تصويت+تعليق بين الفقرات لطفًا
مشاهدة ممتعة
ـــــــــــــــــــــــــــــــــــــــــــــــــــ
جانوا كل افراد العائلة ملتمين على الغدا وصوت بعض البنات الي يتاهمسن او حجي الولد عن شغل و شباب يسولفون سوالف عشوائية هذا جان جو السائد بعائلة علي ويا ابنائه و احفاده
"احم، انطوني شوي من انتباهكم اريد احجي وياكم بموضوع" جان هذا صوت جدهم علي الي حجه مخلي الكل يسكت ويلتفت اله وبسبب منظره الجّدي جانوا يتسألون اذا واحد منهم مسوي شي مسبب بغضبه
"تفضل بوية كلنا نسمعك صاير شي؟" الأبن الاكبر رعد گال بتركيز الأبوه
ابتسم الجد وگال "بما انوا عطلة وجماعة ضايجين قررت انا والحجيه ناخذكم ويانا البيتنا بالمزرعه نبقى هناك اسبوع نغير جو"
وبعد كلامه ظهر الحماس الشديد على البنات والفرحة الي طغت ملامحهن كون إن العطلة جانت مملة عليهن فا سالفة بيها طلعة وونسه لذلك تشكرن من جدهن بسعادة جبيره
بينما الشباب فا جانوا كذلك فرحانين وبدوا يسولفون عن الجو هناك مقررين يسووف حفلة شواء وسهر لليل ويا العاب تحديات وغيرها
"اگلك شنو بيبي وجدو عدهم مزرعة؟" همس نوح لابن عمه سيف الگاعد بصفه
"وين عايش انتَ نوح؟ عدهم اكثر من وحده بس الرئيسية الي جانوا عايشين بيها قبل لا ينولدون امثالنا هيه الي نروح الها سفره لان جبيره وحلوة" گال سيف الدين شارح الـ نوح الي هز براسه
"انزين انتَ شمعرفك بهذا كله؟" رجع گال نوح السيف الدين
"من جنت صغير سراج الدين اخذني وياه لهناك و ويا جدو وكل شوي يعيد عليه ويشرح حتى مليت" گال سيف الدين وباوع على سراج الي جان يسولف ويا مرتضى ويبتسم
بعد ما خلصوا غدا جان البيت فوضى لان يحضرون بأغراضهم و الاشياء الي راح ياخذونها وياهم ولان الجد فجأة قرر بنفس اليوم فا جانوا مخبوصين و محتارين شنو الي لازم ياخذونه وياهم هناك
نوح جان گاعد على القنفة ياكل تفاحة وهو يشوف هوستهم مو مهتم لان سراج الدين گله راح يسوي اغراضهم سوا، لمح نوح شهاب الواگف برا لذلك هو عقد حواجبه وطلع رايح يمه
"خير شعدك جاي" گال نوح بأنزاعاج مصطنع ولان هذا هو اسلوبه ويا شهاب استفزازي ما يقصده فعلا
"جدك عليوي ظل يلح اجيكم عينه على سيارتي يگول ما اروح الا بيها" گال شهاب بضحكه ولان عائلته جانت جيران الهم فا متربي شهاب يمهم اكثر من اهله لذلك يمونون عليه ويمون عليهم
أنت تقرأ
قَفص تَمَلُّك
General Fictionاِسْتئثاريّ، يَرفض أيَّة مُشارَكة. "حُبّ أنانيّ"، أعتّز بإمتِلاكي و ما إمتَلكُ "و أنتَ بعدك نطفة بطن أمك انكتبت إلي، و الأشياء التخصني أعتّز بإمتِلاكها" °تفتح عيونك للحياة مستعد تشوف عائلتك وتعيش تحت جناحهم وتتربى على أديهم، بس الوضع يختلف عند نوح° ...
