الصلاة 😇🤍

السلام عليكم ♥

هنتكلم عن اهمية الصلاة و اتمنى من كل قلبى تستفيدوا ♥

ـــــــــــــــــــــــــــــــــــــــــــــــــــــــــــــــــــــــــــــــــــــــــ

مبدإيا كدة يا جماعة الصلاة ده هى اهم حاجة فى الدنيا

حرفيا انت من غيرها ضايع

ده حقيقة فعلا انت من غير الصلاة ولا حاجة.

خلينا متفقين ان مفيش حاجة ربنا هيفرضها علينا غير لما تكون فى صالحنا

طيب هو ليه ربنا فرض اصلا علينا الصلاة؟

بص يا عم ... الصلاة ده فيها كل حاجة

يعنى ايه فيها كل حاجة؟

فيها ذكر الله و فيها قراءة قرآن و فيها خشوعك و خضوعك لله عز و جل

يعنى انت لما بتصلى بتبين اد ايه انت ضعيف ادام ربنا و طبعا ده الحقيقة كلنا مهما عِلينا و مهما روحنا و جينا بس فى الآخر احنا ضعاف جدا ادام ربنا

طب ازاى انت بتبين انك ضعيف

عارف الناس اللى هى مغرورة بنقول عليهم ايه ... بنقول دول رافعين مناخيرهم للسما مش كدة؟

احنا بقى لما بنصلى مناخيرك و وشك اللى هما اعلى حاجة فى جسمك اصلا لما بتيجى تسجد هتنزلهم للارض

شوفت يعنى انت بعد ما كانوا اعلى حاجة فى جسمك جيت لما وقفت ادام ربنا نزلتهم للارض و ده يدل على ضعفنا ادام ربنا

ده كفاية ان الصلاة ركن من اركان الاسلام

يعنى انت لو مش بتصلى تبقى فى مصيبة

معنى كدة انك اسقطت ركن من اركان الاسلام و طبعا معنى كدة انك مش مسلم

سيدنا محمد صلّ الله عليه وسلم قال:( العهد بيننا و بينهم الصلاة)

يا ترى اشرف الخلق هنا كان يقصد ايه؟

يقصد ان الفرق بينا احنا المسلمين و بين الكفار هى الصلاة

معنى كدة ان اللى مش بيصلى يبقى كافر و العياذ بالله

طب اقولك على حاجة

تعرف ان الصلاة مع انها ركن من اركان الاسلام لكنها بتجمع جميع اركان الاسلام فيها

طب ازاى؟

لما انت بتتوضى و بتيجى تصلى مش انت مينفعش وقتها تاكل او تشرب ... مش بتفكرك بحاجة الحتة ده ... اللى هو الصوم ... يعنى انت لما بتيجى تصلى يعتبر بتصوم لحد ما تخلص الصلاة

طيب و مش لما بتيجى تصلى بردوا بتصلى فى جهة القبلة ... اللى هى جهة الكعبة ... زى الحج مش كدة ولا ايه