روايه*غيرني التزامها*
'الفصل♥3️⃣♥'
*🖋/سعاد علاء♡*
مينفعش نيأس او ندايق من حاجه حصلتلنا واحنا عارفين ان ربنا مقدر ده كل حاجه ربنا بيدهالنا وكاتبهالنا فيها خير لينا وفيها حكمه من ربنا يعيني مينفعش نعترض علي قضاء ربنا
لو كنا ناويين علي حاجه واحنا عايزنها اوي وفجاه تروح منك ومتعرفيش تحصلي عليها متزعليش ومتدايقيش علشان ده خير من ربنا واكيد كاتبلك الاحسن وشايلهولك 'ثقي في قدر ربنا'....
في صباح يوم جديد في بيت بطلتنا الجميله منه
منه وهي قاعده علي الكرسي وماسكه المصحف
والدتها دخلت عليها
نجلاء: عامله ايه دلوقتي يابنتي
منه بابتسامه: احسن الحمدلله ياماما
نجلاء:الحمدلله
بقولك ايه تعالي نروح المستشفي علشان نشوف موضوع العمليه ده علشان تقدري تكملي حياتك
منه بحزن: لا ياماما انا مش عايزة الحمدلله وبعدين فلوس العمليه هتكون كتير هتجيبي منين
نجلاء: ملكيش دعوه هجيب منين المهم انتي تمشي وبلاش تنشفي دماغك ويلا هجهز الفطار وبعدين ننزل ومش عايزة نقاش
منه بحزن: بس ياماما
نجلاء: من غير بس كلامي هيتسمع .
وسابتها وخرجت من الاوضه
منه بعياط: يارب انت الي ادري بحالي يارب يارب يسر الامر يارب.
༺عند رحاب ༻
خبطت رحاب الباب ومفيش اي رده فعل
حاولت تفتح بالمفتاح لاكن مفتحش
خرجت ساميه جارتهم
ساميه: ازيك يابنتي عامله ايه
رحاب: بخير اومال فين مديحه مشفتيهاش
ساميه: شفتها هي وابنها وليد الصبح بدري
رحاب باستغراب: طيب متعرفيش هي راحت فين
ساميه: لا والله
ساميه: مديحه قالتلي قولي لرحاب شوفيلك مكان اقعدي فيه اصل البيت معروض للبيع ومش هينفع تدخلي وبتديكي دول
واداتها شنطه محطوط فيها هدومها
رحاب بصدمه: ازاي الكلام ده هي خدت حقها في الورث انما البيت بتاعي ومكتوب باسمي
ساميه بحزن علي حال رحاب: معرفش والله يابنتي
رحاب بشر: تمام ياطنط ساميه شكرا لحضرتك انا عارفه انا هعمل ايه
ساميه: الشكر لله يابنتي والله لولا ان ولادي ولاد كنت خدتك عندي
رحاب بابتسامه: شكرا ياطنط مالوش لزوم مع السلامه
خرجت رحاب من العمارة وهي في قمه حزنها وفاقده امل رجوع البيت تاني
رحاب: يارب انت الي عارف حالي يارب يارب انا ماليش حد وبيت بابا الي كان حلتي يارب يارب يسر امري
مسحت دموعها وطلعت التلفون علشان ترن علي حد
رحاب: السلام عليكم
حفصه: وعليكم السلام
رحاب: معلشي محتجاكي ياحفصه ضروري
حفصه بخوف: مالك بس تعالي البيت عندي
رحاب: خلاص تمام ماشي سلام
... في مكان اول مره نروحه....
عند ميريانا..
ميريانا:نعم ياماما
مريم: ايه الي بتقوليه ده وراحه فين
ميريانا: انا عملت ايه دي حفصه صحبتي وانتي عارفه
مريم: اه من عارفه ومش موافقه لاهي من ديانتنا ولا من اسلوبنا ولا طبعنا مينفعش كده
ميريانا: ليه كده ياماما والله هي طيبه وجميله جدا والنقاب بتاعها جميل اوي
مريم بغضب: نقاب ايه الي حلو ميريانا فوقي لنفسك مينفعش تخوني دينك علشان صحبتك
ميريانا بزهق: ماشي ياماما يلا سلام عشان هي مستنياني.
أنت تقرأ
غيرني التزامها🦋
General Fictionقصه تحكي عن فتاه كانت سببا في هداية فتاة صديقتها بعد الله سبحانه وتعالي وكانت سببا في هداية شاب من طريق الظلمات الي طريق النور ♡♡
