بقلمي: الكاتبه نرجس
يوزر الانستا: 0.9hro
_____________________________
ﻫﻮ ﺍﻟﺸﻲﺀ ﺍﻟﻮﺣﻴﺪ ﺍﻟﺬﻱ ﻟﻢ ﻳﻜﻦ ﻣﻦ ﺍﺧﺘﻴﺎﺭﻱ
ﻭﻟﻜﻨﻨﻲ ﺍﻣﻨﺖ ﺑﻪ ﻭﺃﻣﻨﺖ ﺑﺄﻥ ﺍﻟﺤﺐ ﻟﻌﻨﺔ
ﻭﺍﻣﻨﺖ ﺑﺄﻥ ﻟﻌﻨﺔ ﺍﻟﺤﺐ ﻗﺪ ﺍﺻﺎﺑﺘﻨﻲ
ﻭﺍﻣﻨﺖ ﺑأﻧﻪ ﻗﺪﺭﻱ
ﻛﻨﺖ ﻭﻗﺘﻬﺎ ﺳﺎﺫﺟﻪ ﻓﻲ ﻓﻬﻤﻲ ﻟﻠﺤﺐ ﻭﻟﻠﺤﻴﺎﺓ ﻭﻟﻠﻨﺎﺱ
ﻟﻸﺳﻒ ﻟﻢ ﻳﻜﻦ ﻣﺤﺒﻮﺑﻲ ﺳﻮﺉ ﺷﺒﻪ ﺍﻧﺴﺎﻥ ﺍﺳﺘﺒﺎﺡ ﻗﻠﺒﻲ ﻭﺳﺮﻕ ﻣﻨﻲ ﺷﺒﺎﺑﻲ ﻭﺣﺒﻲ ﻟﻠﺤﻴﺎﺓ
ﺳﻠﺐ ﻣﻨﻲ ﻛﻞ ﺷﻲ ﺣﺘﺊ ﻗﻠﺒﻲ ﺳﻠﺒﻪ ﻭﺳﻴﻄﺮ ﻋﻠﻴﻪ
ﻟﻢ ﻳﻌﺪ ﺑﻤﻘﺪﻭﺭﻱ ﻓﻌﻞ ﺷﻲ ﺍﻧﻪ ﻟﻌﻨﺘﻲ ﺍﻻﺑﺪﻳﺔ
،،،،،،،،،،،،،،،،،،،
ﻗﺼﺔ ﺭﺍﻫﺐ ﺍﺑﻮ ﻏﻀﺐ هي قصة حقيقية بكل تفاصيلها يرويها لنا الابطال كل واحد من وجهة نظره او كيف عاشها ..
قصة تدور احداثها بين بيت ام احلام او بيت ام راهب وبيت حماها جلال او ابو لارا ، الي كان اكبر ظالم وسرق تعب وشگى سنين اخوه ابو راغب .
ابو راغب او ابو احلام مات بحسرته لان الصدمة كانت اكبر من ان يتحملها وترك وراه مرته وبناته ال٣ والجنين الي ببطن مرته يعيشون اقسى انواع الفقر والظلم والعازه .
اما جلال او ابو لارا فأخذ عائلته بعد مااحتال على اخوه وهرب لسوريا لمدة سنتين وقرر بعد هاي السنتين يرجع يعيش ببغداد .
راح ابدي القصة وياكم من اول ماانولد راهب ..
،،،،،،،،،،،،،،،،،،،،،،،
ﺍﻡ ﺍﺣﻼﻡ،،ﺑﻘﻴﺖ ﺍﺭﺑﻊ ﺳﺎﻋﺎﺕ ﻳﻢ ﺍﻟﻘﺎﺑﻠﻪ ﺑﻴﻦ ﻣﺎﺍﺭﺗﺎﺣﻴﺖ ﻭﺍﻟﻄﻔﻞ ﺑﺲ ﻳﺒﺠﻲ ﺑﺎﻟﺒﺪﺍﻳﻪ ﺧﻔﺖ ﻻﻥ ﻣﺎﻳﻘﺒﻞ ﻳﺴﻜﺖ ﺑﺲ ﺍﻡ ﺷﻬﺎﺏ ﮔﺎﻟﺖ ﺍﻟﺒﺠﻲ ﻳﻔﻴﺪ ﺍﻟﻄﻔﻞ ﺣﺪﻳﺚ ﺍﻟﻮﻻﺩﺓ ﻻﻥ ﻳﻔﺘﺢ ﺍﻟﺸﺮﺍﻳﻴﻦ ﺍﻟﻤﺴﺪﻭﺩﺓ ﻋﻨﺪﺓ ﻭﻳﻨﻀﻢ ﺍﻟﺪﻡ ﺑﺎﻟﺠﺴﻢ
ﻟﺬﺍﻟﻚ ﺗﺮﻛﺘﻪ ﻳﺒﺠﻲ ﻣﺎﺧﻔﺖ ﺑﻌﺪ
ﺭﺟﻌﻨﻪ ﺍﺑﻮ ﻗﺎﺳﻢ ﻟﻠﺒﻴﺖ ﻭﺍﻟﻤﺮﺓ ﻫﻢ ﺍﻧﺒﻠﺖ ﺑﻴﻪ ﻭﻫﻲ ﻋﻤﺮ ﺍﺑﻨﻬﺎ ﻗﺎﺳﻢ ﺳﻨﻪ ﻋﺎﻓﺘﻪ ﻳﻢ ﺍﺧﺘﻬﺎ ﺍﻟﻌﻔﻨﺎﻫﺎ ﻳﻢ ﺑﻨﺎﺗﻲ
ﺭﺟﻌﻨﻪ ﻟﻠﺒﻴﺖ ﺍﻟﻄﻔﻞ ﺟﻮﺓ ﻋﺒﺎﺗﻬﺎ ﻣﺨﻠﻴﺘﻪ ﻭﺍﻧﻲ ﺍﻣﺸﻲ ﻋﻠﺊ ﻛﻴﻒ ﻻﺯﻣﻪ ﺑﻄﻨﻲ ﻭﺍﻟﻜﺎﻧﻮﻧﻪ ﺑﻴﺪﻱ
ﺩﺧﻠﺖ ﻭﺍﻟﺘﻤﻦ ﻋﻠﻴﻪ ﺑﻨﺎﺗﻲ ﻣﺜﻞ ﺍﻟﺤﻤﺎﻣﺎﺕ ﻫﺎﻱ ﺍﻟﺘﺒﻮﺳﻨﻲ ﻭﻫﺎﻱ ﺍﻟﺘﺎﺧﺬ ﻋﺒﺎﺗﻲ
ﻭﻓﻄﻮﻣﻪ ﺗﻮﻫﺎ ﮔﺎﻋﺪﺓ ﻣﺒﻴﻨﻪ ﻣﻦ ﻋﻴﻮﻧﻬﺎ ﺑﺲ ﺻﺎﻓﻨﻪ ﻣﺎﺗﻌﺮﻑ ﺷﻜﻮ
