💮မူးယစ်ခေါင်းဆောင်ရဲ့တရားဝင်မိန်းမ💮ဒုတွဲ
(Unicode)
(အခန်း၅)
တစ်ကိုယ်လုံးမွှေးကြိုင်နေသည်မို့
ယူရီခေါင်းများပင် မူးနောက်လာရသည်။
ယူရီကြည့်မိတော့ မိုးထိကမ်းနားဆီမှလာသော
အမွှေးရနံ့များပင်။
အနက်ရောင်အနောက်တိုင်းဝတ်စုံကို
ဝတ်ဆင်ထားသည့် မိုးထိကမ်းနားဟာ
သိပ်ကိုကြည့်ကောင်း၍ခန့်ညားလှသည်။
သူ၏ဆံပင်ရှည်များကိုလှန်စီးထား၍
မျက်နှာဟာပြောင်ရှင်းချောမွေ့နေသည်။
"ဘယ်လဲ မိုးထိကမ်းနား!!.."
ယူရီမေးလိုက်တော့ သူ့ခြေလှမ်းများ
ရပ်သွားရင်း လှည့်ကြည့်လာသည်။
"အပြင်သွားမလို့..ဘာလုပ်ဖို့လဲ"
"ဒါလေးတောင်မေးခွင့်မရှိဘူးလား.."
"အေး မရှိဘူး မမေးနဲ့..."
စကားအကောင်းမပြောသောသူ့ကြောင့်
ယူရီဒေါသများသာဖြစ်လာရသည်။
သူကတော့ ကျော့မော့နေအောင်ပြင်၍
ယူရီ့ကိုဂရုမစိုက်စွာထွက်သွားလေသည်။
ယူရီ သူ့နောက်သို့ လိုက်ရန်ဆုံးဖြတ်
လိုက်လေသည်။
*
*
မိုးထိကမ်းနားရဲ့ကားက ဟိုတယ်တစ်ခုရှေ့
ရပ်သွားလေသည်။ကားပေါ်မှဆင်း၍
ဟိုတယ်ရှေ့မှာ စီးကရက်ကို မီးညှိဖွာရှိုက်ကာ
တစ်ယောက်ယောက်ကို စောင့်နေလေသည်။
ခဏအကြာမှာတော့ အနက်ရောင်ကား
တစ်စီးရောက်လာကာ ကားပေါ်မှ
ရွှေအိုရောင်ဆံနွယ်နဲ့အမျိုးသမီး
တစ်ဦးဆင်းလာသည်။
ကျောပေးလျှက်ထားအနေထားဖြင့်သာ
ဟိုတယ်အတွင်းထဲဝင်သွားသည်မို့
မျက်နှာကိုသေချာမမြင်လိုက်ရပေ။
ယူရီ ကားပေါ်မှအမြန်ဆင်း၍ ထိုဟိုတယ်
အတွင်းထဲသို့ လိုက်ဝင်ခဲ့လေသည်။
"အခန်းယူမလို့လားရှင့်.."
ယူရီကောင်တာမှဝန်ထမ်းဆီသို့
အသင့်ယူလာသည့်သေနတ်ဖြင့်
ချိန်ရွယ်လိုက်သည်။
"ဟင်!!.."
"အသက်မသေချင်ရင် ခုနကဝင်သွားတဲ့
အတွဲရဲ့အခန်းနံပါတ်ပေးလိုက်"
ESTÁS LEYENDO
မူးယစ်ခေါင်းဆောင်ရဲ့တရားဝင်မိန်းမ{Season 1+2}စဆုံး
Romance"ဖွဲ့နွှဲ့မမှီဆိုတဲ့မင်းကို ငါပဲထိမယ် ငါပဲကိုင်မယ် ငါပဲရိုက်မယ် ငါပဲနှိပ်စက်မယ် ငါပဲချစ်မယ်" "အောက်တန်းစားလူယုတ်မာ" "အဲ့အောက်တန်းစားက မင်းလင်လေ"
