Second Chance For Love

part 2 ..

_________________Flash back ________________
  شهد بتذمر  :

"كل ده عشان تيجي يا وائل هاا.."

وائل بخبث :

" ايه وحشتك يا جميل .."

شهد بتوتر :

" وانت هتوحشني ليه يعني .. موراييش غيرك افكر فيه .."

وائل بضحك :

طيب طيب خلاص هصدقك وانتي بقيتي شبه طمطماية كده ... ثم اكمل بجدية ها قولي بقي في ايه اتصلتي بيا وقولتي عايزاك في موضوع مهم خير في حاجة حصلت ؟؟ "

شهد بدموع متحجرة و توتر :

"وائل انا انا انا كنت يعني بفكر امبارح انو انت زي ما شايف يعني حياتي وكده عاملة ازاي كل الي ببقي عايزاه بيتجاب في ثواني مش بضطر استناه كتير .."

وائل باستغراب وقلق من حديثها  :

"طب ما انا عارف يعني ايه الجديد .؟!"

" وانت عارف انك ابن صاحب الدكان الي علي اول الشارع صح "

وائل بقلق من حديثها  :

"في ايه يا شهد ايه الكلام ده متخلصي قولي لي ايه علي طول "

شهد وهي تتقطع بداخلها :

"انا حساك يعني انك بتستغل فيا وعمال رايح جتي معايا وكل اما اقولك نتجوز تقولي لما اجهز نفسي وانا الصراحة استنيت كتير وزهقت خلاص .."

وائل بصدمة :

"قصدك ايه مش فاهم ؟!.."

سكتت شهد وهي تنظر في الارض لا تجراء علي النظر لوجهه ، لتنتفض علي صوته العالي  :

"بقولك انطقي قصدك ايه هاااا "

شهد بخوف وحزن :

"لو سمحت متعليش صوتك عليا و انت انت اكيد يعني فاهم قصدي كويس .."

وائل وهو يفقد اخر زرة عقل فيه :

" بلا صوت بلا زفت انتي فاهمة وواعية انتي بتقولي ايه يعني خلاص مبقيتيش بتحبيني ؟!.."

نظرت شهد للجهة الاخرى وقالت بصوت منخفض :

" ايوه .."

وائل بغضب وقلب متمزق :

"بصيلي في عيني وقولي انك مبتحبنيش يا شهد .."

نظرت شهد في عينيه قليلا ثم قالت بحزن شديد :

"انا مش بحبك وخلاص زهقت منك ومن انتظارك بقالنا 3 سنين سوا وخلاص زهقت عن اذنك بقي  .."

مسكها وائل من معصمها بغضب :

"اذا مشيتي من هنا صدقيني عمرك ما هتشوفيني تاني فاهمة .."

شهد ببكاء وهي تحاول تحرير يديها من قبضته :

" مش عايزة اشوفك تاني اصلا ً.."