في ثغره الذئب ( الجزء الثاني)

البارت _ الثاني

بسم الله الرحمان الرحيم

وصلى الله على مُحمد وآل بيته الطيبين الطاهرين

______________________________________

// معكم الگاتبه سيرين محمد //

ــــــــــــــــــــــــــــــــــــــــــــــــــــــــــــــــــــــــــــــــــ

سيلين  :- كعدت من النوم وشفت نفسي بل البيت بس بيت منو مااعرف بس الغرفه كلش حلوة وكمت التفت يمين يسار حسيت بألم ببطني خياط العمليه توجعني كلش مااكدر اتحرك ذكرت ابني مشتاقتله اريد اخذه لحضني واشمه بقيت بمكاني وافكر بملامح وجه ابتسامه على وجع لنص ساعه وانفتح الباب التفت شفت عمه ام علي جت وهيه فرحانه كلش وكامت تهلي بيه ردت اكعد كالت لا يمه بعده جرحج خضره لا تتحركين

ام علي  :- يهلا بيج يمه نور البيت بوجودج بنيتي

سيلين  :- اشكرج عمه

ام علي  :- ترا ازعل منج شنو هاي اشكرج هاذه بيتج واني امج ياامي انتي

سيلين  :- يروحي عمه تسلمين بس عمه سؤال

ام علي  :- اي أمي سئلي بنتي

سيلين  :- بيت منو هاذه وغرفه منو هاي

ام علي  :- يمه هاذه بيتنه وهاي غرفه ذيب يعني غرفه زوجج يمه وخل اكلج شغله بعد عمج يكول بعد مانخليهم يروحون مكان يعني تبقين ويانه حتى نبقه نطمن عليج وتبقين جوا نضرنه

سيلين  :- لزمني مغص خوف من حجت هيج يعني من سجن جيت لسجن ثاني يربي شسوي شلون ورطه هاي لا نوب بغرفته اني وعلى جربايته بقيت صافنه وعمه تحجي وياي وبلا وعي اكللها اي اخير شي كالت يمه انتي بخير انداريت عليها كلت ها

ام علي  :- يمه بيج شي يوجعج مكان اذا بيج شي كليلي حتى انزل جوا واصيح عمج نوديج لطبيب

سيلين  :- لا عمه لا يضل بالج جنت شارده شوي بس

ام علي  :- اي يمه براحتج هسه نازله جوا علمود اجيب عشاج لازم تاكلين حتى تكومين بسلامه وخل اشوف علي جاب الطفل

سيلين  :- اي عمه وفدوة اذا جايب الطفل كليلي

ام علي  :- حاضر يمه بعيوني تامرين امر امي انتي

سيلين  :- كامت عمه من يمي وباستني من راسي وطلعت فرحت كلش بيها وفرحت رح يجي ابني يمي ويبقه يمي واشوفه واخلي بحضني واناغي
جريت حسره وغمضت عيوني شوي وانفتح الباب عبالي عمه فتحت عيوني فرحانه وكلت ها بشري عمه اجه ابني وجان اشوف علي كمزت من الخوف وعطت يما بطني