في الصباح سمعوا صوت طرق علي الباب
قامت حور بتعب وكانت ستفتح الباب ولكن جذبها فهد
فهد بحده/انتي غبيه هاتفتحي الباب بلبسك دا و المخده واللحاف اللي علي الكنبة دا عايزانا نتفضح يعني
حور بإرتباك /ما أخدتش بالي
فهد بزهق/روحي بسرعه شيلي المخده واللحاف وادخلي الحمام
ثم ذهبت حور وبعد قليل فتح فهد الباب
صفاء بحقد/اي يا عريس هانجعد اليوم كلو عشان تفتح الباب
فهد بإستفزاز/ واحد ومراتو هانكون بنعمل اي يعني م شايفه ان دي قلة زوق يا عمتي انك تفضلي واقفه ع الباب طالما ما ردتش من اول مره
صفاء /ولد احترم حالك واتعلم تتكلم ويا عمتك زين
فهد/والله يا عمتي ماعرفش مين فينا اللي م محترم جايه وبتخبطي علي عريس في صباحيتوا الساعه 7 الصبح هو مش المفروض ماتزعجوناش
صفاء/معلش يا عريس بس عايزين السنيوره تنزل تساعدنا تحت في المطبخ عشان مابنعرفش نفطر غير لما تسويلنا الفطار هيا
فهد بعصبيه / وانتي مفكره ان هاخلي مراتي تشتغل عندكوا ولا اي فوقي يا عمتي انا قاعد هنا بس عشان خاطر جدي شغل العبط اللي كان بيحصل زمان دا يتنسي مش حرم فهد البارودي اللي تنزل يوم صباحيتها تعمل لحضراتكوا طفح او تشيل حتي معلقه من مكانها
صفاء / ولد انت جليل الربايه كيف بترد علي عمتك بالاسلوب دا
سمع الجد وكل من بالقصر الاصوات العاليه ثم تجمعوا
الجد وهو يضرب العكاز بعصبيه / في اي يا صفيه اي اللي بيحصل اهنه
صفاء بخوف/ل ل لا يا بويا حصل سوء تفاهم بس
فهد /لا يا جدي عمتي جيالي الساعه 7 الصبح تقولي هاتلي السنيوره عشان تنزل تعمل الفطار بدل ماتعمل الفطار هي وتطلعوا فوق واحنا عرسان جداد
الجد بعصبيه/ صفاء الكلام دا صوح
لم تقوي صفاء علي النطق فتأكد الجد ان كلام فهد صحيح
الجد/معلش يا ولدي ازعجناك اجعد انت ومرتك و الفطار و الغدا و العشا هايطلع لعندك فوج وانا ليا كلام تاني مع صفاء ادخل واجفل جناحكم زين عشان ماحدش يدخل تاني اهنه
فهد وهو يمسك يد جده ويقبلها /تسلم يا جدي
ثم انصرف الجميع
وبعد أن أغلق فهد الباب خرجت حور من الحمام وهي تضع يدها علي قلبها
حور /لي المشاكل دي علي الصبح كان فيها اي انزل اعمل. الفطار بدون مشاكل
فهد بعصبيه/أنتي غبيه صح فطار مين اللي تعملية انا مراتي ما خدامه لحد وطالما اسمك ارتبط ب إسمي يبقا كلامي اللي يتسمع انتي هنا الهانم وبس
حور بعصبيه /انت كل شوية زعيق زعيق زعيق ومشاكل علي اتفه الاسباب احنا لسا متجوزين امبارح باقي حياتي هاتبقا معاك عامله اذاي بالهباب دا
فهد مسكها من شعرها بقوه/ صوتك دا مايعلاش تاني مش حرمه اللي ترفع صوتها علي فهد البارودي لسا ماتخلقتش ثم رماها علي السرير وخرج الي الصالون الموجود بالجناح وجلس يدخن بعصبيه
______________________________
الجد/زودتيها جوي يا صفاء مفيش كلام اهنه بيتسمع
صفاء/حجك علي يا بوي كنت مفكراها هاتنزل تعمل معانا الفطور زي كل يوم
الجد/ دي عروسه يا صفاء في عروسه بتنزل تعمل فطار في صباحيتها
صفاء/اسفه يا بوي والله بدون جصد
الجد /أخفي من وشي يا صفاء
ركضت صفاء مسرعه الي خارج الصالون
الجد/عاصم
عاصم /نعم يا بوي
الجد/ سيب الشركات ل فهد وامسك الشغل مع محمد بتاع الاراضي و المزارع لسا حافظ نصيبك محدش جرب منيه
عاصم/لي يا بوي بس انا ماتعبتش فيهم مش هاقدر اقبلهم
الجد/لا محمد كان بيشتغلك فيهم ومحافظ عليهم عشان لما ترجع
عاصم نظر الي محمد/بس دا مش تعبي دا تعب محمد
