#البارت_الرابع
- لا اله الا الله ، الشهيد حبيب الله ....
بكر : نفتر بالساحه و شايلين اكثر من نعش رمزي لـ شهداء البارحه من ضمنهم نعش مصطفى ونهتف بـ هالهتاف و بـ رغم النعش چان خفيف بس جنت احس اكو ثكل على چتفي و كانما هموم الدنيا كلها على جتفي عفت النعش للولد ورحت كعدت بالخيمه اللي نصبوها بالليل اجة يمي ادم
ادم : تدري كم شهيد من اصدقائي راح
بكر : ليش شنو ذنبه شنو ذنب امه وخواته الماعدهن بس هذا ليش
ادم : ذنبه عراقي وذنب امه جابته بالعراق
بكر : هزيت راسي ومجاوبته
ادم : مادام تريد الوطن تحمل اللي حتشوفه اذا بقيت انت اصلا ، طبطبت على چتفه وكمت
بكر : كمت اتمشى وبرغم صوت الهتافات الينسمع عن بعد اميال بس باذني ميجي بس صوت مصطفى ياترى على حشوف كم شخص بروح كدام عيني بعد ..
———————————————————
رنا : مهرة مو مال بطولات هي العالم هسة محتاجتنا
مهرة : واني داسوي اللي العالم محتاجيه واذا دافعت على الطفله
فاطمة : بس جانت حتجي براسج الطلقة
مهرة : احنة ميتين ميتين اقلها اموت واحفظ حياتها
كرار : مهرة انتبهي تمام حافظي على حياتها جريها مو اوكفي كدامها
مهرة : هسة ليش ترزلون بية
حسام : حتة تنتبهين احنة مجايين نموت جايين نعيش ونعّيش العالم الدتموت فهمتي
مهرة : اموت اعيش مو مهم المهم راضية ضميري
رنا : ميفيد الحجي بيج تموتين يلا ترتاحين
كرار : بنات هاي متسمع كلام انتبهوا عليها انتوا
مهرة : اي جاهلة اني ينتبهون علية
حسام : عوفوها عوفوها شفتوا الحلاقين
فاطمة : ياحلاقين
حسام : شوف هاي مسوين حلاقة يم الحديقة بعد يومين حتة صالون يجيبولچن لهنا
فاطمه : ههههههه صدك والله
كرار : والله هالايام محنحتاجهم بس بعد يومين اذا طولت كعدتنا كلش نحتاجهم
فاطمة : صدكك البارحة احجولي شصار بالمطعم بابا اجة تعبان كلشي محچالنه بس كال هدوا الوضع
كرار : يمعودة لان ردنا ناخذ المطعم منهم تخبلوا وبالليل بدوا يطلقون من الجسر بس اجوي ناس مدري منين وصارت هتافات خافوا وهدؤا وجتي المواكب وكعدنا ناكل بـ امان الله
رنا : هههههههه والله اني من الخوف ماكدر اكل شي صارلنا 3 ايام باعوا شصاير بية
حسام : اتخذوا مهرة قدوة البارحة بالليل ماكلة دليمية
أنت تقرأ
الـثورة
Любовные романыامشيله خطوة ويبتعد من ابتعد يتدنَه. من اضحك دموعه تصب. من أبچي يضحك سنَه. حالة تناقض بي احس. كل الخلايا البلعقل ما كدرن يفهمنه. مروه الطائي
