البهلولة والزواج

البهلولة والزواج #1#

علمني حبها.........
علمني حبها أن اتصرف كمراهق مجنون ......
لقد إحتلني حبها من حيث لا يبصرون .......
بعثرت فيني كل الضنون .......
فغديت رجلا قاسي ولكن بقلب حنون .......
إخترقت كل قاعدة و قانون .......
أيقظت فيني ذلك الإحساس المدفون ........
إحساس عاشق مهوس مجنون .......
بالمشاعر مشحون........
بقلم........RH........🥰

♕♕♕♕♕♕♕♕♕♕♕♕♕♕♕♕♕♕♕♕

كانت راقدة 😴في سابع نومة 💤 شعرها طالع فالسماء و الرجلين كل وحدة في جيهة 😅 لغطى طيح فاللرض الحالة حالة 😪......
كانت تستحلا الرقدة و كأنو عندها شي سمانة مرقدتش.......
ما حاسة بحتى حاجة .......طبعا بعد ما قررت متروحش تقرا و تكمل نهارها اكل رقاد × رقاد
ولكن دائما ما تسير الرياح بما لا تشتهي السفن
بدات تفطن على صوت دراري يلعبو برا .....
مقدرتش تصبر ناضت طلت عليهم و شعرها مكرفص و واقف فالسما 👹و عينيها 👀 عين محلول و عين مقفولة🤪😝 .....
: أسمع منك ليه أمشيو قودو منا اجدكم منك ليه محلالتكم الدبازة غير تحت دارنا متحشموش على صباح ربي أتفووو عليكم ألقرودا 🦧 متخليو الناس ما يرقدوا 😡😡😤 ......
طلعو ادراري راسهم و خزرو فيها و طرطقو بالضحك😁🤣😂 على شعرها و كفاش كانت تهدر بعين مغمضة و عين محلولة 🤪🥱
واحد من ادراري🫤 : واش من رقد ربي يهديك و راهي 12 ونص الظهر راح يأذن و نتي ..
مكملش كلامو حتى جاه البشماق الوري 👡 في وصت رسو 😱
: بلع فمك 🤬و تحركو من قدام الباب و لا ننزل نكرفص كاش واح فيكم👿 أيا أيا طيرو قودو مانا 😾 ....
مشاو يجريو من ثم PSQ يعرفوها مليح و يعرفوا واش تقدر دير يعرفوها لعقل ماكانش و يعني للحق و على حساب أشوفا إبالي ماعندهاش اصلا 😆....
ولات لفراشها و رمات روحها و عاودت غطست فنومها كثر من لمرا لولة💤 ....
بعد ما زادت رقدت وحد زوج سوايع
دخلت عليها ختها الصغيرة تجري و حلت ريدوات حتان ضربتها الشمس🌞 في عينيها 👀 هزت غزلان لمخدة وغطات بيها وجهها :
- ردي ردي .... و ردي الريدوات أ لخرى💩 خليني نرقد يعطيك غمة
: غزلان.... غزلان🙂☺️ نوضي.... و نوضي اخاه عيب عليك اي 3 تاع لعشية ابن عمي و نتي مازالتي خامرة هنا بابا مسكين من الصباح يسقسي عليك...... واي نوضي ادابة الارض 🌏 ...... نوضي.... أغزلان ... غزلان
كانت إتحرك فيها بصح هي ضك في أ لا حياة 😴🤤😪لمن تنادي 🗣 راقدت وما علابالهاش لي يشوفها 👀 يقول ميتة 🤨 مشي راقدة 😴
ليلى 😒🙄 : أوووف يعني ما راحش تنوضي نتي اوجه البقة ضك اه .... اووووف... غزلان نوضي.. غزلان..... ايهيه ألالة ...... ماعليش نتي لي قلبتي عليها ....... نتي عمرك تترباي اختي و عمرك تعدلي ذيلك هذاك لي مداير كي ذيل الكلب🐕 نتي نعرفك محال توضتي بلكلمة مليحة كي عباد ربي العالمين لازملك تنوضي بطبال او زرناجية ولا ما تحلالكش.... و غزلان اوجه الهم اني نحكي معاك نوضي. ...... غزلان ... اه يعني هك ما عليش.......
خزرت فيها بمكر😏 و إبتسامة خبيثة مرسومة على وجها 😌
و جبدت التيل تاعها 📱 تخرب فيه بعد ما راحت و جاب لباف و شعلاتو و دخلاتو تحت سرير 🛌 غزلان ( الباف تاع بلوتوث) و قعدت تخرب فالتيلي 📱 تاعها حتان لقات لي كانن تحوس عليه و راحت تجري جابت طاس🍺 تاع ما 💦 بارد اڨلاص و وقفت قدام السرير تاع غزلان متباسما الابتسامة الشيطانية 😈 تاع كل اخت جزائرية لإمة .....
و في لحظة هك طلع صوت قوي و عالي فالباف صوت إيخلع صوت عياط وضحك في نفس الوقت أصوت هذاك لي يستعملوه في افلام الرعب و كما كان الحال معا طلع هذاك الصوت فالباف💥 طلعت معاه روح غزلان😱 ألي ماتت بلخلعة و وقفت فوق السرير 🛌 مشوكية و مخلوعة قلبها قريب راح يحبس
وجهها ولى صفر من و حتى النفس راحلها
وهي في هذيك ألحالة لمبهدلة تعها اشعر هذالك لي واقف فالسما لي يشوفو يقول ظرباتها تريستي 👹 و عينيها الزورق لكبار هذوك لمنفحين والخارجين من الشوك و الخلعة 😸😹 و ما نحكيوش على هذيك لبيجامة لي طالعة ل.... 🙈 ألمهم حالتها حالة و ميتا بالخلعة😱😰😨 ..... بدات تعيط بأقصى صوتها
غزلان ( بلعياط) 😱 : اااااااااااااااااااع
اماااااااااااما...... اهيييي اهي ماااااماااااااا
اااااااا أسطار..... أسطار...... وسطر ااااا لجنون...لجنون... أعوذ..... أعوذ بالله...... اللهم اللهم أنتم السابقون و نحن اللحقون......ااااااااااااااااااا ععع أبابااااااا.... بابااااا..... الحاج كمال و وراك........ أ الحاجة نعيمة اجري ليا ااااااماماااااااا ياربي ياحبيبي حفيظني حفيطني و نتوب ياربي ولله ما نزيد نسرق عمي حسين من لحانوت ولا نمنشر فالناس معا هذيك الكلبه علجية ااااااهييي ااااهي اااااما ماااااا🗣 ......
ماكملتش ندب و لعيط تاعها😱😫 حتى بزعت عليها ليلى أطاس هذاك تاع الما💦 البارد 😦 لي كانت موجداتو من قبل 😈
و تشهق غزلان واحد الشهقة أسطورية ثلاثية الابعاد 😟😱
غزلان ( بلعياط) : ااااااااااااااااااااااااااعععع اايما فيظاااااااان
أما ليلى فطرطقت بضحك 😆🤣😂
ليلى 😂🤣 : هههههه كفاش نضتي ههههههههه
ما كي تشبهي لوالو كي يا لغولة 👻 اخاه لي يشوفك يتصرع😱 أربي أربي صبرني على ما بليتني 😣 اربي على هذ البايرة لي طالعتلي فالزهر نتي باينا راح تقعيدلي هنايا فوق راسي لعمر كامل و واحد ما راح ايجي يزوجك و يهنيني منك اربي انتي البهلول تاع الحومة ويحشم يشوف في فوڨيرتك المرڨة هذيك اععععع اربي اربي