محمد بإبتسامه /و احنا م واحد يعني يا خوي كدا تزعلني منيك
عاصم /بس دا حقك يا محمد مش حقي اسف
محمد/ لا دا حجك يا خوي وهايفضل طول العمر حجك ومحدش كان هايجرب منيه مش هاجدر اجبلوا صاحب الحاجه رجع يبجي تستلم شغلك
شكر عاصم محمد ثم ضمه بحب اخوي و ابتسم الجد علي محبتهم التي ما زالت موجوده
_____________________________________
فتحية /والله الدار بجالو حس من ساعة ماجيتي يا ست آيه
ايه بضحك/ لسا بكاشه زي ما انتي يا فتحية مابتتغيريش
فتحية /انتي عارفه يا ست آيه اني مابحبش اهنه حد جدك
ايه / و انا بعزك والله يا فتحية صح بنتك اتجوزت ولا لسا
فتحية /اه اتجوزت و اتطلجت البت بتي من عيشتها في الجصر خربت اتعودت علي حياة الاغنياء و ما عمرتش مع جوزها والله تعبت منيها
ايه/معلش يا فتحية استحمليها عيلة هاتعجل بس شوية كدا
فتحية/صوح فهد اتغير كدا لي
اية/والله يا فتحية تعبت معاه اوي مش متقبل العيله لسا وحاطت في دماغوا موت اخوه مش مقتنع ان دا قضاء الله وقدرة و ان ربنا اخد امانتو
فتحية /اعزرية يا ست آيه حجوا يفضل زعلان وشايل في نفسوا الموضوع مش سهل
ايه/ الحمدلله علي كل حال ربنا يهدية بس
ثم جاءت ملاك الي المطبخ
ملاك / اي دا مرات عموا السكر هنا
ايه بضحك /انتي اللي سكر يا صغنن
ملاك /والله انتي اللي مزه اوي م باين عليكي العمر يا قمر انتي
ايه بضحك/ انتي فظيعه عرفتي الكلام دا منين
ملاك/ وه هو انتو ما بتتكلموا اكده في القاهرة
ايه/ اثبتي علي لهجه صعيدي ولا حضر
ملاك/ الاتنين يا سكر انتي
ايه وهي تبوس خدودها /انتي اللي سكر وفرولايه كمان
ملاك / اي دا اي دا بتعرفي تعاكسي كمان يا قمر انتي انا بقول العسل دا كلو خساره في عمي
عاصم / بقا كدا يا صغنن
ملاك/كنت لسا بشكر فيك وبقولها يا بختك ب عمي العسل ابو غمازه دا
عاصم بضحك / طالعه لمضه لمين يا اوزعه
ملاك/ خلقة ربنا
عاصم بضحك/ لا انتي مشكله
ملاك / اطير انا يا عمي يا سكر انت يا بو غمازات عسل زيك كدا انت و المزه اللي معاك
عاصم/اي دا كلو
ايه/عسل اوي
عاصم/ يلا يا يويو جهزوا الفطور عشان ابوي ياخود الدوا
ايه /ماشي حالا
ثم جهزو الفطور و فطرو و صعدوا الي فهد وحور الفطور
______________________________________
كانت صنية الفطور موضوعه علي السفره التي توجد بصالون الجناح
دق فهد علي باب الغرفه ولم يجد رد/ ثم فتح الباب و وجدها نائمة ك الملاك و واضح عليها اثر البكاء اقترب منها وظل يتأمل ملامحها الطفوليه ثم مرر يده علي خدها الوردي ثم الي شفتاها الكرزتين ثم اقترب منها ليطبع قبلة رقيقه علي شفتيها ثم استفاق بسرعه عندما وجدها تحرك رأسها ثم قامت بفتح عيونها ببطئ
فهد بحده وهو يدير وجه /يلا الفطور موجود ثم خرج من الغرفه وهو يلعن نفسه كان سيضعف امامها كان يلعن نفسه لماذا لم يتحكم بنفسه
اهدي. يا فهد انت هنا عشان تنتقم وبس ومش عشان تحبها خلص اللي جيت علشانوا وبس ماتفكرش في حاجه تاني اقنع نفسو بذلك
ثم خرجت حور وهي ترتدي.......................... يتبع
______________________________________
شيفاكي ياللي قرأتي من غير ما تضغطي علي النجمه اللي تحت ولا حتي كتبتي كومنت تقدرو تعبي بيه
💔😔 عشان تشجعوني اكمل
أنت تقرأ
حور الصعيد
General Fictionحور هي أبنه لطيفة جداً و بـ برائتها سيخضع لها ذلك الجبل الذي لا يهزه ريح ولا عواصف