ﺍﺣﻼﻡ ﻓﺮﺷﺘﻠﻲ ﺑﺎﻟﮕﺎﻉ ﺍﺗﻤﺪﺩﺕ ﻭﺍﻡ ﻗﺎﺳﻢ ﺭﺍﺣﺖ ﺟﺎﺑﺘﻠﻲ ﺳﻠﻪ ﺍﺣﻂ ﺑﻴﻬﺎ ﺍﻟﻄﻔﻞ ﺧﺎﺻﻪ ﻟﻼﻃﻔﺎﻝ
ﻃﺒﮕﺖ ﺍﻟﺒﻄﺎﻧﻴﻪ ﻭﺣﻄﺘﻬﺎ ﺑﺎﻟﺴﻠﻪ ﻣﺜﻞ ﺍﻟﺪﻭﺷﮓ
ﺧﻠﺖ ﻋﻠﻴﻬﺎ ﻣﻠﺤﻒ ﺍﻟﻄﻔﻞ ﻭﺍﻟﻤﺨﺪﺓ ﻧﻴﻤﺘﻪ ﻭﺩﺛﺮﺗﻪ ﺑﺎﻟﺒﻄﺎﻧﻴﻪ
ﮔﺎﻟﺖ ﺧﻠﻨﻪ ﺩﺍﻓﻲ ﻻﻥ ﻃﻔﻞ ﺍﻧﻔﺎﺱ ﻳﺮﻳﺪ ﺩﻓﻮ ﻣﺜﻞ ﻣﺎﺟﺎﻥ ﺍﺑﻄﻦ ﺍﻣﻪ
ﺧﻠﻴﺖ ﺍﻟﻤﺨﺪﺓ ﺳﻨﺪﺗﻬﺎ ﻋﻠﺊ ﺍﻟﺤﺎﻳﻂ ﻭﺍﻧﺘﺠﻴﺖ ﻋﻠﻴﻬﺎ ﻃﻠﻌﺖ ﺻﺪﺭﻱ ﺭﺿﻌﺘﻪ
ﺳﺒﺤﺎﻥ ﺍﻟﻠﻪ ﺑﻌﺪﺓ ﻋﻤﺮﺓ ﺳﺎﻋﺎﺕ ﺑﺲ ﻣﻼﻣﺤﻪ ﺣﺎﺩﺓ
ﮔﺼﺘﻪ ﻣﻄﺮﮔﻪ ﻋﺎﮔﺪ ﺣﻮﺍﺟﺒﻪ
ﺑﺎﻭﻋﺘﻠﻪ ﻭﻧﺰﻟﺖ ﺩﻣﻌﻪ ﻣﻦ ﻋﻴﻨﻲ
ﮔﺘﻠﻪ ﺍﺟﻴﺖ ﻟﻠﺪﻧﻴﻪ ﺣﺎﺩ ﺍﺳﻨﻮﻧﻚ ﻋﻠﺊ ﺍﻟﻲ ﺍﺧﺬﻭ ﺣﮓ ﺍﺑﻮﻙ ﻭﺿﻴﻌﻮ ﺗﻌﺒﻪ
ﻣﺎﺍﺗﺤﻤﻠﺖ ﺻﺮﺕ ﺍﻣﺴﺢ ﺩﻣﻌﻪ ﺗﻨﺰﻝ ﺍﻟﺜﺎﻧﻴﻪ
ﻣﺮﺓ ﺍﻟﺴﻨﻴﻦ ﻭﺭﺍﻫﺐ ﻛﺒﺮ ﺻﺎﺭ ﻋﻤﺮﺓ 15 ﺳﻨﻪ ﺑﺲ ﺍﺗﺤﺴﻪ ﻋﻤﺮﺓ 100 ﺑﺴﺒﺐ ﻋﻘﻠﻪ
ﺻﺎﺭ ﻫﻮ ﺍﺑﻮ ﺑﻴﺘﻲ ﻭﺍﻟﻌﺎﻳﻞ ﻋﺎﺋﻠﺘﻪ
ﺍﺳﻤﻨﻲ ﻛﻠﺴﺎﻉ ﺍﺩﺯﺓ ﺑﻤﻜﺎﻥ ﺳﺎﻋﻪ ﺟﻴﺐ ﻣﺴﻮﺍﮒ ﺳﺎﻋﻪ ﺻﻤﻮﻥ ﺳﺎﻋﻪ ﻭﺩﻱ ﻫﺎﻱ ﻭﺟﻴﺐ ﺫﻳﺞ ﻭﻫﻮ ﻣﺎﻳﺤﺠﻲ ﺭﻏﻢ ﺩﺭﺍﺳﺘﻪ ﻭﻫﻮ ﻫﻢ ﺍﻟﺴﻨﻪ ﺑﻜﻠﻮﺭﻳﺎ ﺻﻒ ﺛﺎﻟﺚ ﻣﺘﻮﺳﻂ
ﺑﻨﺎﺗﻲ ﻛﺒﺮﻥ ﺍﺣﻼﻡ ﻋﻤﺮﻫﺎ 22 ﺗﺮﻛﺖ ﺍﻟﻤﺪﺭﺳﻪ ﻣﻦ ﺟﺎﻧﺖ ﺏ ﺍﻟﺜﺎﻟﺚ ﻣﺘﻮﺳﻂ ﻻﻥ ﻣﺎﺗﺤﺐ ﺍﻟﺪﺭﺍﺳﻪ ﺍﺟﻮﻫﺎ ﺧﻄﺎﺑﻪ ﻋﻦ ﻃﺮﻳﻖ ﺍﻡ ﻗﺎﺳﻢ ﻭﺻﺎﺭﺕ ﺍﻟﻘﺴﻤﻪ ﺍﺗﺰﻭﺟﺖ ﺑﺎﻟﺒﺼﺮﺍ
ﻭﺯﻫﺮﺓ ﺭﺳﺒﺖ ﺳﻨﺘﻴﻦ ﺑﺎﻟﺴﺎﺩﺱ ﺍﻋﺪﺍﺩﻱ ﻭﺗﺎﻟﻲ ﺑﻄﻠﺖ
ﻭﻫﻢ ﺍﺟﻮﺍﻫﺎ ﺧﻄﺎﺑﻪ ﺣﻤﺎ ﺍﺣﻼﻡ ﻳﻌﻨﻲ ﺍﻧﻄﻴﺘﻬﻦ ﺍﺛﻨﻴﻨﻬﻦ ﻟﻼﺧﻮﺓ ﻋﺎﻳﺸﺎﺕ ﺍﺑﻴﺖ ﻭﺍﺣﺪ
ﺑﻘﺖ ﺑﺲ ﻓﻄﻮﻣﻪ ﻣﻦ ﺟﺎﻥ ﻋﻤﺮﻫﺎ 18 ﺳﻨﻪ ﻧﺠﺤﺖ ﻟﻠﺴﺎﺩﺱ ﻭﺑﻄﻠﺖ ﻣﺎﻗﺒﻠﺖ ﺍﺗﻜﻤﻞ ﻻﻥ ﺍﻟﻤﺼﺮﻑ ﻭﺍﻟﻌﻴﺸﻪ ﺻﺎﺭﺕ ﻛﻠﺶ ﺻﻌﺒﻪ ﻳﺎﺩﻭﺏ ﺍﻧﻮﻓﺮ ﻟﮕﻤﺔ ﺍﻟﺨﺒﺰ
ﺍﻧﻲ ﺍﺗﻌﻠﻤﺖ ﺍﻟﺨﻴﺎﻃﻪ ﻭﻋﻠﻤﺖ ﻓﺎﻃﻤﻪ ﻫﻢ ﺣﺘﺊ ﺗﺴﺎﻋﺪﻧﻲ
ﺑﺲ ﺭﻏﻢ ﻫﻠﺸﻲ ﺍﻟﻮﺍﺭﺩ ﻗﻠﻴﻞ ﻣﺎﻳﻜﻔﻲ ﻭﺭﺍﻫﺐ ﻃﺎﻟﺐ ﻣﺎﺍﺭﻳﺪ ﺍﺑﺨﻞ ﻋﻠﻲ ﺑﺸﻲ ﻣﺎﺍﺭﻳﺪﺓ ﻳﺒﺎﻭﻉ ﻟﻠﻄﻼﺏ ﺍﻟﻮﻳﺎﻩ ﻭﻳﺤﺲ ﺑﺎﻟﻨﻘﺺ
ﻟﺬﺍﻟﻚ ﺻﺮﺕ ﺍﺧﺒﺰ ﻟﻠﻨﺎﺱ ﺑﺪﻭﻥ ﻋﻠﻤﻪ
ﻭﻫﻮ ﻋﻤﺖ ﻋﻴﻨﻲ ﻣﺎﻗﺒﻞ ﻳﺒﻘﺊ ﮔﺎﻋﺪ ﺭﺍﺡ ﺍﻟﺨﺎﻟﻪ ﻭﻃﻠﺐ ﻣﻨﻪ ﻳﺸﺘﻐﻞ ﺑﻤﺤﻞ ﻣﺎﻟﺘﻪ ﻣﺎﻝ ﻏﺴﻞ ﺍﻟﺴﻴﺎﺭﺍﺕ ﺣﺘﺊ ﻳﺴﺎﻋﺪﻧﻲ ﺑﺎﻟﻤﺼﺮﻑ
ﻣﺎﻗﺒﻠﺖ ﺩﮔﻴﺖ ﻭﻟﻄﻤﺖ ﺑﺲ ﻫﻮ ﺩﻭﻡ ﻳﺴﻮﻱ ﺍﻟﺒﺮﺍﺳﻪ ﻣﺎﻳﺴﻤﻊ ﻣﻨﻲ ﻭﺭﺍﺡ ﺍﺷﺘﻐﻞ ﻭﻳﻪ ﺧﺎﻟﻪ
ﺍﺧﻮﻱ ﻭﺍﻋﺮﻓﻪ ﻃﺒﻌﻪ ﻗﺎﺳﻲ
ﺟﺎﻥ ﻳﺮﺟﻊ ﺭﺍﻫﺐ ﻭﺟﻬﺎ ﺍﺣﻤﺮ ﺩﻡ ﺍﺭﻳﺪ ﺍﻋﺮﻑ ﺍﻟﺴﺒﺐ ﺑﺲ ﻣﺎﻳﺤﺠﻲ
ﻋﺮﻓﺖ ﺍﺧﻮﻱ ﻳﺎﺫﻱ ﻭﺣﺎﻭﻟﺖ ﺍﻓﻬﻢ ﻣﻨﻪ ﺍﻟﺴﺎﻟﻔﻪ ﺑﺲ ﺟﺎﻥ ﺳﺎﻛﺖ
ﻭﻣﺴﺘﻤﺮ ﺑﺎﻟﺸﻐﻞ ﻭﻳﺎﻩ ﻣﻦ ﻳﺮﺟﻊ ﻣﻦ ﺍﻟﻤﺪﺭﺳﻪ ﻳﺮﻭﺡ ﻟﻠﻤﺤﻞ
