تعاي بوية انتَ بأمانة الشيخ أشهم
خفت أروح ويا وبنفس الوقت ماعندي مكان اروحله تراجعت ليورة وحجيت
روفان : ها شسمه اخاف ماعندي أمان لأحد
الرجال : كلمة شيخ اخذيها بأمانتي
روفان : هزيت راسي وصعدت ليورة ووجع ايدي موتني انتبهلي متوجعه
اشهم : شبيج ؟
روفان : ايدي
طحت على الصخرة
اشهم : استحملي على مانوصل المستشفى
هزيت راسي والوجع احسه بكلبي بقيت افكر طلعوا دوروا عليه لو عادي ؟
قاطع افكاري من كال
نزلي بوية وصلنه
المهم نزلنه وكالو مو كسر انطوني مهدئات وصعدنه بالسيارة
أشهم : ليش طالعه الوحدج وين اهلج ؟
من كال أهلج انفجرت بالبجي ووكف السيارة على جهة ودار عليه
أشهم : الله الله عليش هلبجي اسف مو قصدي بس لاتبجين
هزيت راسي وكمل طريق وصلنه يم بيت ماشاء الله مو بيت قصر نزلنه
استحيت شون ادخل البيتهم لا اعرفهم ولايعرفوني شيكولون عليه بت شوراع ؟
أشهم : يلا بوية شنو تباتين بالشارع ؟
هزيت راسي ومشينه دخلنه واني اخاف بقيت وراه لحد مسمعت صوت مره جبيرة تكول
هلا بوليديي شافتني واني مت من صدك استحيت حجت
المره : شنو يمه تزوجت وما تكللنه
ردت الكاع تنشك ولا هاي الحجاية
أشهم : لا يمه هاي البنية بأمانتي لحد منشوف شبيها
المره : يمه تعاي حبيبة
روفان : رحت يمها بست راسها وكلت
روفان : السلام عليكم
المره : عليكم السلام الهم صل على محمد وال محمد شهل جمال ماشاء الله
من صدك ارتاحيت نزل ولد وحجه
الولد : ها ولك شهم متزوج وضام علينه خرب يومك صاكه نوب بشرفج ماعندج أخت ؟
يمه عزا وجهي انطعن احمر كال أشهم : ولك احمد اسكتت شهل حجي
احمد : لعد منو هاي
اشهم : دخيلتي
احمد : اويلي يابه
هز ايده اشهم وحجه : بوية تعاي وراي يمه استحيت كمت اباوع عليهم كالت أم اشهم : روحي حبيبة لا يعصب
رحت ورا دخلت جانت شون مكتب تموتتت
أشهم : كعدي بوية
روفان : كعدت مقابيلة كال
أشهم : شنو اسمج ؟
روفان بخجل : روفان
إبتسم وكال : عاشت الأسامي , شنو صاير وياج
بديت احجيلة حياتي كلها لحد ماطلعت
حجه لعد أخوج وين ؟
روفان : أخوي مسافر
هز رأسة وكال : ميصير تبقين هنه يم زلم ماتعرفيهم لازم واحد يعقد عليج لحد منشوف حل
دمعت عيوني : بس ماريد انا
أشهم : ميصير بوية هيه فترة حرام تبقين هيج
هزيت راسي وكال باجر نعقد هسه نامي يم تبارك وباجر الله كريم
صاح تبارك بصوت
اجتي تبارك ومبين حاجيلها عني ابتسمتلي رديتها صعدنا فوك وجانت كلش حبابة سولفتلهة كلشي وطتني لبس نمت كعدت الصبح لبست شالي ونزلت
باعو حكول خالة الي هيه امشهم
روفان : صباح الخير خالتو
خالة : صباح النور حبيبة
ابتسمتلهة
خالة : اصبلج ريوك ؟
روفان : لا خاله تسلمين ماتريك
هزت راسها بقينه نسولف قاطع حديثنة صوت
أسهم : صباح الخير
روفان . خالة : صباح النور
بتسملي رديتها اله
الظهر اجه السيد لبستني تبارك فستان ابيض وشال وحطتلي مكياج واني مصدومه تمت العقد نزلت دموعي
خالة : بالمبارك حبيبة , عليش تبجين
روفان : خاله اريد امي وي ماحجيت دخل اشهم وسمعني
خالة : اني امج حبيبية ابتسمتلهة
أشهم : روفان تعاي بوية
كمت وهاي تبارك الخبيثة تضحك وتغمز
.............................
