تكفى لاتقول احبك وانت بالحب كذاب بعت الدنيا لأجل عينك ورديتني كسير

بارت12

🔥تذكير|نجمه+تعليق=بارت🔥
<جـواهـر>
قامت و صلت الفجر و رجعت تلبس ثوب المدرسه و طلعت من غرفتها وهي تسمع صوت المطر ناظرت لغرفة فـهـد الي كانت مفتوحه استغربت لاكن ما اهتمت تطلع من السكن بحماس وقفت عند باب السكن وهي تشوف المطر القوي ناظرت الي كان تحت المطر ابتسمت وهي تتأمل فيه كان مستمتع بالمطر
جـواهـر:طلعت تحب المطر بس مالومك المطر دايما يرد الروح
ابتسمت وهي تروح له قربت وهي تنادي بحماس:فـهـيد
التفت فـهـد من سمع صوتها و ناظر له
قربت له با ابتسامه:تحب المطر؟
فـهـد:و مين مايحب المطر؟
ناظرت جـواهـر حوالها:صادق مين مايحب المطر
رجعت تناظر لـفـهـد و تنطق بحماس:تحب الرقص
نطق فـهـد بصدمه:نعم؟
جـواهـر:اقصد اوفف كيف اشرح زي الي نقفص تحت المطر
فـهـد:احلفي؟على اخر عمري اقفز تحت المطر؟؟
جـواهـر:اوفف شفيك اصلا احلى شي،بعدين لو ماتبي عادي
بعدت شوي وناظرت للسماء بحماس لاكن غمضت عيونه وهي تحس بالمطر الي بدا يصير اكثر بدات تقفز و تدور بمكانه وهي تضحك،تتذكر اوقاته مع امها
بينما فـهـد تكتف يناظر له و يتأمله قربت جـواهـر من لمحت فـهـد يناظر له مسكت يد فـهـد الي كانت بنسبه لـجـواهـر كبيره سحبت فـهـد تقفز وهي ماسكه بيد فـهـد ضحك فـهـد با قلة حيله من جـواهـر يمسك يدها و يتركه تدور حول نفسه ناظرو للي تكلم بصوت عالي:يالحبايب تعالو
تركت جـواهـر يد فـهـد من شافت ابـو فـايـز و شهقت بصدمه من كلمة"حـبايـب"،رجعت تناظر لـفـهـد الي واضح ان ما اهتم
جـواهـر:شيقصد بالحبايب
فـهـد:واضح شيقصد
نزل الجاكيت الاسود يعطيها
جـواهـر:ما احتاج
فـهـد:يابنت الحلال انا اعرف ابو فايز بيجلس ساعه يهاوش و انتي بتتعبين
مدت جـواهـر يده بتردد
سحب فـهـد يدها يحطها على الجاكيت توسعت عيونه بصدمه بينما فـهـد تركها يدخل مبنى السكن لفت وهي تناظر للجاكيت ابتسمت وهي تلبس الجاكيت فوق الثوب و تتبع فـهـد
<بـالـمـكـتـب>
ابو فايز بعصبيه:كم مره اقول ممنوع احد يطلع من السكن وقت المطر؟؟
جواهر بتوتر:بس ان...
قاطعه ابو فايز بصراخ:اسكت
رفع فـهـد حاجبه بصدمه من الصراخ و يناظر له كيف غمضت عيونه بخوف و كيف واقفه تناظر الارض وهي مسكره يدها بقوه
رجع يناظر ابو فايز الي قال:و انت ياسيد فـهـد
فـهـد بسخريه:وش تبي؟
ابو فايز:مو ناوي تتخرج و نفتك منك
فـهـد:الي يسمعك يقول قاعد على قلبك لاكن على العموم مو ناوي اتخرج السنتين هذي
ناظر له ابو فايز بعصبيه و رجع يناظر لى الخايفه و المتوتره
فـهـد:اقول اخلص علينا نبي ننام
ابو فايز وهو يشد على كل كلمه يقوله:فـهـد اسكت
فـهـد تقدم للمكتب:مارح اسكت وش بتسوي؟
ناظر له ابو فايز يطلع اوراق
ابتسم فـهـد بسخريه:تعهد؟
اخذ قلم و اخذ ورقة التعهد كتب فيه و رجعها لباقي الاوراق وهو يناظر لى ابو فايز و يبتسم وهو يعرف ان الابتسامه بالوقت هذا هو الشي الوحيد الي يقهر ابو فايز
لف فـهـد لـجـواهـر يمسك يدها و يطلعون من المكتب
صعدو الدرج وهو ماسك يدها و فتح باب الغرفه دخل وهو يسكر الباب و رجع يناظر له كيف تتنفس بخوف
فـهـد:شفيك
جـواهـر:هاا مافيني ش...
