ကျောင်းမှ ပြန်ရောက်ပြီးကတည်းက စာလုပ်နေသည့် မြင့်မိုရ်မှာ ရေတောင် မချိုးရသေးပေ။ အတည်အတံ့ စာကြိုးစားနေသည်။ ဥဂ္ဂံ ရေချိုးခန်းထဲမှ ထွက်လာပြီး ခုတင်ပေါ် ထိုင်လိုက်ပြီး ဆံပင်ကို ရေသုတ်နေရင်း မြင့်မိုရ်အား လှမ်းကြည့်၏။
" ကိုကို့ကို ကြည့်ရတာ စိတ်အခြေအနေ သိပ်မကောင်းသလိုပဲ။အပြင်ထွက်ပြီး ညဘက်လျှောက်လည်ကြမလား။ ဒါမှမဟုတ် စိတ်ထွက်ပေါက်ဖြစ်အောင် သီချင်းဆိုခန်း ခေါ်သွားရမလား။ "
မြင့်မိုရ်က ဘောပင်လေးကိုချကာ ဥဂ္ဂံအား လည်ပြန်ကြည့်ရင်း မျက်နှာလေး မဲ့ကာပြော၏။
" စာတွေ ကျန်သေးတယ်။ မလိုက်တော့ဘူး။ ကိုလင်းတို့ ညီအစ်ကိုပဲ သွားလိုက်ကြတော့။ "
ဥဂ္ဂံက ခုတင်မှ ထလာကာ မြင့်မိုရ်၏ ဘေးတွင် ဝင်ထိုင်လိုက်ပြီး ကျက်နေသည့် စာရွက်ကို လှန်ကြည့်သည်။
" သိပ်မကျန်တော့ပါဘူး။ အပြန်မှကျက်လေ။ ကိုယ်လည်း စာလုပ်စရာတွေ ရှိသေးတယ်။ "
မြင့်မိုရိက ခေါင်းရမ်းသည်။
" မလိုက်တော့ဘူး။ သီချင်းဆိုရတာလည်း ဝါသနာမပါဘူး။ "
ဥဂ္ဂံ ဘယ်လိုပဲခေါ်ပါစေ။ မြင့်မိုရ်ကငြင်းသည်။ နောက်ဆုံးမှာ ဥဂ္ဂံက မြင့်မိုရ်၏ ခါးမှ ပွေ့ကာ ရေချိုးခန်းတွင်း အားသုံးခေါ်သွားပြီး ရေအတင်းချိူးခိုင်းလိုက်ရသည်။
" မလိုက််ချင်ပါဘူးဆို။ "
မြင့်မိုရ် တစ်လမ်းလုံး တတွတ်တွတ် ငြင်းလာသည်မှာ နောက်ဆုံး သီချင်းဆိုခန်းထဲ ရောက်သည်အထိပင်။ သီးသန့်ခန်းအတွင်းသို့ မြင့်မိုရ်က ပျင်းတိပျင်းရွဲ့ ဝင်ထိုင်လိုက်သည်။
အခန်းအတွင်းတွင် ခပ်နွေးနွေးမီးရောင်လေးသာ ထွန်းထားသည်။လိုက်ပို့သည့် ဝန်ထမ်းလေး ပြန်ဖို့ ပြင်နေတော့ မြင့်မိုရ်က အမြန် မှာလိုက်သည်။
" ကြက်သားပြားကြော်ရယ် ပင်စိမ်းထမင်းကြော်တစ်ပွဲ ကြက်သားနဲ့ရယ် ရေသန့်ဘူးတစ်ဘူး လာပို့ပေးပါဦးနော်။ "
YOU ARE READING
Youth , Sweet Love (Completed)
Roman d'amourMyanmar×OC Fic cover crd to pinterest နုနုပျိုပျို ချစ်ခြင်းလေးတစ်ခု ႏုႏုပ်ိဳပ်ိဳ ခ်စ္ျခင္းေလးတစ္ခု 11.4.2024 _
