කලින් දවසේ ශේනුක සිහිනට කියන්නෙ නැතුව ගිය නිසා සිහින ශේනුක එක්ක හිටියේ අමනාපෙන්... වේලාසන ගිහින් හොඳ නින්දක් ලබා ගත්ත ශේනුක එදා උදේ හය වෙනකොට වැඩටත් ආවා... උදේ ආපු වෙලාවේ ඉදලා තාම සිහින ශේනුකව දැක්කේ නෑ... එයා තරහට ශේනුකගේ කැබින් එකට ගියෙත් නෑ, යන්න හේතුවක් තිබුනෙත් නෑ, ශේනුක එළියට ආවෙත් නෑ, සිහිනට එන්න කිව්වෙත් නෑ... ඒ දෙන්නම එන්න එන්නම හිතුවක්කාර වෙලා එයාලගෙන්ම පලි ගත්තා...
"Excuse me...Hi...I'm Taniya...I'm here for the interview... can you please show me the way to the office..."
"Hi hi...come with me..."
උදේ දහය වෙනකොට පවනි වෙනුවට වැඩට එන්න ඉන්න ගෑණු ළමයා interview එකට ආවා... ටානියා ආපු ගමන්ම ඉස්සරහට ආවේ පවිත්‍ර නිසා එයා පවිත්‍රගෙන් ඔෆිස් එකට යන පාර ඇහුවා...
"සර්...අර girl ඇවිල්ලා..."
"Ah send her in..."
"යන්න නංගි..."
"Thank you ayya..."
පවිත්‍ර ඒ ගෑණු ළමයව ශේනුකගේ කැබින් එකට එක්කන් ගිහින් අවසර අරගෙන ඇතුලට යැව්වා... ටානියාව ඇතුලට යවපු ගමන් පවිත්‍ර සිහිනලා ඉන්න තැනට ආවේ අලුත් ගෑණු ළමයා ගැන කියවන්න... ඒ එක්කම මිස්ටර් සිල්වා වගේම එයාලා එක්ක එතනම වැඩ කරන සඳමාලි මිසුත් කිට්ටු උනේ ආපු ගෑණු ළමයගේ ටිකක් සංකර දඟකාර පෙනුමක් තිබුන නිසා...
"අම්මෝ බන් සිහිනයෝ...ෆොටෝ එකේ හිටිය කෙල්ලද බන් මේ... පට්ට කෑල්ලක්නේ... කෝමද accent එක..."
"පිස්සු නැතුව හිටපන්..."
පවිත්‍ර බැලුව ඇහෙන් නෙමෙයි සිහින ඒ කෙල්ල දිහා බැලුවේ... සිහින ඒ කෙල්ල දිහා බැලුවත් එයාගේ ලස්සන දැකලා හිතට සතුටක් වෙනුවට ආවේ බයක්... ඒ එයාට ශේනුක කලින් දවසේ කිව්ව කතාව මතක් උන නිසා...
"කෑල්ලක් කියලා නම් පේනවා අඳින විදිහෙන්..."
"අන්න අන්න සඳමාලි මිස්ගේ පෑලියාව..."
"අනේ වැඩේමයි නැද්ද මිස්ටර් සිල්වා..."
පළවෙනි දවසෙම interview එකට එනකොට ආපු විදිහ ගැන සඳමාලි මිස්ටත් පැහැදීමක් ඇති උනේ නෑ... පුද්ගලික ආයතනයක් නිසා හදිසි උත්සවේකට ඇරෙන්න සාරි පටලන් ආවේ නැතත් මේකෙ වැඩ කරන අය පිළිවෙලට සංවර කාර්යාල ඇඳුමෙන් වැඩට ආවා...
