جبتهن بالتدرج هاي تدفع هاي
وامسايس عمر يا هاديه تهدي
الم بيهن سنه وتفلت سنه من الخيط
طشه وما نفعها تبليسي وشدي
و شماته وليل غربه وجلمه اليا حيف
يلتمن دمع ويطيحن بخدي
واحد گلت تجوه افتر عليه البين
خله الماله بيها ولملم العندي
هجم بيتج ياروحي شكد صبر عندي
عريان السيد خلف
###############
ذبني ابّير بيده وكال اكلني الذيب
ورسم للذيب صورة وجثّتي بحلگة..
وطفاني وعالجمر بچفوفه رش الماي
ورد ينفخ رمادي ويا جمر يلگه..
سمير صبيح
###############
.
العايش مختنگ ما يشتهي اِلـ بي صوت
مثل كرسي الحكم ما يشتهي الوجدان
اليساوم عالحـقيـقـة يـندفـن مــلعــون
اليـموت اعله الـكـرامـة يــندفن سلطان
#الشاعر_السيد_عبد_الخالق_المحنه
################
لا تهفيله الجمر يكبرضواه
بنادم تهفيله يتكبر عليك
ولييش بايع روحك وماقدروك
انت مو سلعه وتدور اليشتريك
الرايد يخسرك.نهر اكطف وراه
ولا تخلي امالك تخيب بشخص
وانت مو تعوازه بس وكت الفراغ
من يعوفنه يسد بيك النقص
اخذ طبع تفكه اذا عالو عليك
التفكه ماترحم بشر من تنكرص
#حمزه_الحلفي
