اغَــرابٍـ و جــِمــعــنْــا الــلـَـيــل .

الجزء 1

في ليلة من الليالي كانت العوائل الثلاث جالسين و يضحكون و مبسوطين ، فجأة تعب الجد مساعد عند عائلة ابو عمر

ابو عمر : يبا يبا قوم يا صالح روح ججيبب السيارهه ولا دق على الاسعاافف بسرعهه / يصرخ و متوتر و بين يديه ابوه المغمي ~

صالح : ابشر ابشر يبا / يركض لبرا الغرفه و يجهز السياره ~

و بعدها بكم دقيقه يتصل ابو عمر على العائلتين ، لـ عائلة ابو خالد و لـ عائلة ابو الجوهره

~ يرن الجوال ~
ابو الجوهره : الو يا اخوي آمرني
ابو عمر : السلام عليكم يا اخوي
ابو الجوهره : و عليكم السلام آمرني يبو عمر
ابو عمر : اخوي انا ابيك تجي للقريه ضروري ابوي تعب مره و قال انه يبي يشوف كل عياله و احفاده و انا و عائلتي عنده و عائلة نايف على وصول
ابو الجوهره : لا حول ولا قوة الا بالله ابشر ابشر جايين

* في بيت ابو خالد *

~ يرن الجوال ~

ابو خالد : الو السلام عليكم
ابو عمر : وعليكم السلام
ابو خالد : امرني يخوي بغيت شي
ابو عمر : ولله يا اخوي انا بالمستشفى و ابيك تجي عندي الان
ابو خالد : ليش سلامات صارلك شي
ابوعمر : لا ولله انا ما فيني شي بس ابوك تعبان و طلب مني اجمع كل بناته و عياله و ترا اشرف على وصول
ابو خالد : لا اله الا الله ، لا اله الا الله ، ابشر يا اخوي نص ساعة و انا عندك لا تشيل هم ، يلا في امان الله
ابو عمر : في امان الله .

* في بيت ابو الجوهره *

~ يدخل الصاله على بناته و امهم ~

ابوالجوهره : يلا يا بنات ابيكم تجهزون نفسكم بنتحرك الان للديره
الجوهره : الله بنروح نشوف بنات عمي نايف حمااسس
ام الجوهره : و انت الله يهديك يا اشرف ما تتكلم الا باخرة الليول
نايا : الله يا ابوي انا معك و نروح نشوف الجن الي ورا الجبل
ابو الجوهره : يبنات انا ماني موديكم سياحة ولا تمشيه ولا تقضاية عطله ، بيني و بينكم ابوي تعب و طلب انه يشوفنا كلنا عشان كذا تعالو كلكم و بلاها كثر الكلام

~ تتنهد ام الجوهره و يروحون البنات يرتبون شنطهم متحمسين ~

* في المستشفى بعد وصول العائلتين *