سكتت من مسك فـهـد يدها يفتحه و يشوف الدم الي بسبب  خوفه من صراخ ابو فايز
جـواهـر:فـهـد
ناظر له فـهـد
سكتت جـواهـر من شافت نظرات فـهـد
و سكت فـهـد من شافها تناظر
تتأمل بـفـهـد لى اول مره تكون قريبه لـفـهـد و تتأمل فيه بدون خوف او توتر
ناظر له فـهـد لاكن المره هذي ما شاف بعيونه التوتر او الخوف المره هذي شاف بعيونه شي ثاني ممكن يكون نادر عند بطلتنا
قاطعهم الباب الي دق و صوت سلطان الي نطق:فـهـيد! جـمـال!
رجعت تناظر لـفـهـد الي مسك يدها وهو ياخذ منديل و يمسح و يقول بهمس:اسكتي و اتركي العيال يروحون ابيك بسالفه
ناظرت له بتوتر
ابتسم يحاول يطمنها:بحاول اطلعك من هنا ولا تبين تجلسين كل يوم مع عيال؟
جـواهـر بتوتر:هاا
ضحك بهمس:يابنت اكلمك وشو الي هاا؟
ابتسمت جـواهـر:اقصد ليش اطلع
فـهـد ناظر له و بتفكير(اخاف اسوي لك شي)
نطقت جـواهـر بستغراب من نظرات فـهـد:فهد اكلمك
فـهـد وهو يرمي المنديل بالزباله:اخاف عليك وانتي بين العيال،اخاف احد يهددك
لمعت عيونه وهي تنطق بخوف:بس..بس انا ابي اكون هنا
ناظر له:جـواهـر هنا مو أمان ولو طلع...
جـواهـر بمقاطعه:كيف مو أمان وانت موجود
ناظرو للباب الي انفتح
لفت تمسح دموعه
الشخص:بسرعه
فـهـد بسخريه:وش الدرعمه هذي طيب افترض اننا نبدل ملابسنا يابو فايز
تحول وجهه جـواهـر لى الاحمر وهي تتخيل الوضع
ابو فايز:قبل تروح للفصل تعال للمكتب
سكر الباب بقوه
التفت لـجـواهـر و عقد حواجبه بستغراب وهو يشوفه تناظر الارض و شعره الي صار طويل يغطي وجهه
قرب له يبي يرفع وجهه بحكم فرق الطول لاكن انصدم من ركضت لغرفتها
وقف يلتفت له وهو يلمح عيونه الامعه قبل تسكر الباب
تنهد وهو يقول بتفكير:ايش قلت؟،معقوله عاجبه الوضع؟
تنهد يدخل الغرفه و يبدل
[بـعـد عـشـر دقـايـق]
طلعت بعد ما تلثمت بالشماغ ناظرت لى شكله كان شوي من شعره نازل على عيونه السوداء و رموشها الطويله
طلعت من سمعت صوت باب غرفة فـهـد الي انفتح
<فـهـد>
ناظر له كيف هربت بسرعه تنهد بضيق ياخذ الشنطه و يطلع
انتبه لى ابو فايز الي واقف بالممر ينتظر و نطق من شاف فـهـد:تحسبني ما اعرف حركاتك؟قدامي على المكتب
ابتسم فـهـد بسخريه يمشي للمكتب
ناظر لى طالب مع رجال كبير و واضح ابوها
ابتسم من فكره يروح للمكتب و يجلس على مكتب ابو فايز ناظر له ابو فايز و قبل يتكلم دخل الرجال و الولد و ناظرو لهم بستغراب
فـهـد:جاي تسجل ولدك؟؟
الرجال بستغراب:ايه سمعت ان مدرسه حلوه و المدرسين يفهمون و...