ﻳﺠﻴﻨﻲ ﻧﮕﻌﺎﻥ ﻣﺎﻱ ﺑﻌﺰ ﺍﻟﺸﺘﻪ ﻭﺍﻟﺠﻮ ﺑﺎﺭﺩ ﺍﺣﺲ ﺍﺑﻨﻲ ﻛﺒﺮ ﻗﺒﻞ ﺍﻭﺍﻧﻪ ﻭﺻﺎﺭ ﺯﻟﻤﻪ ﻳﻌﺘﻤﺪ ﻋﻠﻲ ﺭﻏﻢ ﺯﻏﺮ ﻋﻤﺮﺓ
ﺍﻟﻤﻮﺍﻗﻒ ﻭﺍﻟﺤﻴﺎﺓ ﻭﺍﻟظروف ﻛﻔﻴﻠﻪ ﺗﻘﺴﻲ ﮔﻠﺐ ﺍﺑﻨﺎﺩﻡ ﻭﺍﻧﻲ ﺍﺑﻨﻲ ﺍﻧﺠﻤﻌﻦ ﻋﻠﻲ ﻛﻠﻬﻦ ﻭﺧﻠﻨﻪ ﻣﻦ ﺯﻏﺮﺓ ﻳﺘﺠﺮﻉ ﺍﻟﺤﻘﺪ ﻭﺍﻟﻘﺴﻮﺓ
ﮔﻌﺪﻧﻪ ﻣﻦ ﻏﺒﺸﻪ ﻻﻥ ﺍﻟﻴﻮﻡ ﻋﻴﺪ ﻭﺍﻟﻮﺍﺩﻡ ﻫﺬﺍ ﺍﻟﻴﻌﺰﻡ ﺍﻫﻠﻪ ﻭﺫﺍﻙ ﺍﻟﻴﻌﺰﻡ ﻧﺎﺳﻪ
ﻑ ﻳﺠﻴﻮﻟﻲ ﺍﻟﻌﺠﻴﻦ ﺍﻧﻲ ﺍﺧﺒﺰﺓ ﻭﻓﺎﻃﻤﻪ ﺗﺴﺎﻋﺪﻧﻲ
ﺟﻨﻪ ﻧﺮﻛﺾ ﺭﻛﺾ ﺣﺘﺊ ﻣﺎﻳﺸﻮﻓﻨﻪ ﺭﺍﻫﺐ ﻭﻳﺤﺲ ﺑﻴﻨﻪ
ﺍﻣﻨﺖ ﻣﺎﻳﺮﺟﻊ ﻫﺴﻪ ﻻﻥ ﺑﺎﻟﻤﺤﻞ
ﻛﻤﻠﺖ ﺧﺒﺰ ﻣﻌﺠﺎﻧﺘﻴﻦ ﻭﺑﻘﻦ ﺍﺛﻨﻴﻦ
ﻟﻤﻴﺖ ﺍﻟﺨﺒﺰ ﻭﺧﻠﻴﺖ ﻓﻄﻮﻣﻪ ﺗﺸﻨﮓ ﺍﻟﻤﻌﺠﺎﻧﻪ ﺍﻟﺜﺎﻧﻴﻪ
ﺍﻧﺪﮒ ﺍﻟﺒﺎﺏ ﻭﺍﺟﻮ ﺍﺻﺤﺎﺏ ﺍﻟﻌﺠﻴﻦ ﺍﺧﺬﻭ ﺧﺒﺰﺍﺗﻬﻢ ﺍﻧﻄﻮﻧﻲ ﺍﻓﻠﻮﺳﻬﻦ ﺑﺴﺘﻬﻦ ﻭﺧﻠﻴﺘﻬﻦ ﻋﻠﺊ ﺭﺍﺳﻲ ﻻﻥ ﻋﺎﻳﺸﻴﻦ ﻋﻴﺸﻪ ﺣﻼﻝ ﺣﺘﺊ ﻟﻮﺟﺎﻧﺖ ﺑﺘﻌﺐ ﺑﺲ ﺧﺒﺰﺗﻨﻪ ﺣﻼﻝ
ﻛﻤﻠﻨﻪ ﺍﻟﺒﻘﻴﻪ ﻭﺍﺟﻮ ﺍﺻﺤﺎﺑﻬﻦ ﺧﺬﻭﻫﻦ ﻟﻠﻤﻐﺮﺏ ﺭﺟﻊ ﺭﺍﻫﺐ
ﻭﻫﻢ ﻭﺟﻬﺎ ﺍﺣﻤﺮ ﻭﻋﻴﻮﻧﻪ ﺩﻡ ﻣﺒﻴﻦ ﺑﺎﺟﻲ ﺑﺲ ﻣﺎﻳﺤﺠﻲ ﻭﻻﻳﺸﻜﻲ
ﻭﻣﻦ ﺍﺳﺎﻟﻪ ﻳﮕﻮﻝ ﻛﻠﺸﻲ ﻣﺎﻛﻮ
ﻣﺮﺓ ﺍﻻﻳﺎﻡ ﻭﺍﻧﻲ ﺍﺧﺒﺰ ﺑﺎﻟﺴﺮ ﻟﻠﻌﺎﻟﻢ ﺑﺪﻭﻥ ﻋﻠﻢ ﺍﺑﻨﻲ ﺧﻮﻓﺎ ﻣﻦ ﻋﺼﺒﻴﺘﻪ ﻻﻥ ﻣﺎﻳﺘﻔﺎﻫﻢ ﻭﺍﻛﻴﺪ ﺭﺍﺡ ﻳﻔﺸﻠﻨﻲ ﮔﺪﺍﻡ ﺍﻟﻌﺎﻟﻢ ﻭﻳﻄﺮﺩﻫﻢ ﻭﺳﺎﻋﺘﻬﺎ ﺍﺑﻴﺶ ﻧﻌﻴﺶ ?
ﺿﻔﺖ ﺍﻟﻘﺎﺋﻤﻪ ﺍﻋﻤﺎﻟﻲ ﻏﻴﺮ ﺍﻟﺨﻴﺎﻃﻪ ﻭﺍﻟﺨﺒﺰ ﺻﺮﺕ ﺍﺑﻴﻊ ﺭﻭﺑﻪ ﺍﺷﺘﺮﻱ ﺣﻠﻴﺐ ﻭﺍﺧﺜﺮﺓ ﻭﺍﺑﻴﻊ ﻃﻮﺱ ﻟﻠﻌﺎﻟﻢ
ﻭﻓﻄﻮﻣﻪ ﺗﺸﺘﻐﻞ ﻭﻳﺎﻱ ﺑﺤﻠﮓ ﻣﺴﺪﻭﺩ ﻭﺧﻠﮓ ﻃﻮﻳﻞ
ﻣﺎﺗﺸﻜﻲ ﺍﺑﺪ ﺗﺴﺎﻋﺪﻧﻲ ﻭﻫﻲ ﺳﺎﻛﺘﻪ
ﺑﻨﻴﺘﻲ ﺍﻧﺤﺮﻣﺖ ﺍﺗﻌﻴﺶ ﺣﺎﻟﻬﺎ ﺣﺎﻝ ﺍﻟﺒﻨﺎﺕ ﻓﺘﺤﺖ ﻋﻴﻮﻧﻬﺎ ﻉ ﺍﻟﻘﻬﺮ ﻭﺍﻟﺘﻌﺐ
ﻫﻲ ﺷﺎﻃﺮ
ﺓ ﺑﺲ ﺑﻄﻠﺖ ﻻﻥ ﺳﺎﺩﺱ ﻳﺮﺍﺩﻟﻪ ﺍﻓﻠﻮﺱ ﻭﺻﺮﻑ ﻟﻠﻤﻼﺯﻡ ﻭﺍﻟﻜﺘﺐ ﻭﺻﺎﺭﺕ ﺗﺴﻤﻊ ﻛﻼﻡ ﻣﻦ ﺍﻟﺒﻨﺎﺕ ﻻﻥ ﻣﻼﺑﺴﻬﺎ ﻣﺎﻝ ﺳﻨﺘﻴﻦ ﺗﺮﺟﻊ ﻋﻠﻴﻬﻦ ﻣﺎﻋﻨﺪﻱ ﺍﺷﺘﺮﻳﻠﻬﺎ
ﺭﺍﻫﺐ ﻳﺸﺘﻐﻞ ﺑﺲ ﻣﺎﻫﺎﻣﻞ ﺩﺭﻭﺳﻪ ﻭﺷﺎﻃﺮ ﺍﺣﺴﻪ ﻋﻨﺪﺓ ﻫﺪﻑ ﻭﺩﻭﻡ ﻳﮕﻠﻲ ﻳﻤﻪ ﺑﺲ ﺍﻛﺒﺮ ﻭﺍﺗﺨﺮﺝ ﻭﺍﺗﻌﻴﻦ ﺭﺍﺡ ﺍﻋﻮﺽ ﺗﻌﺒﺞ ﻭﻳﺎﻱ ﻭﺍﺧﻠﻴﺞ ﻣﻠﻜﻪ ﻭﺍﻟﺨﺪﻡ ﺗﺨﺪﻣﺞ
ﻣﺮﺍﺕ ﺍﺿﺤﻚ ﻋﻠﺊ ﺍﺣﻼﻡ ﺍﺑﻨﻲ ﺍﻟﺒﻌﻴﺪﺓ ﺍﻟﻲ ﺍﺣﺴﻬﺎ ﺻﻌﺐ ﺗﺘﺤﻘﻖ
ﮔﻌﺪﺕ ﺍﻟﺼﺒﺢ ﻣﻦ ﻭﻛﺖ ﺍﻟﻴﻮﻡ ﺟﻤﻌﻪ ﮔﻌﺪﺕ ﺭﺍﻫﺐ ﻭﻓﻄﻮﻣﻪ ﺣﺘﺊ ﻳﺘﺮﻳﮕﻮﻥ
ﮔﻠﻴﺖ ﻃﻤﺎﻃﻪ ﻭﺧﺪﺭﺕ ﺍﻟﺠﺎﻱ ﺣﻄﻴﺘﻪ ﺑﺎﻟﺼﻴﻨﻴﻪ ﺍﺟﻮ ﻳﺘﻜﺎﻓﺸﻮﻥ ﻭﻻﺟﻨﻬﻢ ﺗﻮﻫﻢ ﮔﺎﻋﺪﻳﻦ ﻭﺍﺣﺪ ﻳﺪﻣﻎ ﺍﻟﺜﺎﻧﻲ
