لماذا اخترتني

بارت 7

نزلت نفس الخبله أدور ب الردهات يهم شفت عبد الوهاب وعلي كاعدين ع اعصابهم ركضت وصحت عليييي وين وين اركان وارجف وخايفه كال شجابج ياامة محمد اكعدي اكعدي ننتضر كعدت كتله وين وين ودوه كال لصالت العمليات كتله وين وين صوبوه كال وحده ب رجله ووحده ب صدره شهكت لمن كال ب صدره سودت الدنيا بعيوني كعدت شفت مغذي كمت فازه وامي يمي كتلها اركان وين اركان يمه اركانن ويننه كالت طلعوه يمه طلعوه مابيه شي الولد بخير وعافيه

لتخافين يبعد امج ارتاحيت ونمت بعدين كعدت لكيت اختي يمي كعدتها كتلها وين اركان كالت ب العنايه المركزه لتخافين فد ساعتين ويطلعونه كتلها اريد اكوم كالت يلا كومي مدت ايدها كتلها شو دوخري جنج بطه ضحكت وكمت رحت اريد اشوفه بس منعوني ضليت كاعده وادعي الى ان طلعوه طلعو عزيزي نقلوه بغرفه وهم ردت اطب وكالو مو زين افتهمي خلي يبقى يوم كامل يلا نطببج عبد الوهاب واكف ويدعي هم وعلي رايح يجيب اكل وامي وابويه واخوي راجعين للبيت لان امي متخربطه ضلينا على احر من الجمر

ضلينا ننتضر نوب كلت للدكتور خليني اطب عليك الله كال ربع ساعه بس تمام كتله اي اي والله وهوه هم صارله يوم وهسه دنيا الصبح ليش بس ربع ساعه كال افهمي المريض بحاله خطيره مو مال كلساع تطبين اله كتله تمام ودخلت كعدت يمه دموعي نزلت لاارديا تقربت بسته بخده لاتلومونيي احبه والله مااكدرر مسحت ع شعره واتلمس رموشه غمضت عيوني وادعي يكوم ب السلامة اجاني صوته

الخافت يكول اخ كمزت كتله اركان اركان اكعد هياتني يمك فتح عيونه شويه شويه وابتسم بس احسه متوجع كتله اكو شي يوجعك كول كال صدري بس دمعت وكال ليش البجي بابا كتله خوفتني عليك بيه الوجع ولابيك احبك اركان فلتن ذني الكلمات مني مااعرف شلون بقه مصدوم واني كتله لا احبك ك اخ ترا لتروح بعيد كال اش اش وصلت كتله شنووو وصلتتت ترااا احبك ك اخخ تراا كال مااكدر اضحك اني اعلمج ع هذا الاعتراف اله اطيح حضج بس اصبري خلي اتحسن شويه

حجه ذني الكلمات وحط ايده ع صدره وغمض عيونه بوجع طب الدكتور الي اني اعرفه وكتله عيني كال الحمدلله ع سلامة استاذ اركان كتله دكتور حجه كم كلمة وتوجع اني اسفه اعرف ميصير يحجي بس وسكتت كال اي صح نزل المغذي من اركان وكال تكدرين تشكليه انتي المغذي الثاني كتله اي تمام فتح عيونه اركان معصب من الدكتور كلت يبووو حتى وانت مابيك حيل تعصب وتغارر كلتها ب كلبي كملت وكال احستني شكرا كتله عفوا كال دكتوره ممكن نحجي على انفراد اركان ركع ايده ب السديه وكال بحده لاا ميصير كال الدكتور مو وياك اقصد الدكتوره رفل كال اي ميصير تروح على انفراد ولتحجي وياها بعد كاله ليش انت شدخلك راد يكوم اركان وكلت لا اركان اكعد مااروح اكعد يمعود كتله دكتور مو هسه الوضع متوتر بعدين كال تمام وطلع اركان كال طلعي برا كتله ليش كال طلعي برااااا طلعت ضايجه ودكيت رجلي ب الكاع اجت اختي كالت شلونها الزياره وغمزت كتلها زفتتتتت كالت او ليش سولفت الها وعبد الوهاب كال شلونه خيتي طمنيني عنه كتله زين زين مابيه شي يكدر هسه يكوم ويكتل الدكتور لتخاف ضحك ورد يحمد