" ﷽ "
ـــــــــــــــــــــــــــــــــــــــ
#أرتجــــــــاف_الأجفان .
بقلم آيات الشَــــمري ♡
"" ""
تصويت + والتعليق بين كل فقره. فضلا وليس آمرا .
!!!!!!
♕♕♕♕
ورَديت مَو مِن الصَفر
حَتى الصَفر ما يَبدَي
رَديت مَنك مَنكسر
والبال أبد ما يَهدي
جَندَي ورَجع مِن مَعركة
و خَسران بالعَندَي .
»»»»»»»»»»»»»»
" مسك "
وخرته مني أرجف مفتحه عيوني بصدمه شلون اجتني الجرأه وقتلته أباوع دمه سايح وهوه مگلوب ؏ بطنه حرت وين اروح ابوي هسه من يجي يموتني والله .
كمت ادولي شال اتلثم بي طشرت الملابس ولبست شال لفيته ؏ وجهي شلون مجان جان عندي فلوس مجمعتهم يمي من زمان شلتهن وطلعت من الباب الرئيسي ختمت القرآن بداخلي اتمنى ميجون هسه ويتلگوني وعلي يذبحوني وميرفلهم جفن علي .
أباوع الدنيا مغيمه والأضويه منوره الفرع طلعت أركض ماأريد احد يشوفني اشكر ربي محد موجود بالفرع كلها داخله ببيوتها ضليت امشي نص ساعه مااعرف منين أجيت ومنين رحت .
خليتها بيد الله وأهل البيت متأكده مراح يعوفوني مشيت جان شارع عام وسيارات تروح وتجي والدنيا ضلمه والأضويه دموعي تجري مااعرف منين اروح وشلون اتصرف ضليت واكفه وأبلع بريگي الناشف .
لكيت محل قريب من الشارع عدلت شالي ودخلت للمحل باوعلي ابو المحل بــ استغراب مستغرب حالتي انطيته فلوس وحچيت
_ عمو انطيني بطل مي فدوه .
_ عمو انتِ ليش هيج حالتج .
_ مابي شي عمو بس انطيني مي .
طلعلي بطل من الثلاجه اخذته ومشيت اتوترت من نضرته وهوه يباوعلي وكأنما مقهور علي طلعت وشربت مي بــ هستريه رشيت ؏ وجهي أتشاهد الجو جان بارد واني اغسل بــ مي بارد .
أنت تقرأ
أرتجــــــــاف الاجفان
General Fictionفي كُل مرٕه أضن فيها أنني هُزمتُ تَخرِج مَني أمرأه قويه بعَزيمه حَديديه تُعيدنيٍ إلى الساحه قَمرا مُضيئاً يَبدو أنهُ لايُليق بي الأنطفاء ..
