هَـلي زحمـة من أعاتبكم
هَـلي المفروض حگي أنتم تردونة
هَـلي المفروض من الدنيا تكسرني
اجيكم واگعد بسدكم
هَـلي بتكم يبچوها
عليّ مترف شواربكم؟
هَـلي چا انا مو منكم !
هَـلي أحلامي الذبحتوهن يغثني
وحگ دمعي الجرة منكم
أموت وما أسـ...
أحبكم راح أسامحكم..
_رُسل فَهد
حسيت فترت الدنيا بية من سمعت صوت رجال جبييير بالعمر مو عمرة خمسين ولا ستين هذا رجال بلكوة ينطق الكلمة رجال جبييير بقيت ارجف رجيف
رجعت الكرسي كعدت والنسوان بعدهن بنفس صفنة وبنفس النظرة
شوية وكالوا راح يجي العريس دخل علية رجال يطلع عمرة بـ70سنة بلكوة يجر نفسة وع كرسي متحرك
جحضت عيوني حسيت راح يطلعن من مكانهن ماتوقعت عمي يبيعني طلع بايعني بيييع شنو ذنبي شلون هيج زين وصية أبوي وين راحت
دمعتي جمدت بعيني احس صارت عيوني تطلع منها نار ما اكدر حتى اغمض
دخل وكعدوا يمي زين هذا شلون رضى بية شلون اله نفس يزوج وحدة بكد حفيدتة لبسني واني احس نفسي شوية واتقيئ لا مو احس راح اتقيئ احتاج حمام اشرت الشهلاء تأخذني الحمام اغسل كومتني ورحت بملابسي كمت اشمر ع ملابسي وع وجهي مي مثل الخبلةاريد بس ارتاح وتروح مني الخنكة ولج شفتي أبوج شسوة بيه شفتي
شهلاء :كافي حبيبتي كافي راح تموتين نفسج اهدي حسبي الله ونعم الوكيل كافي لا تموتين نفسج
:وإذا متت اني اريد اموت اريد الحك اهلي ولا هذا الضيم الي عايشتة جيبلي ملابسي اريد اغسل وأسبح واصلي
غسلت وجابتهن الي سبحت ونشفت وطلعت اصلي واني اصلي عيوني مابطلت من البجي
اريد بس اباوع ع مكاني ما اكدر عيوني غوشن من دموع بقيت ابجي وادعي ربي يصبّرني
؛اللهي مالي غيرك عيني ع مصيبتي ربي اني يتيمة وما اعرف شنو معنى حنان الأب او الأم تربيت ع قسوة مرة عم وعم ظالمين
يارب ريح كلبي ولا تعوفني بقيت أبجي ع سجادة انتيهت واني ابجي نمت.ع سجادة وفزيت ساعة بـ12
حسيت حلكي يابس رحت اشرب مي واني اشرب مي كمزت من المرأة هاي شدسوي هنا مو ع اساس يرحن
ناهدة:شلون صرتي حبيبة
نيران : يعني شلون صرت مثلاً
ناهدة :الله شاهد احنة معلينة ولا اني راضية ولا أبوي راضي بس عمج هو الي توسل بحجة بنية يتيمة وهي صغيرة تفيدك وتفيد كبرتك وتخلفلك وتربي جهالك
يعني انتِ بنتة زين ليش ماحجيتي ليش ما رفضتوا
ناهدة :ماعبالنا انتِ ماتعرفين كل ظنة تعرفين ومن شفتج وشفت شلون صغيرة رحت وكلتلهم ماتصير وسويت فلك ماقبلت لان اني هم عندي بنية وماممكن اقبل يصير بيها هيج واخاف من حوبتج
YOU ARE READING
الجلاد
Romanceشخصاً من دون رحمة جلاد سفاح تقع بين ايدية فتاة قد جار عليها الزمان وثقلت عليها الاحزان لتكون هي الضحية الأخيرة ياترى هل سنتنصر تلك الضحية وتستطيع الهروب تابعوني أنا الكاتبة زمردة
