الكاتبه: فاطمه ستوري نايس
اني اسمي رقيه عندي جهال اثنين
حسين وحسن
احنه اربعه عايشين بلـ بيت
اني وزوجي وجهالي
اني اتمنهه ايصير عندي ابنيه
بعد 7 سنوات حملت ب ابنيه الحمدلله والشكر
رقيه: دخلت الصاله العمليات واني كلبي ايريد يطلع من مكانه من الفرحهه ما امصدكه طلعت من العمليات وفرحانه ابنتي
ردت اسميه زهراء بس ابوه مقبل وكال خلي انسميه فضه اجت فضه والكل فرحان بيه اهلي واهل زوجي واقاربنه
بعد مرور ٤٠ يوم
ــــــــــــــــــــــــــــــــــــــــــــ
جنت كاعده بلـ مطبخ اسوي غده بس اني وجهالي بلـ بيت سمعت صوت شي طاح رحت اركض دخلت لغرفتي لكيتت بنتي طايحه بلـ كاع ــــــــ
صرختتتت با اعلى صوتييي لكيت هيه طايحه يم الجربايه مالته واخوه واكف يمه سئلت حسين شبيههه اختك اشسويلته
حسين: ماما ما ادري ردت اخليه بجربايته ووكعت مني 😔
رقيه: خابرت عله زوجي حته ناخذه المستشفى
ابو حسين: اجيت ركض اخذ بنتي المستشفى
رقيه: اخذناها اني وابوه والمستشفى محد يعرف حالته فا اخذناه للدكتور وكال بيه ضمور بلـ دماغ
كال الدكتور ادخلو بيه مستشفى دخلنه بيه 6اشهر ركزنه انو البنيه انلعبه او اناغيه ما تنتبه ويانه ولا اتباوع علينه فكلنه عادي فمرت سنتين وفضه نفس الحاله ولا حته تكبر على حطته الي اعرفه الطفل ابعمر السنه يكعد وياكل وايلعب ويمشي
بس فضه لا كعدت ولا مشت ولا اكلت ولا لعبت بس تبجي مرات ولا تحجي ولا حرف بس اتباوع ليفوك بفراشه وانتام بس هيج حياته اخذناها النفس الدكتور كال عده العضم الطباشيري الي مايعرف شنو يعني معنى معوقه لا تكعد ولا توكف ولا تمشي
وكال ما عده نمو يعني الطفله اضل هيج ما تكبر وكال نهاياً كال ما اصير حته بالاول ابتدائي سنه سنتين اتموت متشوف اهنا اني كلش بجيت شنو ذنب هاي الطفله اضل هيج رجعنه دخلنه بيه مستشفى اني جنت داخله بيه خابروني على عرس اختي الزغيره اعز من روحي وما كدرت اجي بسبب بنتي ما اكدر اعوف بنتي وحده بلـ مستشفى مرت الايام وطلعت من المستشفى جنت كاعده بأمان الله اباوع بنتي صايررههه صفرهههه اخذته المستشفى بليلل
كالو خلص دمه ما بيه ولا قطره دم خليتله دم وكال الدكتور كل شهر يخلص دمه جيبوه انخليله دم وابوه الي يتبرع اله 😔😔
واستمرت هيج حالته وهسه هيه عمره ٤سنوات
وهيه نفس طوله وضعيفههه كلش وبس راسه ينمو جسمه ما ينموو ولا اتشوف ولا تاكل حته الممه(رضاعه اطفال) تشربه وتطلع من خشمه 😔
وهسه اني داخله مستشفى بيه كالو عده تضخم بلـ كبد
الله عليكم الي يقره القصه يدعيله بلـ شفاء طفله خسرت حياته بدون ذنب ما اعرف امنين اخذ حق بنتي 💔
