليلة گدامي وگلبي يدگ بشكل مجنون بكُل دگة أحسه راح يطلع من صدري
أفكر أوگف لحظة أحاول افكر وين اروح بس ما أگدر رجلي تجرني بنفسها وكُل إحساس بداخلي يدفعني لهناك...
وفجأة... صوت قوي دگ بأذني صوت شي طاح بالگاع بقوة وگفت وألتفت يمين يسار بسرعة حاولت ألمح شي
حركة بسيطة.. ظِل.. أي تفسير للصوت اللي سمعته:- شنو هذا؟
سمعت الصوت مرة ثانية هالمرة أقرب وأوضح كأنما واحد انظرب بالگاع وگف شعري من الخوف بس رجلي گامت تتحرك بوحدها باتجاه المكان اللي جاي منه الصوت ما أدري شلون بس كُلشي بداخلي يدفعني أتقدم
عيناي ركزت علىٰ شي بعيد جسد ممدد بالگاع... ما أگدر أشوف ملامحه من الظلمة
مشيت خطوة خطوة صوت دگات گلبي كُل ما اتقدم يزداد..
جسمي صار أتگل ما أدري إذا هو الخوف أو المطر اللي زاد ثگل ملابسي:- منو هنا؟
حچيت بصوت مخنوگ ما عندي طاقه أحچي بصوت عالي قربت أكثر ونزلت علىٰ ركبي يم الجسد الممدد.. المي نزل علىٰ راسي خلا شعري يلتصق بوجهي ووجهي صار كُله مبلل وكُلشي صار ضبابي
أنت تقرأ
الأَزلم"سم أسود"
Actionقرب أكثر لدرجة حسيت وجهه صار ملتصق بوجهي - هذا الوشم مو بس علامة هو تحذير والتحذير الأهم: اللي يحاول يكشف الأسرار ينتهي تحت هالاجبال - اللي عرفتيه هو آخر شي راح تعرفينه لأن هسة إنتِ صرتي جزء من اللعبة ادركت إني بفخ وبديت أستوعب كُل كلمة، كُل نظرة ...