بسم الله الرحمن الرحيم ✨
الهم صلي على محمد وآل محمد 💗✨
الكاتبة (TABARK) ✨
......................................................................
تذكير 🎗
دانيال بستغرب: خير شبيكم؟
داليا بفشله: ها لاءء ماكو شي بس ردت اسال اسيا على شي خاص
اسيا بلعب: احم هو واحد من يريد سوال يصيح
داليا بعصبيه: لا لا اسيا طبقت اسناني من لفظة اسمها
دانيال: انتو الاثنين كافي
سليل: ياخي متخلون واحد ينام
دانيال: ارجعي نامي
داليا: تحالفت بيها اخخخ لو ما بطريق و دانيال منا جان نتفتها وهاي المطفيه كعدت ورجعت نامت وصلنا السيطرة الثانيه الي هي مال الموصل رحنا على بيت المجموعه سمينا هيج لان مرات احنا ننجمع بي يعني البنات و مرات الشباب نزل من السياره دانيال راح سلم على حارس فتح الباب ورجع دخلنا جوه ودخلت ورنا سيارة مهدي نزلنا ونزلن حجتنا اجت ماما سحر سلمت علينا وصتنا على كلشي بعدها راحوا ور ما مهدي شبعنا تعليمات ادكول راح نبقى سنه هي اربع ايام والله يالله طبينا كل وحده راحت على غرفتها رحت على الحمام اخذت شور المي الدفي يخلي الواحد ينعس خاصه والشتاء على ابواب طلعت نشفت شعري ولبسة ملابس نوم مريحه كمت أثواب الساعه 12:00 باليل يوصلون بالسلامة خليت راسي على المخده رغم اني كلش نعسانه بس لا اكعد اتخيل زوجي الخيالي وحياتنا الجميله الخاصه فرشات بطني لان زوجي ضرب واحد علمود باوعلي يغار فدوه الابتسامة شكت وجهي شك و ارفس من التخيل.
في الصباح 🎀
شادى: صباح الخير بنات يلا تعالو اكلوا جهزت الريوك
اسيا: شكرا شادى
البنات: شكرا شادى
شادى: بالعافيه عليكم
.......................................................................
دانيال: شنو صار حتى دزو اوامر انذر على جنود؟
: سيدي اجت معلومات عن ارهاب مجهولين الهوية
راح يسقطون اكثر من محافظة بالعراق
دانيال بستغرب: ارهاب مجهولين الهوية؟ اسقاط اكثر من محافظة؟ شلون؟ اكو تفاصيل اكثر عليهم
: لا سيدي لان بعد ما متأكدين من المعلومات لان احتمال انذر كذب
دانيال: لو حتى لازم ان كون جهازين لان احنا ما نعرف يجوز صحيح لازم نعرف شكد عددهم بأي محافظة و منو هما؟
: بس سيدي احنا بس مكافحة هاي مو شغلتنا شغل الجيش النظامي و بعدنا عددنا مو كافي يخوض مثل هيج نوع من الارهاب
دانيال بعصبيه: هذا الكلام ما اريد اسمعه مره ثانيه فهمت
: ححح حاضر سيدي
دانيال: وشغله ثانيه اسمهم ارهاب واحنا مكافحة الارهاب يعني احنا جزء من هاي المعركه خوش
: ماشي سيدي اسف
دانيال: طببت على كتف انته زلمه لا تتعذر بس على غلط وانته حجيت بطريقه منطقيه
: حاضر سيدي
دانيال: راح اروح على مكتبي اي معلومات تجي بخصوص هذولا تجيني ركض و دزلي نقيب دخان
: امرك سيدي
.....
دخان: سيدي
دانيال بتنهد: ادخل دخان وسد الباب
دخان: نعم سيدي
دانيال: دخان شيل الرسميات اكو موضوع سمعت بيه مو
دخان: ايي سمعت بس دانيال شلون راح نعرف هذولا الانذال وين او وين راح يظهرون؟
دانيال: وهذا الي يحيرني
دخان: لا تخاف انشاء الله نعرفهم ونقظي عليهم قبل يسون شي
دانيال: دخان شنو رايك نرجع البنات هنا
دخان: الخبر مو اكيد بس اتفق وياك خلي نرجعهم
دانيال: واختك
دخان برفع حاجب: منو؟
دانيال: اختك داليا
دخان: شبيها!
دانيال: هي طبيبة عسكرية شنو نسيت؟
دخان: هاا لا ما نسيت بس شسوي مافهمت عليك
دانيال: ليش ما تخذ الها اجازه لحد ما نتاكد من الخبر
دخان: داليا عناد ما تقبل اكيد
دانيال: من شوكت احنا ناخد بكلام النسوان
دخان: يعني اخذ الها اجازه مرضية؟
دانيال: ايي انطيني رقم المدير مالتها
دخان: دقيقه
دانيال: ماشي
دخان: هاا اها دزيت رساله بيها الرقم
دانيال: خوش راح احجي وياه هسه روح واخلي الشباب يرحون يجبونهم قبل لا يصير شي نتدم عليه
دخان: تمام
دانيال: اتصل على وحدة من البنات وانطيهم خبر
دخان: هسه
....
شادى بتعب: بويه تعبنا
استبرق: توبه اذا اطلع وياكم
اسيا: استبرق منو جان يمشي كدامنا ابويه
استبرق: جوزو مني اروح انام احسن
اسيا: الله يعين اخوي عليها شكد متقلبه
شادى بضحك: هي دائما هيج شويه تضحك شويه تبجي بوجه الوحد شويه تركص يعني بختصار طكه ونص
سليل: شبيج وجهج ما يتفسر
شادى: داليا شبيج؟
داليا بقلق: ها لاءء ماكو شي بس اروح على تولي$ت
اسيا: شبيها
شادى: ماعرف
سليل: اروح اشوفها
شادى: لا عوفنها شويه وراح اروح اشوفها
....