ﺭﺍﻫﺐ ﻧﺎﻓﺦ ﺭﻭﺣﻪ ﻋﻠﺊ ﺍﺧﻮﺍﺗﻪ ﻣﺤﺴﺴﻬﻢ ﻣﻦ ﺗﺼﺮﻓﺎﺗﻪ ﻫﻮ ﺍﻟﺠﺒﻴﺮ ﻭﻻﺟﻨﻪ ﺍﺯﻏﺮ ﻣﻨﻬﻦ ﻛﻠﻬﻦ
ﺳﻤﻌﻨﻪ ﺍﻟﺒﺎﺏ ﻳﺪﮒ
ﺭﺍﻫﺐ، ،ﮔﺎﻳﻢ ﺍﻓﺘﺢ ﺍﻛﻴﺪ ﻫﺬﺍ ﻗﺎﺳﻢ
ﺍﻡ ﺍﺣﻼﻡ،،ﻛﻮﻣﻲ ﻳﻤﻪ ﺳﻮﻱ ﺟﺎﻱ ﻟﺨﻮﺝ ﻭﺻﺪﻳﻘﻪ
ﺧﻞ ﻳﻜﻌﺪﻭﻥ ﻳﻘﺮﻭﻥ ﻛﻠﻤﺘﻴﻦ ﺍﻻﺳﺒﻮﻉ ﺍﻟﺠﺎﻱ ﺍﻣﺘﺤﺎﻧﺎﺗﻬﻢ ﺑﻠﻜﺖ ﺍﻟﻠﻪ ﻳﻨﺠﺢ ﻭﻳﻔﺮﺡ ﮔﻠﺒﻲ
ﻗﺎﺳﻢ ﺍﻛﺒﺮ ﻣﻦ ﺭﺍﻫﺐ ﺑﺴﻨﻪ ﺑﺲ ﻗﺎﺳﻢ ﻋﺎﺩ ﺍﻟﺴﻨﻪ ﺑﺎﻟﺜﺎﻟﺚ ﻭﺍﺑﻨﻲ ﻟﺤﮓ ﺑﻲ
ﻫﻤﻪ ﺍﺻﺪﻗﺎﺀ ﻣﻦ ﺍﻟﺼﻐﺮ ﻣﺎﻳﺘﻔﺎﺭﮔﻮﻥ ﺍﺑﺪ ﺩﻭﻣﻬﻢ ﻛﻌﺪﺗﻬﻢ ﻭﻣﺸﻴﺘﻬﻢ ﺳﻮﺓ ﺣﺘﺊ ﻣﻦ ﻭﺍﺣﺪ ﻣﻨﻬﻢ ﻳﺴﻮﻱ ﻣﺼﻴﺒﻪ ﺍﻟﺜﺎﻧﻲ ﻳﺸﻴﻞ ﺍﻟﺘﻬﻤﻪ ﻭﻳﮕﻮﻝ ﺍﻧﻲ
ﺍﻓﺮﺡ ﻣﻦ ﺍﺷﻮﻑ ﺻﺪﺍﻗﺘﻬﻢ ﺍﺣﺴﻬﻢ ﺍﺧﻮﺓ ﻭﺭﺍﻫﺐ ﻣﻮﻭﺣﻴﺪ ﻋﻨﺪﻩ ﺍﺧﻮ ﻭﺍﺣﺰﺍﻡ ﺿﻬﺮ ﻣﺜﻞ ﻗﺎﺳﻢ
ﺑﻬﺬﺍ ﺍﻻﺳﺒﻮﻉ ﻣﺎﺧﻠﻴﺘﻪ ﻳﺮﻭﺡ ﻟﻠﺸﻐﻞ ﻭﻳﻪ ﺧﺎﻟﻪ ﻻﻥ ﺍﺭﻳﺪﺓ ﻳﻘﺮﺓ
ﻭﻓﻌﻼ ﺫﺏ ﺭﻭﺣﻪ ﻉ ﺍﻟﺪﺭﺍﺳﻪ ﺳﺎﺩﺓ ﻋﻠﻲ ﺑﺎﺏ ﺍﻻﺳﺘﻘﺒﺎﻝ ﻫﻮ ﻭﻗﺎﺳﻢ ﻭﺍﺛﻨﻴﻨﻬﻢ ﻳﻘﺮﻭﻥ ﺑﺲ ﻗﺎﺳﻢ ﻣﺴﺘﻬﺎﻥ ﺑﺎﻟﻮﺿﻊ ﻣﻮ ﻣﺜﻞ ﺭﺍﻫﺐ ﺷﺎﺩ ﺣﻴﻠﻪ
ﺍﺟﺖ ﺍﻻﻣﺘﺤﺎﻧﺎﺕ ﻭﻟﺰﻣﺖ ﮔﻠﺒﻲ ﻭﻛﻞ ﻣﺎﻳﺮﺟﻊ ﺍﺳﺄﻟﻪ ﺷﻨﻮ ﺍﻻﺳﺄﻟﻪ ﻭﺍﺷﻠﻮﻥ ﺟﺎﻥ ﺟﻮﺍﺑﻚ
ﻣﺎﺻﺪﮔﺖ ﺗﺨﻠﺺ ﺍﻻﻣﺘﺤﺎﻧﺎﺕ ﺍﻟﻪ ﻭﺍﻧﻲ ﺭﻳﮕﻲ ﻧﺎﺷﻒ ﻣﻦ ﺍﻟﻘﻠﻖ
ﻭﺍﻭﻝ ﻳﻮﻡ ﺍﻟﻌﻄﻠﻪ ﺍﺗﺼﻞ ﻋﺪﻧﺎﻥ ﺍﺧﻮﻱ ﻭﮔﺎﻝ ﺍﺫﺍ ﻳﺒﻘﺊ ﺑﻌﺪ ﻳﻮﻡ ﺑﺪﻭﻥ ﻣﺎﻳﺠﻲ ﻟﻠﻤﺤﻞ ﺍﻋﺘﺒﺮﻱ ﻣﻄﺮﻭﺩ
ﻭﻓﻌﻼ ﺧﻄﻴﻪ ﺍﻭﻟﻴﺪﻱ ﻟﺒﺲ ﻭﺭﺍﺡ ﻟﻠﺸﻐﻞ ﻭﻫﻢ ﻛﺎﻟﻌﺎﺩﺓ ﻳﺠﻴﻨﻲ ﻭﺟﻬﺎ ﺍﺣﻤﺮ ﻭﻣﻦ ﺍﺳﺎﻟﻪ ﻳﻨﺘﺮ ﺍﻳﺪﻱ ﻭﻳﺸﺘﻢ ﺧﺎﻟﻪ
ﮔﻠﺖ ﻭﺍﻟﻠﻪ ﺍﻟﻪ ﺍﺭﻭﺡ ﻭﺍﺷﻮﻑ ﺷﻨﻮ ﺍﻟﻮﺿﻊ ﺷﻮ ﮔﻠﺒﻲ ﻳﻠﻌﺐ ﺍﺑﻨﻲ ﺍﻟﺸﻬﺮ ﺍﻟﻔﺎﺕ ﺷﻤﺤﻼﺗﻪ ﺷﻮ ﺑﺲ ﺭﺟﻊ ﻟﻠﻤﺤﻞ ﺍﺗﻐﻴﺮ ﻭﺿﻌﻪ
ﻭﺻﺪﮒ ﺛﺎﻧﻲ ﻳﻮﻡ ﻟﺒﺴﺖ ﻋﺒﺎﺗﻲ ﻭﺭﺣﺖ ﻟﻠﻤﺤﻞ ﻣﻦ ﺑﻌﻴﺪ ﺷﻔﺖ ﻫﻮﺳﻪ ﻭﺻﺎﻳﺢ ﻭﻧﺎﺱ ﻣﻠﺘﻤﻪ ﺍﻧﺨﻤﺶ ﮔﻠﺒﻲ
ﺍﺑﺪﻱ ﺍﻃﻴﺮ ﻭﺍﻭﺻﻞ ﻳﻤﻬﻢ ﺍﺣﺲ ﺍﻟﻤﺴﺎﻓﻪ ﺻﺎﺭﺕ ﺷﻄﻮﻟﻬﺎ ﻭﻻﺟﻨﻬﺎ ﺧﻄﻮﺗﻴﻦ
ﻟﻤﻦ ﻭﺻﻠﺖ ﻳﻤﻬﻢ ﻭﺟﺎﻥ ﺍﺷﻮﻑ ﻭﺣﻴﺪﻱ ﺧﺸﻤﻪ ﻳﺠﺮﻱ ﺩﻡ ﻭﺍﺧﻮﻱ ﺭﺍﺳﻪ ﻣﻔﺸﻮﺥ ﻭﺣﺎﻁ ﺧﺎﻭﻟﻲ ﻳﺴﺪ ﺍﻟﻨﺰﻳﻒ ﻭﺍﻟﻮﺍﺩﻡ ﻣﻠﺘﻤﻪ ﻻﺯﻣﺘﻪ ﻭﻫﻮ ﻳﻬﺪ ﻳﺮﻳﺪ ﻳﻀﺮﺏ ﺭﺍﻫﺐ ﺑﻴﺪﺓ ﺍﺳﺒﺎﻧﻪ ﻳﺮﻳﺪ ﻳﻔﺸﺨﻪ ﺑﻴﻬﺎ ﻭﺭﺍﻫﺐ ﺑﻴﺪﺓ ﺑﻮﺭﻱ ﺣﺪﻳﺪ
ﺭﻛﻀﺖ ﻭﺍﻧﻲ ﺷﺎﻳﻄﻪ ﻣﻦ ﺷﺎﻓﻨﻲ ﺍﺑﻨﻲ ﺍﺗﺴﻌﺖ ﻋﻴﻮﻧﻪ ﻧﺘﺮ ﺍﻟﺰﻟﻤﻪ ﺍﻻﺯﻣﻪ ﻭﺍﺟﻪ ﻳﻤﻲ
ﺭﺍﻫﺐ،،ﺷﻌﻨﺪﺟﺠﺞ ﺟﺎﻳﻪ ﺑﻨﺺ ﺍﻟﺰﻟﻠﻢ ?
ﺍﻡ ﺍﺣﻼﻡ،،ﻭﻟﻚ ﻳﻤﻤﻪ ﺳﻮﺩﺓ ﺑﻮﺟﻬﻴﻲ ﻋﺰﺍﺍ ﺍﻟﻌﺰﺍﺍﻧﻲ ﻣﻨﻮﻭ ﻃﮕﺎﺍﻙ ﻭﺧﺎﻟﻚ ﻣﻨﻮ ﻃﺎﮔﻬﻬﻪ ?
