في ثغره الذئب ( الجزء الثاني)

البارت _ الاول

بسم الله الرحمان الرحيم

وصلى الله على نبيه وآله بيته الطيبين الطاهرين

_____________________________________

سيلين :- كعدت واني احس لساني ثكيل وافتح عيوني بثقل وي وين اني اتخله ايد ع راسي وكال بهدوء اشش يروحه لذيب انتي بل المستشفى  بس يخلص المغذي نروح للبيت

_ رديت غمضت عيوني واحس الدنيا بعدها تفتر ع راسي متت من الريحه شوي واجت الدكتورة فتحت عيوني وكالت الف الحمدلله على سلامتج حبيبتي والحمدالله على سلامه الجنين مابي شي بس شوي نزل منج دم ولازم تنتبهين لنفسج وخلت ايدها ع راسي ومسدت بكل حنيه نزلن دموعي وذكرت شصار لزمت الجرجف بقوة وكزيت ع سنوني ردت اكعد ماخلتني كالت لا ماما لازم تبقين مستلقيه حتى نفحصج ونشوف وضع الجنين باوعت لعلي وكالت ممكن تنتضر برا هوه هز براسه بحركه سريعه وكال تمام

علي  :- فدوة دكتورة مو مهم الجنين المهم مرتي

الدكتورة  :- لا تخاف اخي الحمدلله ثنينهم اجاوزو وضع الخطر وهسه بس خل نطمن اذا مامحتاجه تبقه بل المستشفى حتى نطلعها

سيلين  :- محروك گلبي على ابني شلون رح يعيش بهيج بيئه بقيت ابجي بسكوت راح الافندي طلع بقينه اني والدكتورة كالت ماما انتي بخير كلت اي بألم بس احس رح اولد فتحت عيونها على وسع شتحجين كلت والله ألم ببطني مو طبيعي كالت لا دقيقه فحصتني وكالت حالاً عمليه لأن هيج جاي نخسر الطفل خليت ايدي ع بطني وكلت فدوة كلشي ولا طفلي كالت لا تخافين لزمت ايدها وكلت اذا ميته اني مو مهم المهم الطفل طبطت ع ايدي وكالت لا ماما لا تخافين مراح يصير شي كوني قويه

_ طلعت الدكتورة ركض شوي واجه علي وجهه مصفر كال صدك الي حجته الدكتورة ماحجيت شي رد كلي فدوة لاتشلعين گلبي وابو فاضل بالي يمج لاتخلين گلبي بنار كتله واني كازه ع سنوني گلبك بنار عليه لو على هذيج البنيه روحلها مااريد منك

علي  :- علي اعرف غلطان بس هسه مو وكته سيلين هسه انتي والي بطنج لاتخليني انقهر اكثر

سيلين   :- ماحجيت شي بس دموعي تكت راد يخلي ايده ع بطني دفعته بقوه وكلت اياك تمد ايدك هاذه ابني اني مو ابنك ابنك ببطن غير وحده روح داريها وصحت بعلو صوتي وكام الألم يتزايد بيه وكمت اعيط من الألم خمس دقايق وعلي فوك راسي يحاول يهدني واني مااهده جو دكتورتين ويه ممرضات وكالو هسه نفوتها لغرفه العمليه علي تخبل كالو لازم توقع ع الاوراق طلعوني ع السديه وعلي يركض وراهم متخبل عليه مااهتميت اله بس جاي اتوجع كلش وصلنه لصاله العمليه قبل لا يدخلوني كلت لعلي اذا صار بيه شي ابني امانه يمك بس تسلمه لعمتي وبعد ماعليك بي خلي هوه يعيش مرتاح

علي  :- كافي سيلين لخاطر ربج والله بعد مابيه حيل لاتسوين هيج بيه نزلن دموعي

سيلين  :- سيلين درت وجهي عنه ودخلوني لغرفه العمليات ونقلوني من السديه على سديه العمليه وخلو على حلكي الاُ كسجين ذكرت ماما مره سوت عمليه وسألتها ماما من خللوج الاُ كسجين شنو اذكرتي او شنو حجيتي قبل لا تنخدرين كالت اتشاهدت واذكرتكم ونمت ماحسيت واني اليوم مثلها اذكرتهم هيه وبابا واخويه وبيبي وعمو اتشاهدت واني ابجي وكلت ياريت لو اجي يمكم