ظلام الجُهل

بارت الثاني

الگاتبة رياحين علي🌿

ضَلام الجُهل

هلي ومو سهله للينگاد خسران
هلي اكثر من زعلكم گلبي تعبان

___________________

رياحين: صحيت من تفكيري على صوت علي يبجي بصوت كُلش عالي

طبيت مخروعه للغرفه وشفته بحضن امي تسكته
وفرح تبجي
اخذته من حضن امي بسرعه واشوفه غاص بجي
شفايفه صارن زرك

مروه: رياحين جيبي عبايتي بسررعه خلي ناخذه للمستشفى لااا يمووت

رياحين: ماماا انتِ ما تكدرين تمشين خلي اني اروح فدوه
ابقي يم فرح انتِ اني رايحه

اعترضت وما قبلت كوه قنعتها طلعت ركض لبيت ابو محمد جيرانه عدهم تكسي حتى ياخذنا لمن شغل السياره اني جبت علي ولبست عبايتي بسرعه
وعلي صار يجر النفس كون

لما وصلنا للمستشفى بالف يا علي طلعنا بسرعه الطوارئ اخذو وخلو على السديه انخبصو بي صارو يسووله انعاش يدوي حتى يكدر يجر النفس
واني ميته بجي اخاف اخسره ما عندي غيره جنت دائما اكول لنفسي لما يكبر علي هوا الراح يصرف علينها ويصيرلنا سند
ما جنت اعرف شمكتوب النه بالايام الجايه..

ابو محمد: لا تخافين بنتي ما بي شي أن شاء اللّٰه
انتِ بس ادعيله ما عليه شي

رياحين: عمو هاذا اخويه جنت اطلع للمدرسه الصبح وللضهر ارجع للبيت گلبي ملهوف عليه اسبحه واغسله اوكله بيدي بعد ما اكدر احجي واني اشهك بجي

الدكتور: لا تخافون استقر وضحه

رياحين: دكتور شصايرله؟

الدكتور: اختنك لمده طويله وين جنتو معقوله ما حسيتو عليه

رياحين: اا اني نومته وطلعت ما جنت ادري راح يصيرله شي دكتور الله عليك متأكد مابي شي

الدكتور: مابي شي والله بس شويه يحتاج راحه لان هوا طفله واختنك لمده طويله

رياحين: يعني نكدر ناخذه للبيت؟

الدكتور: لا انطينه اوكسجين بعد ساعه اذا استعدل حالته وصار احسن تكدرون تطلعون

ابو محمد: تسلم دكتور ما قصر ممنون منكم اني

الدكتور: واجبنا هاذا عمو

رياحين: اباوعله من الشباك مال الباب گلبي يتگطع عليه متت بجي واني اشوفه شلون هوا بعمره الصغير ومخليله اوكسجين

يتبع!