قاطعه ضحك فـهـد و نطق فـهـد:شكلك مضيع تبي اقولك الصدق؟،بس قبل الصدق معك فـهـد ولد ذيب آل جـارح اول واحد دخل المدرسه و ابشرك صار عمري20و لسه بثاني ثانوي طبعا استقعاد لى ابو فايز ولا انا اقدر انجح و الحين نروح لى الصدق الي قدامك ابو فايز او المدير متى ما طفش طلع يمشي بالممرات و يهاوش و الوكيل او ابو سعد هذا يداوم مره وحده بالسنه و الأساتذة من سوق الجمعه ماحد يشارك معهم لان اساس ماحد يفهم شي منهم
ناظر له ابو فايز بصدمه
كمل فـهـد:انصحك تطلع انت و ولدك من هنا
ناظر الرجال لى الولد و نطق:امش ياولدي شكلهم مجانين
ناظر فـهـد لى ابو فايز الي ركض ورا الرجال يحاول يرجعه
دقايق و دخل ابو فايز و نطق بعصبيه وهو يقرب لـفـهـد:شسوي فيك؟؟
فـهـد:اشكرني لاني أنقذت شخص منكم و من مدرستكم الزفت و الحين استأذن عندي حصه
اخذ الشنطه يطلع ركض من مكتب المدير وهو يضحك و يسمع لصراخ ابو فايز
ابتسم وهو يقول بتفكير(ماحد يقدر يزعلك وانا موجود)
وصل للفصل يدخل ناظر له الاستاذ و تنهد بقلة حيله من فـهـد
<جـواهـر>
كانت ملاحظه تأخر فـهـد و تأكدت ان بيرجع بمصيبه
ناظرت للباب الي انفتح و فـهـد الي دخل و واضح عليه الفرحه ابتسمت تقول بنفسها(واضح ان المصيبه قويه)
كملت تكتب بالكتاب من لاحظت ان فـهـد يناظر له
<بـدر>
كان يمشي بالصاله
ناظر له نواف وهو يقول بستغراب:شفيك؟،والله لو تدور حول الكعبه
بدر:مو وقتك البنت ما اتصلت ولا جت
نواف بهمس:اكيد مارح تجي
بدر:شقلت؟؟
نواف:اقول بروح لى الجامعه
بدر:روح روح
وقف نواف ياخذ مفتاح السياره و يطلع
بدر:معقوله ما عرفت؟،انا ليش ما قتلتها؟؟(بتنهيده)ياحمار فيه احد يقتل الحلوه هذي؟
تنهد يناظر للجوال الي كان على الكنب،يناظر بتفكير،يتصل او مايتصل؟؟
<جـواهـر>
بدات الفسحه و طلعت وهي تسمع زيد ينادي تجاهلت تروح لمبنى السكن و تركض للغرفه فتحت الباب تدخل،دخلت غرفتها و قفلت الباب و تكلمت بهمس:وجع وش يبي هذا بعد
رجعت تتصل على الرقم الي اتصل عليه
جـواهـر:نعم شتبي؟؟
بدر:وينك
جـواهـر:نعم؟؟مين تكون عشان تسأل زي كذا؟؟
بدر:من الاخير بتجين ولا نقتل ابوك
جـواهـر:لا مارح اجي
بدر:اجل تجهزي لخبر موت ابوك
ضحكت و نطقت:انت تقتل يالبزر؟؟هههههههههه
بدر بسخريه:مو مصدقه؟؟انتظري ثواني
سكرت المكالمه تتنهد من بدر
اتصل عليه رقم تنهدت و ردت بدون ما تشوف مين:بدر و وجع قلت لك مار...
قاطعه صوت شخص بعمر30:معي جـواهـر بن حسن آل تيار؟؟
جـواهـر:ايه،مين معي؟؟
الشخص:انا دكتور و اتصلت عليك من المستشفى
تكلمت بخوف:تمام و وش صاير؟؟
الشخص:لى الأسف عظم الله اجرك
نطقت بصدمه:شش...شتقول؟؟
الشخص:ابوك مات بسبب حريق
طاح الجوال على الارض،رجفت يديها بخوف ماتوقعت يسويه
طاحت على الارض بصدمه وهي تردد كلمة"مـات"
جـواهـر بصدمه و همس:اكيد يمزح،هذا مم..مقلب من بدر عشان تروحين
لمعت عيونه بالدموع
<فـهـد>
فـهـد:ياخي ما ابي
زيد:اسمع خمسين شرايك
فـهـد:قلت لك غير الميه مافيههه
زيد بستسلام:تمام مية ريال
ابتسم فـهـد بنتصار:ابشر دقايق و يكون موجود
ركض يطلع من المدرسه لمبنى السكن فتح الباب وهو ينطق:جمال تكفى تعال زيد بيعطيني مية ريال لو جي...
سكت من سمع صوت شهقات قرب لباب غرفة جـواهـر سمع شهقاته الي كانت تحاول تكتمها
نطق فـهـد بهدوء رغم الخوف:جمال...جمال افتح الباب
سمع صوت شهقاته الي ارتفع
نطق بخوف:افتحي ولا بكسر الباب
.
.
.
.
.
.
اتمنى عجبكم البارت
|
حسابي تيك|vsr_wwrr2009
|
لاتنسون النجمه يا حلوين
|
قولولي رايكم بالبارت
|
اسفه على الأخطاء الإملائية
|
روايتي الاوله|يافاتًنا با الحب قلبي قد مَلك هل انت من حواء و ادم ام ملك
|
المفروض ينزل يوم الخميس بس عشانكم نزل اليوم🌷✨️
|
1496كلمه

الـكـاتـبـه|روح آل مـالـكـي