Tutoring Goes Wrong

[ Tutoring Goes Wrong ]

( Alert - teen s-e-x , some of the scenes and words are not suitable for the underage readers ,so read at your own risk )

" အဲ့တော့ ဒီနံပါတ်မှာရွေးရမယ့်အဖြေက A ဖြစ်မလား B ဖြစ်မလား ? "

ဂျောင်ဝန်း အဖြေမှန်ကိုမသိပေ။

သို့သော်လည်း လက်ထဲ၌ကိုင်ထားသော ဘောပင်လေးအား အောက်နှုတ်ခမ်းသားလေး၌ဖိကပ်ကာ ထိထားစဥ် သူ၏ မျက်ဝန်းဝိုင်းဝိုင်းကြီးများက ဘေးဘက်မှ ပြတ်သားသည့် မျက်နှာအား အသနားခံပင့်မော့ကြည့်လျှက် ဖြစ်နိုင်ချေရှိမည်ထင်သည့်တစ်ခုကို ဖြေပေးခဲ့ပါ၏။

" B "

တစ်ဖက်လူကိုင်ထားသော ဘောပင်က သူ့နှဖူးထိပ်သို့ ဂေါက်ခနဲ ကျရောက်လာလေတော့သည်။

" အာ့ ! "

ဘောပင်နှင့်ခေါက်ခံလိုက်ရသော ထိပ်အား ဂျောင်ဝန်းအလိုအလျောက် လက်ကလေးနှင့်ဖိကိုင်ကာ ပွတ်မိသော် စိတ်မရှည်တော့သည့်လေသံနှင့် ထပ်မံဆူပူလာမှုကို ကြုံတွေ့ရပြန်၏။

" ယန်းဂျောင်ဝန်း.. စာကိုသေချာအာရုံမစိုက်ထားဘူးလား ? X(t+1) နဲ့လာရင် k(xt) ကို (1-xt ) နဲ့ မြှောက်ရမှာလေ.. မင်းဒီတိုင်း ဆက်လုပ်နေရင် hyung ဆူတော့မှာနော် "

အဆူခံလိုက်ရသည့် ဂျောင်ဝန်း မျက်နှာလေးက အောက်နှုတ်ခမ်းလေးအနည်းငယ် ထော်ထွက်လာကာ ခေါင်းလေးငုံ့ကျသွားသော်လည်း သူ့အကြည့်တွေကမူ ဘေးဘက်မှ စာရှင်းပြရန်ကြိုးစားနေသည့် သူ့ကို တစ်ချက်တစ်ချက် ခိုးကြည့်နေဆဲပင်။

စာကိုသေချာ အာရုံမစိုက်ထားဘူးလားတဲ့။

သူက ဘယ်လိုလုပ်အာရုံစိုက်နိုင်မှာလဲ။

သူ အလယ်တန်းကတည်းက တိတ်တခိုးကြိတ်ကြိုက်နေခဲ့ရတဲ့ အစ်ကိုကြီးက အခုလို သူ့ဘေးနားမှာ ပုခုံးချင်းထိကပ်လို့ထိုင်နေပြီး စာရှင်းပြနေတာကို။

စာက ဘယ်လိုလုပ် သူ့ကို ဆွဲဆောင်ထားနိုင်ဦးမှာတဲ့လဲ။

ထိုမျက်တောင်တွေ ထိုနှာတံနှင့် လှုပ်ရှားနေသော ထိုနှုတ်ခမ်းများ.. ဘေးတစ်စောင်းမြင်နေရသည့်မျက်နှာက နတ်ဘုရားတစ်ပါးအလားထင်မှတ်ရအောင်ထိ ပြည့်စုံနေလွန်းရာ ဂျောင်ဝန်းမှာ ပူပူနွေးနွေး ခုန်လှုပ်ရလာသော နှလုံးသားလေးနှင့် တံတွေးလေးတစ်ချက်မြိုချမိသွားရပါ၏။