ارض الخليج البارت«2»
في احد الاسواق الشعبيه شِعارات الهلال مُعلقة بشكل كثِيف بالشوارِع ، الفوانِيس تكسُو المكان ببهجة ، أصوات التِسبيح والذِكر تعلُو المكان من مآذان المساجِد ، الأطفال يكسُون المكان ببهجة خالطها براءة .. لم يتبقى سِوى ساعات معدُودة للإفطار .
أصوات البائعين تتعالى .. رائحة الأكل تفِيض ، ضحكات أصحاب الدكاكِين العالية واللي مجتمعين قِدام دُكان شخص منهم ...
كان يمشي في وسط السوق ومايمر من مكان الاوالناس ترحب وتهلي فيه كان مبسوط مره من هالمعامله اللي يعاملوه اهل ديرته
وقف قدام باب محل ابوه وشاف مضحي تقدم صوب مضحي وحط ايده على كتفه واردف السلام عليكم
التفت مضحي بأبتسامه عذبه وقال: ارررحب حي الله الشيخ ولد الشيخ
فهد ضحك بخفه:هههه من متى صرت شيخ
مضحي: افااا انت شيخ غصبً عن انوف العذال
فهد ضحك على كلام مضحي ثم قال: تخاويني؟
مضحي: للموت وانا يدي بيدك ياشيخ
فهد شد على يد مضحي وسحبه معاه
مضحي: الا ماقلت لي وين تبي نروح
فهد وفي ثغره ابتسامه: للموت
مضحي: هههههه والله اني معك للموت
واصلو المشي لين وقفوا امام باب بيت الشيخ «سيف»
فهد ناظر ل مضحي: ادخل حياك الله نفطر ثم نروح بعد أعمالنا
مضحي باحراج: لا والله مشكور يالخوي برجع للبيت افطر مع اهلي
فهد : ماباقي على الاذان الا القليل
مضحي:مشكور والله ماودي اكلف عليكم برجع البيت ثم اجيك
فهد رفع حاجبه: يعني توصل لباب البيت وماتدخل ذي قويه في حقي
مضحي بدون تردد: يلا وسع لي طريق ادخل
فهد ضحك ودخل يقول لاهله لحد يجي لمجلس الضيوف
وصل لباب غرفه امه ودق الباب: يمه
ام فهد فتحت باب غرفتها وشافت فهد: هلا يا امي
فهد باس راسها: ودي اقولك لاتجون لمجلس الضيوف خويي مضحي بيفطر هنا ويلا زهبوا الزاد
ام فهد: ابشر من عيوني
فهد: تبشرين بالجنه يالغاليه
ام فهد راحت غرفه بناتها وفتحت الباب بقوه: بناات
موضي: بسم الله عليش يمه وش فيه
ام فهد: مضحي بيفطر عندنا يلا روحو زهبوا الفطور
صيته بلقافه: وليه اول مره يجي احد يفطر عندنا بيتنا صار ملجئ
ام فهد: انتي متى تبطلي لقافه وتروحين مع خواتك المطبخ
جهير: شوي شوي يمه بغيتي تاكلينا بقشورنا بعدين حنا شدرانا ان فهيد جايب خويه ابو راس
موضي رمت الدفتر على موضي: انكتمي ياقليله الادب تردين على امش يلا قومي ولاتكثرين حكي
ام فهد: يلوموني بحبش ي موضي يله يمه قومي انتي وخواتش ساعدوني
قامت موضي بسرعه ماتبي شي يضايق امها تحبها مره وكانها بنتها مو امها
اما جهير قامت وهي تتحلطم
و صيته ولا على بالها يجي من جاء ويروح من راح هي ماتدخل المطبخ الا عشان تغسل المواعين فقط
«في المجلس»
الشيخ سيف دخل المجلس وشاف مضحي
الشيه سيف: حي الله من جانا مضحي عندنا وانا اقول ليه بيتنا منور
فهد: ايه بالله بيتنا اشعت انواره بوجود الخوي
مضحي حك راسه باحراج: البيت منور باهله
سيف: وين الزاد ليه مابعد جاء باقي دقايق على الاذان
فهد فز من مكانه اي والله نسيت الوكاد انه جاهز
راح للمطبخ وشاف امه قاعده على الكرسي وموضي واقفه عند الفرن تطلع الخبز اللي خبزته
فهد: الله يعطيش العافيه يمه انتي و موضي
جهير : خيرر وانا وين رحت صفقتني بالجدار
فهد: الوكاد انش ماسويتي شي
حمر وجهها وقالت: الا سويت حتى شوف يديني توجعني
فهد: وش سويتي.
جهير: قطعت السلطه
فهد: ههههه وتقولين يدينش توجعش عشان السلطه
جهير بحنق: اييه عشانه انا ولا اذا كانت موضي بتشكرها وتقعد تذلني اسبوع
فهد قرص خدها: مشكووره ياالشيفه جهير بس مره ثانيه كوني اتقني عملش
جهير: ااح طيب فك خدي
فهد ضحك ولف على موضي: هاه ياموضي خلصتي الرجال بـيموت جوع
موضي: ايه خلصت بس باقي احط الخبز على الصحن
فهد: عطيني الصحن وانا برجع للخبز
موضي مدت الصحن لفهد وهو يبي ياخذه لكن وقع على راس جهير اللي جالسه على الارض وانكب كل اللي بالصحن على راسها
جهير صرخت بوجع: ااااخخخ رااسي راسي
ام فهد فزت من على الكرسي: بسم الله عليش يمه وش يوجعش
فهد كان ميت ضحك من داخله مايبي يبين لجهير عشان لاتزعل
موضي: ههههههههههههههههههههه
جهير كانت ماسكه مكان الالم: يمه راسي راسي انفلخ صح «انشق راسي صح»
ام فهد: مافيه الا العافيه يلا قومي
جهير: اااه يمه والله مقدر احس في دم ينزل من راسي
فهد: ههههههههه مافي شي عشان الضربه حسيتي
موضي صرخت وهي تناظر لمكان الدم اللي ينزل من راس جهير: يمممه شوفي دم
فهد تقدم بسرعه ناحيه جهير ولف راسها وشاف الدم فهد: لاتخافين باخذك عند ام حسون ترقع لك الجرح
جهير كانت تبكي خايفه على راسها: يمهه ما ابي رقاع ماابي
فهد بتشجيع لجهير: جهير من متى وانتي تخافي انا اعرفك ذيبه ماتهابين من شي
جهير: بس ذا رقااع يعني بتدخل الابره راسي
موضي: فهد اتركها معليك انا بتصرف انت روح لخويك اكيد انه مات جوع
فهد بتذكير: اوووه واخزياه احلف على الرجال انه يدخل وفي الاخير ما ناكله الله المستعان يلا جيبي اي شي الحاصل
موضي جهزت اللي باقي من الاكل واعطت فهد
جهير مازالت ماسكه مكان الدم وتبكي
ام فهد: يمه لا تكبري الموضوع قومي البسي نوديك لام حسون
جهير: يمه والله ما ابي الابره تدخل راسي خليها تسوي له.غراء
موضي: ههههههههههههههههههههه الظاهر حتى عقلها انشق
ام فهد ضحكت وهي مرتبكه: ههههه خلاص نفطر نروح ونشوف الجرح
موضي قربت من الشباك تسمع الاذان: يمه اذن يلا نروح نفطر
ام فهد: يلا يا موضي جيبي الفطور والحقينا
موضي: ابشري