ﺭﺍﻫﺐ،،ﻳﻤﻤﻤﻪ ﺭﺣﻤﻪ ﻟﺒﻮﻱ ﺭﺩﻱ ﻟﻠﺤﻮﺵ ﺟﺎﻱ ﻭﻳﺎﺝ ﻭﺍﻓﻬﻤﺞ
ﺍﻡ ﺍﺣﻼﻡ،،ﻭﻟﻚ ﻭﻟﻴﺪﻱ ﺍﺭﻓﻊ ﺭﺍﺳﻚ ﺧﺸﻤﻚ ﻳﺠﺮﻱ ﺩﻡ ﺧﻞ ﺍﻏﺴﻠﻠﻚ
ﺭﺍﻫﺐ،،ﺭﻓﻌﺖ ﺗﻴﺸﻴﺮﺗﻲ ﻣﺴﺤﺖ ﺍﻟﺪﻡ ﻏﺴﻠﺖ ﻭﺧﺸﻤﻲ ﻣﺎﻳﻨﺴﺪ ﺍﻟﻨﺰﻑ ﻣﺎﻟﺘﻪ
ﺧﺎﻟﻲ ﻭﮔﻒ ﺭﺍﺩ ﻳﺮﺟﻊ ﻳﻀﺮﺑﻨﻲ ﺑﺲ ﺍﻟﻌﻤﺎﻝ ﻟﺰﻣﻮ
ﻋﺪﻧﺎﻥ،،ﺍﺍﺍﺧﺬﻱ ﺍﺑﻨﺞ ﺍﻟﻌﺎﺍﺍﺭ ﺑﻌﺪ ﻣﺎﻟﻪ ﺷﻐﻞ ﻳﻤﻤﻴﻲ ﻟﻮ ﺍﻋﺮﻓﻒ ﺗﺎﻛﻠﻮﻭﻥ ﺍﺣﺠﺎﺭﺭﺭ ﻫﻢ ﻣﺎﺍﺷﻐﻠﻪ ﺑﻌﺪ
ﺭﺍﻫﺐ،،ﺍﻟﻠﻪ ﻻﻳﻌﻮﺯﻧﻲ ﺍﻟﺸﻐﻠﻚ ﺗﺮﺓ ﺧﺎﺍﻑ ﻋﺒﺎﻟﻚ ﺳﺎﻛﺘﻠﻚ ﻛﻞ ﺫﻳﺞ ﺍﻟﻔﺘﺮﺓ ﻭﺍﻧﺘﻪ ﻣﺨﻠﻴﻨﻲ ﻣﺼﮕﻌﻪ ﺍﻟﻚ ﺗﺮﺓ ﺳﻜﻮﺗﻲ ﻻﻥ ﺍﻧﺘﻪ ﺧﺎﻟﻲ ﻭﻣﺤﺘﺮﻣﻚ ﺍﻟﺨﺎﻃﺮ ﺍﻣﻲ ﻭﺑﺲ ﻟﻬﻨﺎ ﻭﻛﺎﻓﻲ ﺍﺗﻌﺪﻳﺖ ﺑﻤﺎ ﻓﻴﻪ ﺍﻟﻜﻔﺎﻳﻪ ﻭﺍﺗﺠﺎﻭﺯﺕ ﻭﺍﻧﻲ ﻣﺎﺍﻣﺠﺎﻭﺯ ﻋﻠﻴﻚ ﻭﻣﺮﺓ ﺍﻟﺜﺎﻧﻴﻪ ﺍﺫﺍ ﻣﺪﻳﺖ ﺍﻳﺪﻙ ﺍﻛﺴﺮﻫﺎ ﻭﺍﻋﻠﻜﻬﺎ ﺍﻟﻚ ﺑﺮﮔﺒﺘﻚ
ﺍﻡ ﺍﺣﻼﻡ،،ﻻﺯﻣﺘﻪ ﻭﻫﻮ ﻳﻬﺪ ﻭﻳﻨﻔﻠﺖ ﻣﺪﺭﻋﻢ ﻳﺮﻳﺪ ﻳﺮﺟﻊ ﻳﻀﺮﺏ ﺧﺎﻟﻪ ﻣﺎﻗﺒﻠﺖ ﻋﻠﺊ ﺗﺼﺮﻓﻪ ﻣﻬﻤﺎ ﻳﻜﻮﻥ ﻳﺒﻘﺊ ﺍﺧﻮﻱ ﻣﺎﻻﺯﻡ ﺍﺑﻨﻲ ﻳﺴﻮﻱ ﺑﻲ ﻫﻴﺞ
ﺭﺟﻌﻨﻪ ﻟﻠﺒﻴﺖ ﻭﺍﻧﻲ ﺍﻟﻮﺏ ﻭﺍﺑﻨﻲ ﻭﺟﻬﺎ ﻭﺍﺭﻡ ﻭﺧﺸﻤﻪ ﻣﺎﺳﻜﺖ
ﺳﺤﺒﺘﻪ ﻣﻦ ﺍﻳﺪﺓ ﮔﺘﻠﻪ ﺑﺲ ﺧﻞ ﺍﺷﻮﻓﻚ ﻟﻠﻤﻤﺮﺽ ﺍﻟﺒﺼﻴﺪﻟﻴﻪ
ﻭﻓﻌﻼ ﻟﻤﻦ ﺷﺎﻓﻪ ﮔﺎﻝ ﻋﻨﺪﺓ ﻛﺴﺮ ﺑﺴﻴﻂ ﺑﻌﻀﻤﺔ ﺍﻟﺨﺸﻢ ﻭﻻﺯﻡ ﻳﻨﻜﻮﻱ ﺣﺘﺊ ﻳﺒﻄﻞ ﺍﻟﻨﺰﻑ
ﺑﻘﻴﺖ ﺍﻟﻄﻢ ﻭﺍﺗﻌﺬﺭﺕ ﻣﻦ ﺍﻟﺮﺟﺎﻝ ﻻﻥ ﻣﺎﺷﺎﻳﻠﻪ ﺍﻓﻠﻮﺱ ﮔﺘﻠﻪ ﺍﻟﻌﺼﺮ ﺍﺟﻴﺒﻬﻦ ﺍﻟﻚ ﻭﺍﻟﺮﺟﺎﻝ ﻣﺎﺣﺠﻪ ﮔﺎﻝ ﻓﺪﻭﺗﺞ ﺍﻟﻔﻠﻮﺱ ﺧﺎﻟﻪ ﺷﻨﻮ ﻗﺪﺭﻫﻦ ﻭﺗﺤﺠﻴﻦ ﺑﻴﻬﻦ
ﺍﻟﺤﻤﺪﺍﻟﻠﻪ ﺍﻟﺪﻧﻴﻪ ﺑﻌﺪ ﺑﻴﻬﺎ ﻧﺎﺱ ﻃﻴﻴﻪ ﺗﻮﮔﻒ ﺍﻟﻚ ﺑﻮﻛﺖ ﺍﻟﻀﻴﺞ
ﺩﺧﻠﻨﻪ ﻟﻠﺒﻴﺖ ﺟﺒﺘﻠﻪ ﺩﻭﺷﻚ ﮔﻮﺓ ﻗﺒﻞ ﻳﺘﻤﺪﺩ ﺍﺣﺴﻪ ﺍﻋﺼﺎﺑﻪ ﻧﺎﺭ ﻳﺮﻳﺪ ﻳﺘﻌﺎﺭﻙ ﺍﺑﻨﻲ ﻭﻛﺢ ﻣﻦ ﺯﻏﺮﺓ ﺍﻋﺮﻓﻪ ﻣﻦ ﻳﺘﻌﺼﺐ ﻣﺎﻳﺸﻮﻑ ﻛﺪﺍﻣﻪ
ﺟﺒﺖ ﻭﺻﻠﻪ ﻭﻣﺎﻱ ﻭﻛﻌﺪﺕ ﺍﻣﺴﺢ ﺑﻮﺟﻬﺎ
ﺭﺍﻫﺐ،،ﻳﻤﻪ ﻋﻮﻓﻴﻨﻲ ﺭﺣﻤﻪ ﺍﻟﺪﻳﻨﺞ ﻣﺎﺑﻴﻪ ﺷﻲ
ﺍﻡ ﺍﺣﻼﻡ،،ﺍﺣﺠﻴﻠﻲ ﻭﻟﻴﺪﻱ ﺍﺣﻠﻔﻚ ﺑﺎﻟﺰﻫﺮﺓ ﺍﻡ ﺍﻟﺤﺴﻦ ﺗﺤﺠﻴﻠﻲ ﺷﻨﻮ ﺻﺎﺭ ﺭﻳﺢ ﮔﻠﺒﻲ
ﺭﺍﻫﺐ،،ﻳﻤﻪ ﺍﻟﻪ ﺍﮔﻠﺞ ﺍﺧﻮﺝ ﻛﻞ ﺫﻳﺞ ﺍﻟﻔﺘﺮﺓ ﻛﻞ ﻣﺎﻳﺸﻮﻓﻨﻲ ﻳﻀﺮﺑﻨﻲ ﻋﻼﺑﻲ ﺍﺣﺲ ﻋﻴﻮﻧﻲ ﺗﻄﻠﻊ ﻣﻦ ﺿﺮﺑﺘﻪ ﻟﻮ ﻳﻔﺸﻠﻨﻲ ﻭﺍﻳﺼﻴﺢ ﺍﺑﻦ ﺍﻟﻔﮕﺮ
ﻟﻮ ﻛﻞ ﺷﻮﻳﻪ ﻳﺴﻤﻌﻨﻲ ﺣﺠﺎﻳﻪ
ﺗﺎﻟﻲ ﺍﻟﻴﻮﻡ ﺍﺗﻬﻤﻨﻲ ﺑﺎﻳﮓ ﻓﻠﻮﺱ ﻣﻦ ﺍﻟﺪﺧﻞ ﻭﻫﻮ ﻧﺎﺳﻲ ﻣﺎﺧﺬﻫﻦ ﺩﺍﻓﻊ ﺑﻴﻬﻦ ﻓﺎﺗﻮﺭﺓ ﺍﻟﻜﻬﺮﺑﺎﺀ
ﻓﻮﮒ ﻣﺎﻻﺯﻡ ﻳﻌﺘﺬﺭ ﺍﺟﻪ ﻳﺼﻴﺢ ﻭﻳﻬﺪ
