الي عمره اقل من 18سنه . انصحه ميتابع هاي القصه
بيها احداث قويه جدا
اتمنالكم وقت ممتع وسهره جميله ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🔞🔞🔞🔞🔞🔞🔞🔞🔞
الوووو عمار الحگ ماما تخربطت .
ولج شكو احجي امي شبيها ..
ماعرف يمعود... بس صعد عدهه الضغط وتخربطت ..
سدي التلفون جاي بس مسافه الطريق ...
وصلت للبيت وصعدت امي بالسياره .
وطرت للمستشفى .
طبعا جان الطريق كله ازدحامات ..
واختي صاعده ويه امي ليوره تفرك بكلبها .
ودكلي عمار لك ماما مابيها نفس .
اني بصراحه كمت ارجف من الخوف .
وكمت احسب شلون ماما تروح مني..
واني بعدني بعز شبابي .
وضلت اختي تلطم وتبجي .
ودكلي ولك وين صارت المهجومه وين المستشفى ..
ولمن وصلت المستشفى . ونزلتها وشلتهه بديه وركضت
وخليتها على السديه وصحت للدكتوره تعالي بسرعه يمعوده .
ولما وصلت الدكتوره وخلت السماعه على كلبها وجان تفحص النبض .
وجان ادكلي البقيه بحياتك .اخويه ..
شنو شنو .ياربيييي . ليش ليش ..
وضليت اطلم.
😱😱😱😪😭😭😭😭😭
وانهاريت بالبجي واعيط واصرخ وكسرت تلفوني
وضربت كرسي كدامي وجان اتخربط . وماعرف بالدنيا وين اخذتني .
وره ساعتين . حسيت على نفسي اني دا احلم لو حقيقه ورجعت ابجي .
واختي هم متخربطه . ومخليها مغذي .
والناس وكرايبنه اجوي . وابويه اجه .
واني نقلوني للبيت بس الصدمه بيه .
وضليت كاعد بالبيت شهرين . بس اتذكر وابجي
يجون عليه اصدقائي . وكرايبي ولد خالتي ولد عمتي ولد عمي ماكو فايده . نفسيتي منتهيه . واحس الدنيا انتهت بعيتي ...
ماكدر انسى امي الي جانت نفسي اليصعد وينزل الي جانت روحي .
والله من اتمرض احسها دكتورتي بس تجي يمي وتكعد يم فراشي . احس طبت وكلشي مبيه .
واتذكر لمن تخابرني .واني بالشغل ... ماما عمار تعال تغده ويايه انته مو تعرف اني ماكدر اكل وانته مو يمي . ولك عمار من اشوفك تشبع احس اني شبعانه .
...واني ارجع اكللها يمه قابل اني منو .
كالت انته ابني الوحيد الي ما سمعتني كلمه مو حلوه بحياتك..
وانتي الي تبيع روحك علمود ترضيني .ولك شلون تجرئ ودكولهه .. انته منو ..
وارجع ابجي واختنگ . لان ماعرف شلون الدنيا تاخذ العزيز ...
اووووف ياربي الف الحمدلله والشمر على كل حال.....
.... من هسه راح تبدي قصتي المختصره لان ماحب اطول عليكم ..
..اسمي عمار بيتنه في بغداد العامريه ..
خريج الجامعه التكنلوجيه مبرمج حاسبات .
عمري 26 سنه .. طولي 173 وزني 68 لان جنت رشيق كلش . واحب العب طائره ومنظده بالكليه .
لبسي ستر سبورت وبدلات لان جنت اشتغل بشركه مقاولات مال ابو صديقي الي اني وصديقي نفس الدراسه .
المهم
وعندي 3 خوات واخ واحد
خواتي اثنين متزوجات والثالثه طالبه كليه .
واخويه متوسطه .. بس خبلني بعد وفات الوالده الله ريحمهه ..
لان دائما يذكرها ويخليني اصير نار.
المهم .
ابويه رجال فقير عمره 52 سنه . ومتواضع جدا.
وره اربع اشهر . احس ابويه المح اليه ولختي الي بلبيت .
بعد وفات امكم اني انتهيت . عيشتي صارت مثل الچلب .
اريد واحد يكمل متطلباتي . ويغسل ملابسي
لباسي اني اغسله لكم انتو شنو . يا طايحين الحظ .
اني باوعت على اختي كلتله صدك يحجي ابويه .
مغاسله ملابسه .
كالت يمعود ماكو هيج حجي .
الغساله موجوده واذبهن بالغساله ..
وهنه ينغسلن . بعد شكو كل هذا الافتراء .
كلتلي عمار ابويه ماعرف شبي .
يوميه يكعد الصبح وايرتب ويصبغ ويكشخ ويطلع .
شلون شلون . وليش مكلتيلي ياثوله . الله ياخذج .
المهم كلت خلي اشوف ابويه وين اروح .
سويت نفسي اروح للشغل .
وجان اشغل السياره واطلع وكفت براس الشارع
انتظر واشوف أبويه .وين يطلع .
وچان يطلع ابويه . وره نص ساعه .
امبدل ملابسه وبنطرون وستره وتمشيطه معدله . وصابغ شواربه .
ومشه على الشارع العام . وجان يصعد كيه . واني وراه وراه .
لحد ما نزل .وهم صعد كيه . وهم وراه .
تيهته مرتين بس رجعت وشفته .
وجان ينزل من الكيه .
وطب ..........