داليا: سيدي يعني اكو ارهاب سقطوا الموصل!
: ايي ولازم ترجعين انذر
داليا: سيدي اني بالموصل شلون
: لا إله إلا الله بنتي شودج هناك
داليا: سيدي طلعت ويا اخواتي زياره على موصل
: بنتي الموصل سقطت ديري بالج تطلعين او احد من اهلج يطلعون لان داع٪٪ش دمرو قاعدة سبايكر وكل الطلاب والجنود ماتوا بيهم
داليا: سيدي قبل شويه جنت بل النبي يونس ويا خواتي ماكو شي حتى طلق ما سمعنا شلون هيج
: والله يا بنتي ما اعرف طبوا فجاءة ومحد جان يعرفهم بس مكافحة الارهاب جنت عدها معلومات عنهم بس مو اكيد علمود هيج محد يعرفهم و بنتي خوما اخذتي البج مالتج او اخذتي البدلة العسكرية لان اي شخص كان سواءكانت رجل او مره راح يقتلوا
داليا: سيدي كلهم ويا
: استغفر الله بنتي ليش اخذتيهم وياج انتي مو طلعه زياره؟
داليا بحرج: سيدي اني متعوده اخذهم وياي وين ما اروح
: ماشي بنتي اريدج هادئة وذكيه لا تسوين اي حركه بيها تهور
داليا: حاضر سيدي
: و اكو الجيش العراقي بعده موجود راح يحولون يطلعون كل الناس الابرياء من ابيوتهم ويكتلونهم هذولا الدواعش
داليا: سيدي اسمهم داعش؟
: داليا ركزي
داليا: حاضر سيدي
: يعني مقصد كلامي لا تطلعين لحد ما شوفين الطريق خاليِ وتسمعين اشارات من الجيش تمام
داليا: نعم سيدي
: هسه راح اسد الاتصال وبعدين ارجع اتصل عليج وانطيج اخر الاخبار
داليا: نعم سيدي.... سديت الاتصال وذبيت الفون على السرير اوف من هذولا وشلون صار هيج شي بدون ما احس البنات الناس ياربي شنو هاي المصيبه عقلي راح ينفجر من كميّات المعلومات الي ما جي تدخل ابد و دخان جان يعرف وما كلي دخت دخت فتحت الباب شادى
شادى: شبيج حبيبتي ليش هيج وجهج
داليا: ماكو شي
شادى: احجيها لدبه غردي
داليا: ماعرف شكلج مصيبة وكعت على رسنا
شادى: خير يا ستار شكو
داليا: داعش
شادى: داعش؟ منو ذولا
داليا:..... و احنا هنا ما نكدر نطلع و لا نسوي شي
شادى بصدمة: الحمدلله يارب الحمدلله على كل حال شلون مصيبة
داليا: ما ادري شادى انوب المدير مالتي بال كوه حصلني
شادى: مو اكول ليش ما اكدر اتصل
طههههههههههه(أنفجار 💥)
داليا: صوت أنفجار هز الدنيا هز
شادى بخوف: شنو صار
داليا: امشي خلي نشوف جوه
شادى: نزلنا ركض جوه البنات خايفات
سليل بكاء: شنو هذا الصوت
داليا: أنفجار
البنات: شنووووووو!
استبرق بلع ريك: أنفجار مال شنو
داليا: يمكن داعش هم فجروا
اسيا بستغرب: منو هذا داعش
داليا: بعدني ما حجيت صار انفجار ثاني كلنا انبطحنا
سليل برجفه: يييي يمه راح نموت
داليا: لا تخافون اهدوا
استبرق: يا نهد وهاي انفجارات شنو وضعها
داليا: كوموا بسرعه حضرن ملابس والهوايات راح نطلع منا
شادى: شلون نطلع و هذولا بره
استبرق: صح شلون؟
داليا: تذكرت كلام الضابط و اردفت ماشي بس حضروا كلشي تتحجونا بأي وقت اكول الكم راح نطلع منا كلشي يصير
اسيا: تمام تمام كومن يلا
سليل بكاء: مابيه حيل اكوم بنات خايفه خايفه خلي الولد يجون يخذونا منا
داليا: روحنا اني راح افهمها
البنات: ماشي
داليا: باعي عليه سليل راح اشرحلج وضعنا الموصل سقطتت ....... و اي عسكري او اي شخص ينتمي لجيش يقتلوا
سليل: ليش كاعد يصير بينا يعني ما سقطت الموصل الا من احنا اجينا
داليا بحزم: لا تفكرين هيج خليج قويه وكولي الحمدلله اذكري رب العلمين و اهل البيت ويانا اكيد راح نطلع سلامات و اكيد راح نكتلهم كلهم
سليل: اسفه فكرت بانانيه
داليا بابتسامة: مي خالف حبيبي هسه كومي خلي نحضر نفسنا
: عاجل سقوط الموصل على يد الدوله الاسلاميه {"↖داعش الارهابي} و الجيش العراقي سقط و تمت السيطرة على كل المحافظة و بدوا بتفجير عائلات الجيش العراقي الباسل و ايضا فجروا النبي يونس و عددت امكن منها المتحف وتدميرها وقتل الاطفال والنساء هذه كل ما لدينا كان معكم *** الشرقيه نيوز
سليل بكاء: ودكولين راح نطلع منا مو
داليا بشتم: نعل على ولد***
.....
انتهى البارت 🧸💖