ﮔﺘﻠﻪ ﺍﻧﺘﻪ ﻫﻢ ﻣﺤﺴﻮﺏ ﻉ ﺍﻟﺨﻮﺍﻝ
ﺷﻮ ﻫﺬﺍ ﺍﺟﻪ ﻭﺍﻧﻄﺎﻧﻲ ﻟﻄﻤﻪ ﻋﻠﺊ ﺧﺸﻤﻲ
ﻭﺍﻧﻲ ﻣﻦ ﺣﻼﺓ ﺭﻭﺣﻲ ﻣﺎﻟﮕﻴﺖ ﻧﻔﺴﻲ ﻏﻴﺮ ﺟﺮﻳﺖ ﺍﻟﺒﻮﺭﻱ ﻭﻓﺸﺨﺘﻪ ﺑﺮﺍﺳﻪ ﺧﻠﻴﺖ ﺩﻣﻪ ﺑﻄﻮﻟﻪ
ﺍﻡ ﺍﺣﻼﻡ،،ﺳﻮﺩ ﺍﻟﻠﻪ ﻭﺟﻬﻲ ﻳﻤﻪ ﺻﺨﺎﻡ ﺍﻟﺼﺨﻤﻨﻲ ﻛﻞ ﻫﺬﺍ ﻳﺼﻴﺮ ﺑﻴﻚ ﻭﺍﻧﻪ ﻣﺎﺍﺩﺩﺭﺭﺭﻱ ﻭﻣﻦ ﺍﺳﺎﻟﻚ ﺍﺗﮕﻮﻝ ﻛﻠﺸﻲ ﻣﺎﻛﻮﻭﻭ
ﻣﻨﻴﻦ ﺍﺗﻠﮕﺎﻫﺎﺍ ﻭﻣﻨﻴﻴﻴﻦ ﺭﺑﻴﻴﻴﻴﻴﻲ
ﻻﺑﺸﺮ ﻳﺮﺣﻢ ﺑﺤﺎﺍﻟﻲ ﻭﻻﺍﺧﻮﻭ ﻳﺮﺣﻢ ﺑﺤﺎﺍﻟﻲ
ﺷﻤﺴﻮﻳﻪ ﻋﻨﺪﻙ ﻭﻫﻴﺞ ﻣﻌﺎﻗﺒﻨﻲ ﺭﺑﺒﺒﺒﻲ
ﻻﻟﺒﺴﺖ ﻣﺜﻞ ﺍﻟﻨﺴﻮﺍﻥ ﻭﻻﻓﺮﺣﺖ ﻣﺜﻠﻬﻦ ﻭﻻﺍﺗﻐﺎﻭﻳﺖ ﻭﻻ ﺍﺗﻜﺒﺮﺕ ﻭﻻﺑﮕﺖ ﻭﻻﺯﻧﻴﺖ ﺟﺎﺍﺍﺍ ﻟﻴﺶ ﻫﻴﺞ ﻏﺎﺿﺐ ﻋﻠﻴﻪ ﻳﺎﺍﺍﻟﻠﻪ
ﺑﻘﻴﺖ ﮔﺎﻋﺪﺓ ﻭﺍﺑﺠﻲ ﻭﻓﺎﻃﻤﻪ ﺗﺒﺠﻲ ﻭﻳﺎﻱ
ﺍﻭﻟﻴﺪﻱ ﻭﺟﻬﺎ ﻭﺍﺭﻡ ﺛﺎﻧﻲ ﻳﻮﻡ ﺍﺧﺬﺗﻪ ﻟﻠﺪﻛﺘﻮﺭ ﺑﺎﻟﻤﺴﺘﺸﻔﺊ ﻻﻥ ﻣﺎﻋﻨﺪﻱ ﺍﻓﻠﻮﺱ ﺍﺧﺬﺉ ﺩﻛﺘﻮﺭ ﻉ ﺍﻟﺨﺎﺹ
ﺍﻟﺪﻛﺘﻮﺭ ﻣﻦ ﺷﺎﻑ ﻭﺿﻌﻲ ﻗﺮﺭ ﻳﻜﻮﻟﻪ ﺑﺎﻟﻤﺴﺘﺸﻔﺊ
ﺭﺩﺕ ﺍﺩﺧﻞ ﻣﺎﺧﻼﻧﻲ ﺍﺩﺭﻱ ﻳﺨﺎﻑ ﺍﺗﺨﺮﺑﻂ ﻣﻦ ﺍﺷﻮﻓ
ﻪ
ﻧﺺ ﺳﺎﻋﻪ ﻭﻃﻠﻊ ﺩﺍﻳﺦ ﻟﺰﻣﺘﻪ ﻭﻫﻮ ﮔﻮﺓ ﻳﻤﺸﻲ
ﺭﺟﻌﻨﻪ ﻟﻠﺒﻴﺖ ﻟﮕﻴﺖ ﺍﺣﻼﻡ ﻭﺯﻫﺮﺓ ﺟﺎﻳﺎﺕ
ﻃﺒﻌﺎ ﺍﺣﻼﻡ ﺻﺎﺭ ﻋﺪﻫﺎ ﻭﻟﺪ ﻭﺍﺑﻨﻴﻪ ﻋﻤﺮ ﺍﺑﻨﻬﺎ ﺿﺮﻏﺎﻡ ﺍﺭﺑﻊ ﺳﻨﻮﺍﺕ ﻭﺑﺘﻬﺎ ﺍﺳﻤﻬﺎ ﻣﻴﺎﺩﺓ ﻋﻤﺮﻫﺎ ﺳﻨﺘﻴﻦ
ﺑﺲ ﺯﻫﺮﺓ ﺑﻌﺪﻫﺎ ﻣﺎﺻﺎﺭ ﻋﺪﻫﺎ ﺻﺎﺭﻟﻬﺎ ﺳﻨﺘﻴﻦ ﻣﻦ ﺍﺗﺰﻭﺟﺖ ﻭﺟﺎﻱ ﺍﺗﺮﺍﺟﻊ ﻋﻠﺊ ﻃﻔﻞ
ﺍﺗﻠﮕﺎﻧﻲ ﺿﺮﻏﺎﻡ ﺑﻴﺒﻲ ﻣﺎﺑﻴﺒﻲ ﺷﻠﺘﻪ ﺍﺑﻮﺱ ﺑﻲ ﺍﻓﺮﺡ ﻣﻦ ﺍﺷﻮﻑ ﺑﻨﺎﺗﻲ ﻳﻠﺘﻤﻦ ﺍﺑﻴﺖ ﺍﺑﻮﻫﻦ
ﻫﻨﻪ ﻫﻢ ﺗﻌﺒﻦ ﻭﺷﺒﻌﻦ ﻗﻬﺮ ﻭﺿﻴﻢ ﻭﻣﻦ ﺍﻟﻌﻮﺯ ﺍﺧﺘﺎﺭﻥ ﻳﺘﺰﻭﺟﻦ ﺑﺎﺍﺭﺍﺩﺗﻬﻦ ﺷﮕﺪ ﺣﺎﻭﻟﺖ ﺑﺲ ﺟﺎﻧﻦ ﻣﻘﺘﻨﻌﺎﺕ ﻭﺍﻟﺤﻤﺪﺍﻟﻠﻪ ﻗﺴﻤﺘﻬﻦ ﻃﻠﻌﺖ ﺧﻮﺵ ﻗﺴﻤﻪ ﻳﻢ ﻧﺎﺱ ﺧﻮﺵ ﻧﺎﺱ ﻭﻳﺨﺎﻓﻮﻥ ﺍﻟﻠﻪ
ﺍﺣﻼﻡ،،ﻭﻋﻠﻲ ﻛﻮﻥ ﻫﺴﻪ ﺍﺭﻭﺡ ﺍﻟﻬﺬﺍ ﺍﺧﻮﺝ ﺍﻟﻲ ﺍﺳﻤﻪ ﺧﺎﻟﻲ ﺍﻟﻪ ﺍﻧﻴﻤﻪ ﺏ ﺍﻻﻧﻌﺎﺵ ﻋﻮﺩ ﺧﺎﻟﻲ ﺧﻼﻟﻪ ﺍﺗﻨﺎﻡ ﺍﺑﺮﺍﺳﻪ ﻛﻮﻥ
ﺍﻡ ﺍﺣﻼﻡ،،ﻋﻴﺐ ﻣﺎﻣﺎ ﻣﺎﻳﺼﻴﺮ ﺗﺤﺠﻴﻦ ﻫﻴﺞ ﮔﺪﺍﻣﻲ ﻋﻠﺊ ﺍﺧﻮﻱ
ﺍﺣﻼﻡ،،ﺧﻮﻩ ﺍﻟﺨﻮﺗﻪ ﻛﻮﻥ ﻭﺑﻌﺪﺝ ﺍﺗﺴﻤﻲ ﺍﺧﻮﻱ ﺍﻟﻤﻔﺮﻭﺽ ﺗﺘﺒﺮﻳﻦ ﻣﻨﻪ ﻭﺗﮕﻄﻌﻴﻦ ﻋﻼﻗﺘﺞ ﺑﻲ
ﻋﻮﺩ ﺧﺎﻟﻨﻪ
ﻫﻤﺰﻳﻦ ﻣﺎﺟﺪﻳﻨﻪ ﻣﻨﻪ ﻭﻻﻋﻴﺸﺘﻨﻪ ﻋﻨﺪﺓ ﺷﻮ ﺭﺍﻫﺐ ﻳﺸﺘﻐﻞ ﺑﺘﻌﺒﻪ ﻣﺎﻃﺎﻟﺐ ﻣﻦ ﻋﻨﺪﺓ ﺣﺘﺊ ﻳﻤﻦ ﻋﻠﻴﻨﻪ
ﺯﻫﺮﺓ،،ﻫﻮ ﺧﺎﻟﺞ ﻣﻦ ﮔﺎﻋﻪ ﺑﺨﻴﻞ ﻳﻤﻮﺕ ﻉ ﺍﻟﻔﻠﺲ ﻭﻧﺤﺲ ﻣﺎﻳﺤﺐ ﻏﻴﺮ ﻧﻔﺴﻪ
ﻓﺎﻃﻤﻪ،،ﻣﺎﻣﺎ ﻟﻴﺶ ﻫﻴﺞ ﻳﻜﺮﻫﻨﻪ ??
