زَمهريـر:خـيال عـلي
اخذني لـ وين ما عندك
انه بـ گلبي بياض هواي يِرهم سالفة لـ خدك !
وأحليك بـ سماري ولهفتي تدفيك
واوگع وين ما ودك !
وآنه كُلي حَنين و حتى اذا زعلان
من تشتاك مآ اردك !
بقيت صافنه عـلى مريم وجسمي جامد ودكات كلبي تنسمع
كد ما قويه مااعرف داتخيل لو صحيح سمعت صوته!
مريـم تأشرلي اكوم درت وجهي شفته هوه
ردت اتخربط من الرجفـه شكد بينة ممهتمه بس واضح الرجفه ووجهي الصار اصفر
كمت على حيلي وكفت كباله بعـد فراق سنه بضبط
أسمر:-نـكدر نحجي بره
باقيه على صفنتي لحـد مااجت مريم كرصتني فزيت
مـريم:روحي روز حجتها وتقربت تحجي بصوت ناصي :-خزيتينههه صخامممم قوي نفسج راح توكعين
تحمحمت واخذت كتبي وجنطتي وهوه مشى كدامي
شافني ادهم من بعيـد واجه عليه ردت الـطم
ادهم:-اهلاً ست لوزه
التفت أسمر رافع حاجبه ونزع مناظره يباوعله من فوك ليجوه
اجه تقدم يمنه وادهم مهمتله عيونه عليه واني عيوني على الاثنين
روز:-احم اهلاً
ادهم:-اختج ماكو اليوم
روز:-اي ممداومه والله وهسه مستعجله لازم نروح اشرت لـ اسمر ومشيت وهوه سحبني من ايدي ولزمها شبك اصابيعي باصبيعه
فكيت عيني من صدمه مدري من الفرح صخام الصخمنييييي كلبي ديهلل
