ក្លិននៃកុលាបខ្មៅ .

ផ្តើមរឿង

ភាពផ្អែមល្ហែមនៃផ្កាដែលបង្កប់នូវអាថកំបាំងជាច្រើនដែលអ្នកផ្សេងមិនធ្លាប់ដឹង ផ្កាដែលបង្កប់ពិសបង្កប់នូវភាពច្រណែនឈ្នានីសល្អតែនឹងមុខក្រោយខ្នងបែរជាលួចចាក់មិនដឹងជាប៉ុន្មានរយកាំបិត នៅពីមុខហាក់បីដូចជាទេវតាតែក៏ប្រែជាបិសាចនៅពេលដែលនៅខាងក្រោយ ។ ពណ៌នៃអាថកំបាំងលាក់កប់យ៉ាងជ្រៅនូវអ្វីដែលយើងនឹកស្មានមិនដល់ ភាពឈឺចាប់ ទុក្ខសោកឬអ្វីក៏សុទ្ធតែមានភាពរីករាយនិងទុក្ខរួមជាមួយ ។ ផ្កាគ្រប់ទងគ្រប់ពណ៌តែងតែមានអត្ថន័យបង្កប់ដែលត្រូវការឲ្យយើងស្វែងយល់ដឹង ទោះបីផ្កាខ្លះមានពណ៌ស្រអាប់ក្តីតែអន្ថន័យរបស់វាមិនប្រាកដថានិងល្អនោះដែរ ។ ក្នុងភូមិគ្រឹះដែលធ្លាប់តែមានមនុស្សអ៊ូអរ សប្បាយអធឹកអធមប្រែមកជាស្ងាត់ជ្រងំហាក់គ្មានមនុស្សរស់នៅ បុរសម្នាក់គ្រងឈុតក្រហ្សេឈរនៅមុខតុមួយដែលមានថូពោពេញដោយផ្កា តែគួរឲ្យស្តាយផ្កាទាំងអស់គឺមានពណ៌ខ្មៅទៅវិញ black Rose ឬអាចហៅបានថា ផ្កាកុលាបខ្មៅ គ្រប់គ្នាតែងតែចូលចិត្តផ្កាដែលមានពណ៌ស្រស់តែសម្រាប់បុរសម្នាក់នេះបែរជាមានចំណាប់អារម្មណ៍ទៅលើផ្កាដែលមានពណ៌ស្វាយដិតឬស្រដៀងនឹងពណ៌ខ្មៅទៅវិញ ក្លិនដ៏ពិសេសនៃផ្កាធ្វើឲ្យគេហាក់ពេញចិត្តនឹងទទួលដឹងថាខ្លួនចូលចិត្តក្លិនបែបនេះ ទោះបីផ្កាមើលទៅដូចជាជាំក្តី និងមានពណ៌ងងឹតក៏ដោយ។

បន្លាដែលចាក់ទម្លុះសាច់ដៃដ៏មាំមានសរសៃរវៀម ឈាមក្រហមឆ្អិនឆ្អៅរហូតធ្លាក់ទៅតាមទងផ្កាដែលនាយបានកាន់ ទឹកមុខដ៏កំណាចបង្ហាញចេញមកហាក់បីដូចជានឹកឃើញរឿងអ្វីម៉្យាងឬមនុស្សដែលខ្លួនស្អប់ ។ ផ្កាប្រែជាខ្ទេចដិតដាមដោយឈាមក្រហមច្រាលដែលហូរចេញពីដៃនាយមិនចេះជិនណាយ ។

« មិនយូរទេ ពួកឯងនឹងសងគ្រប់យ៉ាង ប្រា៎វ » សំឡេងធ្លាក់របស់អ្វីម៉្យាងដែលបែកជាបំណែកៗទៅលើឥដ្ឋលាយឡំជាមួយឈាមដែលស្រក់មិនឈប់ឈរ ថូផ្កាដែលបានបែកបូករួមទាំងឈាមរបស់នាយមើលទៅហាក់បីដូចចិត្តដែលត្រូវបានគេបំផ្លាញខ្ទិចខ្ទំជាមួយឈាមដែលលាយឡំដោយគុំនំសងសឹក . ហ៊ីស៊ឹង លីម៉ាន់ដា ឬក៏ហៅអុីវេនជាឈ្មោះក្រៅរបស់នាយ នាយមានវ័យ៣០ឆ្នាំជាម្ចាស់ក្រុមហ៊ុនផលិតស្រាដ៏ល្បីមួយកន្លែង ។ ស្រានីមួយៗដែលចេញពីក្រុមហ៊ុនរបស់នាយតែងតែវាយលុកទីផ្សារបានជានិច្ច ភាពម៉ត់ចត់របស់នាយបញ្ជាក់ពីភាពស្រស់សង្ហារដែលមនុស្សស្រីគ្រប់រូបប៉ងប្រាថ្នា . ទោះបីមើលទៅនាយជាមនុស្សដែលស្ងប់ស្ងាត់ក្តីតែបុរសម្នាក់មានភាផ្អែមល្ហែមខ្លាំងណាស់ដែលមនុស្សគ្រប់គ្នាមិនដែលដឹង!! ( ដឹងតែអ្នកអាន 🌚 )