ﺍﺣﻼﻡ،،ﻗﺒﻞ ﺑﻮﻗﺖ ﺍﻟﻨﻀﺎﻡ ﺍﺟﻪ ﻝ ﺍﺑﻮﺝ ﻭﮔﺎﻟﻪ ﺍﻛﻮ ﺑﺴﺘﺎﻥ ﺍﺭﻳﺪ ﺍﺷﺘﺮﻱ ﻭﺍﺭﻳﺪﻙ ﺗﺴﺎﻋﺪﻧﻲ ﺍﺩﻓﻊ ﺍﻓﻠﻮﺳﻪ
ﺍﺑﻮﺝ ﻗﺒﻞ ﺑﺲ ﮔﺎﻟﻪ ﺍﺩﺧﻞ ﺷﺮﻳﻚ ﻭﻳﺎﻙ ﻭﻻﺯﻡ ﺍﺭﻭﺡ ﺍﺷﻮﻑ ﺍﻟﺒﺴﺘﺎﻥ ﻭﻳﻦ ﻣﻮﻗﻌﻪ ﻭﺷﻨﻮ ﻭﺿﻌﻪ
ﻋﺪﻧﺎﻥ ﺍﺗﺨﺒﻞ ﻉ ﺍﻟﺒﺴﺘﺎﻥ ﻭﻣﺎﻋﻨﺪﺓ ﺍﻟﻤﺒﻠﻎ ﻛﺎﻣﻞ ﺣﺘﺊ ﻳﺸﺘﺮﻱ ﻛﺎﻥ ﻻﺯﻡ ﻳﺪﺧﻞ ﻭﻳﺎﻩ ﺷﺮﻳﻚ
ﻭﻓﻌﻼ ﺭﺍﺡ ﻳﺸﻮﻓﻪ ﻭﺍﺗﻔﺎﺟﺊ ﻣﻦ ﺳﻤﻊ ﻭﺍﺣﺪ ﻣﻦ ﺍﻟﻨﺎﺱ ﮔﺎﻝ ﺟﻮﻩ ﺍﻟﺒﺴﺘﺎﻥ ﺍﻛﻮ ﻣﻘﺒﺮﺓ ﺟﻤﺎﻋﻴﻪ ﻭﺍﻟﻜﻞ ﻳﻌﺮﻑ ﺑﻬﺬﺍ ﺍﻟﺸﻲ ﻟﺬﺍﻟﻚ ﻣﺤﺪ ﻳﺸﺘﺮﻱ ﺷﻌﻨﺪﻙ ﺍﺟﻴﺖ ﻟﻬﻨﺎ ﺗﺮﺓ ﻣﻨﺤﻮﺱ ﻟﻠﻴﺸﺘﺮﻱ
ﻭﺍﺑﻮﺝ ﻣﺎﺻﺪﮒ ﺍﻟﺮﺟﺎﻝ ﺭﺍﺩ ﻳﺸﻮﻑ ﺑﻌﻴﻨﻪ ﺭﺍﺡ ﺟﺎﺏ ﺷﻔﻞ ﻭﺣﻔﺮ ﻭﻓﻌﻼ ﻃﻠﻊ ﺍﻛﻮ ﺍﻋﻀﺎﻡ ﻭﻧﺎﺱ ﻣﺪﻓﻮﻧﻪ ﺑﻤﻼﺑﺴﻬﻢ
ﻗﺒﻞ ﺟﺎﻧﺖ ﺍﻟﻮﺍﺩﻡ ﺍﺗﺨﺎﻑ ﺗﺤﺠﻲ ﻟﺬﺍﻟﻚ ﺍﺑﻮﺝ ﺳﺤﺐ ﺍﻳﺪﺓ ﻭﺑﻄﻞ ﻭﺧﺎﻟﺞ ﺍﺗﺨﺒﻞ ﺍﺷﻠﻮﻥ ﻳﺒﻄﻞ ﻭﻣﺎﻳﺸﺎﺭﻛﻪ ﻭﻫﻮ ﻣﻦ ﺍﻟﺒﺪﺍﻳﻪ ﻃﻠﺐ ﻣﻦ ﺍﺑﻮﺝ ﻳﺪﺍﻳﻨﻪ ﻧﺺ ﺍﻟﻤﺒﻠﻎ ﻭﺍﻟﻨﺺ ﺍﻟﺜﺎﻧﻲ ﺍﺑﻮﺝ ﻳﺪﺧﻞ ﺑﻲ ﺷﺮﻳﻚ
ﻭﺧﺎﻟﺞ ﺟﺎﻧﺖ ﻓﻜﺮﺗﻪ ﻳﺰﻳﺢ ﺍﻟﻨﺨﻞ ﻭﺍﻟﺸﺠﺮ ﻭﻳﺒﻨﻲ ﺑﻤﻜﺎﻧﻬﻦ ﻣﺤﻼﺕ ﻭﻣﻦ ﻳﻮﻣﻬﺎ ﻭﻫﻮ ﺣﺎﻗﺪ
ﺍﺣﻼﻡ،،ﺍﻫﻨﺎ ﻣﺮﺑﻂ ﺍﻟﻔﺮﺱ ﻭﺍﮔﻮﻝ ﻫﺬﺍ ﺍﻟﺰﻟﻤﻪ ﻟﻴﺶ ﻫﻴﺞ ﺣﺎﻗﺪ
ﺭﺍﻫﺐ،،ﻭﺍﻟﻠﻪ ﺷﻔﻴﺖ ﮔﻠﺒﻲ ﺑﻲ ﺑﺲ ﻟﻮ ﻣﺎﻻﺯﻣﻴﻨﻲ ﺟﺎﻥ ﺩﺧﻠﺘﻪ ﻗﺴﻢ ﺍﻟﻜﺴﻮﺭ ﻭﺍﻟﻠﻪ ﻟﺨﻠﻴﻬﻢ ﻳﺠﺒﺮﻭﻧﻪ ﻣﻦ ﺳﺎﺳﻪ ﺍﻟﺮﺍﺳﻪ
ﺍﺣﻼﻡ،،ﻳﻤﻪ ﺩﺧﻴﻠﻚ ﺍﺫﺍ ﺩﺧﻠﺖ ﻟﻠﺴﺠﻦ ﻣﺎﻓﻜﺮﺕ ﺷﻴﺼﻴﺮ ﺑﻴﻪ ﺍﺑﻮﺱ ﺍﻳﺪﻙ ﺍﻭﻟﻴﺪﻱ ﺍﺳﺘﺮ ﻋﻠﻴﻨﻪ ﻣﺎﻋﺪﻧﻪ ﺯﻟﻤﻪ ﻏﻴﺮﻙ
ﺑﻌﺪ ﻓﺘﺮﺓ ﻃﻠﻌﺖ ﺍﻟﻨﺘﺎﺋﺞ ﻭﺭﺍﻫﺐ ﻧﺎﺟﺢ ﺑﻤﻌﺪﻝ ﻛﻠﺶ ﺯﻳﻦ ﺭﻓﻊ ﺭﺍﺳﻲ ﮔﺪﺍﻡ ﺍﻟﻜﻞ ﻭﺛﺒﺘﻠﻲ ﻣﺎﺭﺍﺡ ﺗﻌﺒﻲ ﺑﺎﻟﺨﺎﻟﻲ ﺑﻼﺵ ﺣﺘﺊ ﻗﺎﺳﻢ ﻧﺠﺢ ﺑﺲ ﻣﻌﺪﻟﻪ ﺧﻤﺴﻴﻨﺎﺕ ﺍﻟﻤﻬﻢ ﻧﺠﺢ ﻭﺧﻠﺺ ﻣﻦ ﺍﻟﺜﺎﻟﺚ
ﻣﺮﺓ ﺍﻻﻳﺎﻡ ﻭﺍﻟﺴﻨﻴﻦ ﻭﺻﺎﺭ ﻋﻤﺮ ﺭﺍﻫﺐ 18 ﺳﻨﻪ
ﻭﻫﺎﻱ ﺍﻟﺴﻨﻪ ﻫﻮ ﺳﺎﺩﺱ ﺷﮕﺪ ﺣﺎﻭﻝ ﺣﺘﺊ ﺍﻗﺒﻞ ﻳﺸﺘﻐﻞ ﺑﻌﺪ ﺍﻟﺪﻭﺍﻡ ﺑﺲ ﻣﺎﻗﺒﻠﺖ ﺍﻧﻲ ﻣﺎﺻﺪﮒ ﻳﻨﺠﺢ ﻭﻳﻄﻠﻊ ﻣﻦ ﺍﻟﺴﺎﺩﺱ ﻭﻫﻮ ﻳﺪﻭﺭ ﺷﻐﻞ
ﺻﺢ ﺍﻟﻌﻴﺸﻪ ﺻﺎﺭﺕ ﺍﺻﻌﺐ ﻭﻓﺎﻃﻤﻪ ﺭﻏﻢ ﺍﻟﺨﻄﺎﺑﻪ ﻛﺜﺮﺓ ﻋﻠﻴﻬﺎ ﻻﻥ ﻳﺎﻫﻲ ﺍﻟﺘﺠﻲ ﺗﺨﺒﺰ ﻭﺗﺸﻮﻓﻬﺎ ﺗﺘﻌﺠﺐ ﺑﺸﻜﻠﻬﺎ ﻭﻫﺪﻭﺋﻬﺎ ﺑﺲ ﻫﻲ ﺭﺍﻓﻀﻪ ﻣﺎﺗﻘﺒﻞ
ﺍﻋﺮﻑ ﺷﻨﻮ ﺳﺒﺐ ﺭﻓﻀﻬﺎ ﻻﻥ ﻣﺎﺗﺮﻳﺪ ﺍﺗﻌﻮﻓﻨﻲ ﺍﺧﺒﺰ ﻟﻠﻨﺎﺱ ﻭﺣﺪﻱ ﻭﺍﺧﻴﻂ ﻭﺍﺗﻌﺐ
ﮔﻌﺪﻧﻪ ﺍﻟﺼﺒﺢ ﻣﺜﻞ ﻛﻞ ﻳﻮﻡ ﺭﺍﻫﺐ ﺭﺍﻳﺢ ﻟﻠﺪﻭﺍﻡ
ﻭﺍﻧﻲ ﻭﺑﻨﻴﺘﻲ ﻭﺣﺪﺓ ﺗﺨﺒﺰ ﻭﺍﻟﺜﺎﻧﻴﻪ ﺗﺨﻴﻂ
ﺍﻧﻲ ﻋﻴﻮﻧﻲ ﺗﻌﺒﺖ ﻣﻦ ﺍﻟﺨﻴﺎﻃﻪ ﺻﺎﺭ ﻧﻀﺮﻱ ﻣﻮﻛﻠﺶ ﺻﺎﺣﻲ
ﻭﻓﺎﻃﻤﻪ ﺍﺩﻳﻬﺎ ﻣﮕﺴﺒﻪ ﻣﻦ ﺍﻟﺨﺒﺰ ﻭﺣﺮﺍﺭﺓ ﺍﻟﺘﻨﻮﺭ
ﻣﻦ ﺗﺨﻠﺺ ﻭﺟﻬﺎ ﻳﻨﻄﻌﻦ ﺍﺣﻤﺮ
