شاهين هز براسه واستغرب وراح ينادي جده وقال له ان جدته تبيه وراح الجد يشوف شسالفه ودخل الغرفة شافها جالسه ع السرير :لبيه
نوير :اجلس بشاورك بموضوع
جلس جنبها وكملت :تدري احفادنا صارو كبار ماشاءالله واللي بعمرهم عندهم عيال
سالم فهم عليها:ايه
نوير جلست تفكر ماتدري اللي بتسويه صح او لا :شرايك نزوج عبدالرحمن
سالم ناظر الارض شوي وقال: والله نشاور عبدالرحمن واهله ونشوف
نوير :ماله داعي نشاور عبدالرحمن نشوف أبو عبدالرحمن اذا موافق نخطب له بنات عمه
سالم استغرب :ليه مانشاور عبدالرحمن اهو اللي بيتزوج مو ابوه لازم عنده علم
نوير هزت براسها :اشوف كذا انا
سالم قام :خلاص بعد العشاء نشوف وطلع
نوير تفكر بالموضوع :الله يعين
عند ساره وميلاذ>
ساره :المهم لا احد يدري
ميلاذ ناظرت فيها :اكيد بس وش بيصير ع لمى
ساره قامت بتطلع :صراحه مادري خايفه عليها خليها على الله يلا نطلع عند البنات
وطلعوا
في المطبخ>
نوف :اخلصي
نجد :ارقص صح ارقصص
نوف :صراحه ايه
نجد عصبت :انقلعي
نوف هربت وهي تضحك
نجد خلصت الكيك وطلعت :نوفف تشوفي اذا عطيتك
نوف ناظرت فيها: والله
نجد :ايه
نوف :من اول وانا اجالسه اخر شي تقولي ماراح اعطيك
نجد تقطع الكيك :ماحد قال لك تنرفزيني
ساره تدري نجد تطقطق :خلاص اسكتوا وانتي راح تعطيك
جات ام نايف :بنات اخذو للعيال كيك معاكم
نوف :يمه حتى الكيك نعطيهم
ام نايف :وحده فيكم تقوم تعطيهم وانتي انطمي
نوف سكتت لمى :خلاص انا اقوم بكلم شاهين ياخذهم ولا ابوي
ام نايف: الله يعطيك العافيه وطلعت لمى دقت على شاهين بس مايرد لفت لـ نجد حطي في صحن وحطت واخذته لمى وقامت ولبست عبايتها وطلعت وتحاول تدق ع شاهين بس مافي فايده ودق ع ابوها بعد ماردت سمعت صوت عند الشجره قربت شافت عبدالرحمن كان يغني :
اوعدك ياحبيبي بصون الهوى
بيننا طول الاعوام ياغلا مجملك
وانت لي وانا لك دمت لي والوفاء دام
لمى حطت ايدها على فمها تحاول ما تطلع صوت عيونها دموع وتسمع له
عبدالرحمن كان يضحك :شرايك بس
رنيم ابتسمت:وايي تجنن تصدق صوتك حلو
عبدالرحمن ضحك:كم مره تقولي كذا لا تخليني الحين اروح افتح حساب في التيك وانزل فيه وانا اغني
رنيم تضحك:اهجد بس
عبدالرحمن طلع في السماء:ليه انتي كذا حلوه
رنيم ماردت
عبدالرحمن:انتي اجمل شخص شفته ياخي انتي ملاك
رنيم ابتسم:مو للدرجة هذي
عبدالرحمن:الا واكثر بعد
رجعت لـ ورا كلامه مثل السهم على لمى انصدمت اكثر واكثر
وحطت الكيك عند باب المجلس ورجعت تمشى وللحين كلامه فبالها دق شاهين قفلت وكتبت رسالة انها جابت كيك وحطته عند الباب وقفلت جوالها وطلعت الغرفه وطلعت العباية وتفكر لهذي الدرجة يحبها ومايشوف غيرها ليييه حظي كذا ليه
حطت ايدها ع راسها وجلست تبكي نص ساعه قامت غسلت وجهها وغيرت ملابسها ولبست بجامه وانسدحت بالسرير
:انا ليه ابكي عشانه ليه ليه ازعل نفسي عشان شخص مادرا عني خلاص ياكل زق مايهمني احد بيروح لها يروح طز ماعاد ببكي عشان احد الا الأشخاص يستاهلون وانا اجيت هنا عشان انبسط ما انكد على نفسي وعع ووووعع قامت تجاه المرايا شافت شكلها يقول وش انتي اجمل شخص ههههههههه اخر شي تشبه العجوز اللي مع مستر بين استغفر الله ناظرت نفسها اجل نششوف مين اجمل شخص خلاص لمى الضعيفه راحت وراح أتخطى اصلاً هذا مو حب هذا اعجاب انا استاهل احسن منه ورجعت وانسدحت بالسرير
