سيلين : عادي ياروحي بسوي الأكل حقها واجي
فارس : حبيبي خليك أنا بقوم أسويه. ابتسمت سيلين وقام فارس يسوي السيرلاك خلص ورجع أعطاه لـ سيلين
سيلين : افتحي يدك . فتحت جوري يدها وحطت سيلين شوق في حضنها واخذت السيرلاك و وكلتها . بعد فتره طلعوا كلهم من الغرفه وجلسوا
الجد : في عزيمه يوم الجمعه ياولدي
تنهد فارس : أنا مسافر جدة عندي مهمه في الفرع هناك وما برجع إلا بعد شهر ومافي احد يروح مكاني
الجد : خلاص دام كذا نلغيها ومن ترجع نسويها
فارس : ان شاء الله
سعود : سيلو شفيك يا روحي
سيلين : مافيني شي . تقدم منها سعود وحضنها ونطق : ترا بكون معاك يعني المفروض ما تزعلي
ابتسمت سيلين ونطقت بتغيير الموضوع : مو ناوي تتزوج صرت خال وللحين بعدك سنقل
سعود : أمم في وحده عجباني
نوره : من هي ياولدي وانا اكلم أمها
سعود : يمه استعجلتي ما اعرفها
نوره : وكيف عجبتك
سعود : شفتها بالغلط وعجبتني
سيلين همست : روز؟
سعود : من ذي
سيلين : الي شافتك في المطبخ وشعرها قرمزي
سعود : اي هي كيف عرفتي
سيلين : ماما يقصد روز
نوره : روز خويتك
سيلين : اي
نوره : والنعم فيهم تبي اكلم أمها ياولدي
سعود : بدور وظيفيه الأول يمه وبعدين كلميهم
فارس : درست جامعه ؟
سعود : اي
سيلين : كيف درست ؟
سعود : في احد ساعدني . هزت سيلين رأسها بتفهم
فارس : وش تخصصك ؟
سعود : شرطه
فارس : في المركز عندنا يحتاجون عميد أو عسكري تبي آخذك بكرا ؟
سعود : تم اي ساعه
فارس : 7 تكون جاهز
سعود : تم . جلسوا يسولفون وبعد انتهاء اليوم اتجه الكل لغرفته .
« صباح يوم جديد »
صحت سيلين على بكاء سعود وقامت بتعب واتجهت لـ سريرهم واخذته وبدت تحركه بهدوء بعد فتره صحى فارس ناظرها ونطق : صباح الخير يا دهر قلبي
ابتسمت بتعب : صباح النور
قام واتجه لها ونطق : وش فيك يا روحي
سيلين : سعود مو راضي ينام
اخذه منها ونطق : روحي ارتاحي
سيلين : لا انت وراك دوام بنومه وبنام
فارس : اسمعي الكلام يا قلبي
سيلين بتغيير الموضوع : شكلك ما تبي سعود يشتغل
ضحك فارس : من قال بس راحتك اهم
سيلين : يلا حبيبي لا تتأخر . ابتسم فارس وقبّل خدها واتجه للحمام ( أكرمكم الله ) يتروش . خلص وطلع شافها نايمه و واضح عليها التعب تقدم منها وقبّل جبينها
واتجه للدولاب وأخذ بدلته ولبسها خلص واتجه للتسريحه و أخذ عطر و سرّح شعره خلص وطلع متوجه لغرفة سعود دق الباب ودخل بعد ما جاه صوت سعود الي سمح له بالدخول
فارس : خلصت ؟
سعود : اي
فارس : معاك سياره ولا
سعود : الحين مو معاي احد من اخوياي اخذها
فارس : طيب تعال معاي
سعود : وين سيسو
فارس : نايمه سعود الله يهديه صحى وما خلاها تكمل نومها والحين نامت . ضحك سعود واتجه معاه يطلعون بأتجاه المركز دخلوا عند اللواء ( عبدالعزيز )
فارس : السلام عليكم
عبدالعزيز : وعليكم السلام فارس أتفضل
فارس : سعود ابن عمي .وناظر سعود وكمل : المدير عبدالعزيز . مد سعود يده وعبدالعزيز كمان وتصافحوا
عبدالعزيز : عرفني عليك
سعود : معك سعود خريج شرطة 25 سنه
عبدالعزيز : اهلاً أنا عبدالعزيز 30 سنه
سعود : اتشرفت
عبدالعزيز : الشرف لي الحين بنشوف خبراتك ونحدد إذا بتكون عميد أو عسكري
سعود : متى ؟
عبدالعزيز : إذا جاهز الحين بنبدأ
سعود : جاهز . أخذ عبدالعزيز الجوال ودق على الحارس دخل ونطق : امرني أستاذ عبدالعزيز
عبدالعزيز : اختبار العميد جاهز ؟
الحارس : اي
عبدالعزيز : طيب خذ الأستاذ سعود و شوف إذا بينجح أو لا
الحارس : ابشر . أخذ الحارس سعود واتجه للمكان الي فيه التدريب وبعد فتره نجح سعود في الاختبار واتجه هو والحارس لـ مكتب عبدالعزيز دق الباب ودخل
عبدالعزيز : بشر
الحارس : نجح
عبدالعزيز قام ومد يده لـ سعود : هلا بك يا العميد
سعود ابتسم : هلا بك زود .