ﺍﻧﻲ ﻣﺘﻔﻘﻪ ﻭﻳﻪ ﺍﻟﺠﻴﺮﺍﻥ ﺑﻮﻗﺖ ﺍﻟﻤﺪﺭﺳﻪ ﺍﻟﺼﺒﺢ ﻳﺠﻴﺒﻮﻥ ﺍﻟﻌﺠﻴﻦ ﻭﺍﻟﻌﺼﺮ ﺍﻋﺘﺬﺭ ﻣﻨﻬﻢ
ﺻﺎﺭﺕ ﺍﻟﺴﺎﻋﻪ ﺏ 1 ﻭﺍﺑﻨﻲ ﻣﺎﺟﺎﻱ ﻣﻦ ﺍﻟﻤﺪﺭﺳﻪ
ﻭﺟﺰﺕ ﺍﻟﺴﺎﻋﻪ ﻭﺻﺎﺭﺕ ﺏ 3 ﻭﻫﻮ ﺑﻌﺪﺓ ﻣﺎﺟﺎﻱ
ﻟﺰﻣﺖ ﮔﻠﺒﻲ ﻭﺍﻓﺘﺮ ﻣﻨﺎ ﻭﺍﺭﺟﻊ ﻣﻨﺎ ﻭﺍﻡ ﻗﺎﺳﻢ ﻭﻳﺎﻱ ﻻﻥ ﺍﺑﻨﻬﺎ ﻫﻢ ﺑﻌﺪ ﻣﺎﺭﺟﻊ
ﻟﻠﺴﺎﻋﻪ ﺍﺭﺑﻌﻪ ﺩﺧﻞ ﻭﺷﻜﻠﻪ ﻣﺨﺮﺑﻂ ﻭﻣﻼﺑﺴﻪ ﻣﻄﮕﻌﻪ ﻣﺎﻱ
ﺳﺎﻟﺘﻪ ﺑﺨﻮﻑ ﻭﻟﻠﻠﻚ ﻳﻤﻪ ﻭﮔﻌﺖ ﮔﻠﺒﻲ ﻭﻳﻦ ﺟﻨﺖ ﻻ ﺍﻧﺘﻪ ﻭﻻﻗﺎﺳﻢ ﺭﺣﺖ ﺳﺎﻟﺖ ﺍﻣﻪ ﻭﻛﺎﻟﺖ ﺑﻌﺪﺓ ﻣﺎﺍﺟﻪ
ﻭﻳﻦ ﺟﻨﺖ ﺍﻧﺘﻪ ﻭﻳﺎﺍﻩ
ﺭﺍﻫﺐ،،ﻋﻠﺊ ﻛﻴﻔﺞ ﻳﻤﻪ ﺍﻧﻄﻴﻨﻲ ﻣﺠﺎﻝ ﺍﺧﺬ ﻧﻔﺲ
ﺍﻡ ﺣﻼﻡ، ،ﺷﻮﻑ ﺍﻟﺒﻄﺮﺍﻥ ﺍﻧﻲ ﺩﻣﻲ ﻓﺎﻳﺮ ﻭﻫﻮ ﻳﺮﻳﺪ ﻳﺮﺗﺎﺡ
ﺷﻮ ﻫﺬﺍ ﻣﺪ ﺍﻳﺪﻩ ﻟﻠﻤﺤﻔﻀﻪ ﻃﻠﻊ ﻣﻨﻬﺎ ﺍﻓﻠﻮﺱ ﺑﺲ ﻣﺒﻴﻨﺎﺕ ﺍﻫﻮﺍﻱ ﺍﻧﺨﻤﺶ ﮔﻠﺒﻲ ﻻﻥ ﻣﺎﺍﺭﻳﺪ ﻳﺎﻛﻞ ﺣﺮﺍﻡ ﻭﺫﻧﻲ ﻣﺒﻴﻨﺎﺕ ﺍﻫﻮﺍﻱ ﺍﻓﻠﻮﺱ ﻣﻮﻣﺎﻝ ﻭﺍﺣﺪ ﻳﺸﺘﻐﻞ ﻋﺎﻣﻞ ﻭﻳﻨﻄﻮ ﻫﻴﺞ ﻣﺒﻠﻎ
ﻟﻄﻤﺖ ﻋﻠﺊ ﻭﺟﻬﻲ ﮔﺘﻠﻪ ﻭﻟﻠﻠﻚ ﻣﻨﻴﻦ ﺟﺒﺘﻬﻦ ﺑﺎﻳﮕﻬﻦ ﻣﻮﻭﻭﺓ
ﺭﺍﻫﺐ،،ﻣﺎﻣﻘﺒﻮﻟﻪ ﻣﻨﺞ ﻳﻢ ﺭﺍﻫﺐ ﺍﻧﺘﻲ ﻣﺎﻋﻠﻤﺘﻴﻨﻲ ﺍﻣﺪ ﺍﻳﺪﻱ ﻉ ﺍﻟﺤﺮﺍﻡ ﻭﻟﺘﺨﺎﻓﻴﻦ ﺫﻧﻲ ﺣﻼﻝ ﺟﺒﺘﻬﻦ ﺑﺘﻌﺒﻲ
ﺍﻡ ﺍﺣﻼﻡ،،ﺍﺍﺣﺠﻲ ﻣﻨﻴﻦ ﺟﺒﺘﻬﻦ ﻻﺍﺍﺷﮓ ﺛﻮﻭﺑﻲ ﻫﺴﺴﻪ
ﺭﺍﻫﺐ،،ﺭﺍﺡ ﺍﺣﺠﻴﻠﺞ ﺑﺲ ﺍﺳﻜﺘﻲ ﻓﺼﺤﺘﻴﻨﻪ
ﻣﻦ ﺭﺟﻌﺖ ﻣﻦ ﺍﻟﺪﻭﺍﻡ ﺳﻤﻌﺖ ﺍﻛﻮ ﺣﻤﻠﺔ ﺗﻨﻀﻴﻒ ﻟﻠﺸﻄﻮﻁ ﻋﻦ ﺍﻟﺸﻨﺒﻼﻥ ( ﻧﻮﻉ ﻣﻦ ﺍﻧﻮﺍﻉ ﺍﻟﻄﺤﺎﻟﺐ ﻳﻄﻔﻮ ﻓﻮﻕ ﺍﻟﻤﺎﺀ )
ﻗﻠﻴﻠﻴﻦ ﺍﻟﻤﺜﻞ ﺣﺎﻟﺘﻲ ﻣﺤﺘﺎﺟﻴﻦ ﺍﻓﻠﻮﺱ ﻭﺍﻟﻤﺒﻠﻎ ﺍﻻﻧﻌﺮﺽ ﻣﻐﺮﻱ ﻣﺎﮔﺪﺭﺕ ﺍﺭﻓﺾ
ﻟﺬﺍﻟﻚ ﻧﺰﻟﺖ ﻧﻀﻔﺖ ﻭﻳﺎﻫﻢ ﺍﻟﺸﻂ ﻭﺍﻧﻄﻮﻧﻲ ﺍﻟﻘﺎﺳﻤﻪ ﺍﻟﻠﻪ
ﺍﻡ ﺍﺣﻼﻡ،،ﺻﺮﺕ ﺍﻟﻄﻢ ﻋﻠﺊ ﻭﺟﻬﻲ ﺑﺎﻟﺰﺍﻳﺪ
ﺍﻟﻠﻠﻪ ﻳﺎﺧﺬﻧﻲ ﺍﻟﻠﻠﻪ ﻳﺨﻠﺼﻨﻲ ﻭﻳﺮﻳﺤﻨﻲ ﻣﻦ ﻫﻠﻌﻴﺸﻪ
ﻭﺍﻟﻠﻚ ﻳﻤﻪ ﺍﺍﺍﻧﺘﻪ ﻫﻠﻮﺣﻴﺪ ﺍﻟﻲ ﻟﻮﻭﻭﻏﺮﮔﺎﻥ ﻭﻣﻴﻴﺖ ﻭﻳﻦ ﺍﻧﻄﻲ ﻭﺟﻬﻲ ﺍﻧﻴﻴﻴﻲ
ﺍﺫﺍ ﺭﺣﺖ ﻣﺮﺓ ﺛﺎﻧﻴﻪ ﺍﻟﻠﻪ ﺷﺎﻫﺪ ﺍﻋﻮﻓﻠﻜﻢ ﺍﻟﺒﻴﺖ ﻭﺍﻫﺞ
ﺭﺍﻫﺐ،،ﻛﺎﺍﻓﻲ ﻳﻤﻤﻪ ﺍﻟﺨﺎﻃﺮ ﺭﺑﺞ ﺗﺮﺓ ﺻﺮﺕ ﺯﻟﻤﻪ ﻭﺑﻌﺪﺝ ﺍﺗﺨﺎﻓﻴﻦ ﺍﻋﻠﻴﻪ ﻋﺒﺎﻟﺞ ﺯﻋﻄﻮﻁ ﮔﺪﺍﻣﺞ
ﺗﺮﺓ ﻛﺒﺮﺕ ﻭﺻﺮﺕ ﺷﺎﺏ ﻭﻛﻠﺸﻲ ﺑﻨﻔﺴﻲ
ﻭﻓﻮﮒ ﻛﻠﺸﻲ ﻃﺎﻟﺐ ﺍﺭﻳﺪ ﺍﻟﻘﻠﻢ ﻭﺍﺭﻳﺪ ﺍﻟﻜﺘﺎﺏ ﻭﺍﻟﻤﻠﺰﻣﻪ ﻭﺍﻧﺘﻲ ﻣﮕﻀﻴﻪ ﻟﻴﻠﺞ ﻭﻧﻬﺎﺭﺝ ﮔﺪﺍﻡ ﺍﻟﻤﻜﻴﻨﻪ
ﻛﺎﻓﻲ ﻋﻮﻓﻴﻨﻲ ﺍﻧﻲ ﺍﻋﺘﻤﺪ ﻋﻠﺊ ﻧﻔﺴﻲ ﻭﺍﻃﻠﻊ ﻣﺼﺮﻓﻲ
ﻭﺧﻠﻲ ﺷﻐﻠﻪ ﺍﺑﺎﻟﺞ ﻣﺤﺪ ﻳﻤﻮﺕ ﻧﺎﻗﺺ ﻋﻤﺮ ﻛﻞ ﻭﺍﺣﺪ ﻳﻤﻮﺕ ﺑﻴﻮﻣﻪ ﺍﻛﻮ ﻭﺭﻗﻪ ﺍﻟﻨﻪ ﻋﻨﺪ ﺍﻟﻪ ﻣﻦ ﺗﺨﻠﺺ ﻭﺭﻗﺘﻲ ﻭﺗﻴﺒﺲ ﺫﻳﺞ ﺍﻟﺴﺎﻋﻪ ﺍﻣﻮﺕ ﻭﻳﻜﻮﻥ ﻫﺬﺍ ﺍﻟﻜﺎﺗﺒﻪ ﺍﻟﻠﻪ
ﺍﻡ ﺍﺣﻼﻡ،،ﺍﻋﺮﻓﻪ ﺭﺍﺳﻪ ﻳﺎﺑﺲ ﻣﺎﻳﺴﻤﻊ ﻛﻼﻣﻲ
_____________________________
نهايه البارت الاول تصويت
