لأجلك
#كاتبه يقين
حبايب قلبي لاتنسون التصويت على البارت
وتعليق على الفقرات حتى يصعد تفاعل القصة
واستمر بالنشر
"عندما قبل خدي لأول مره
شعرت ان الفرشات تتطاير منه
كانت عيناي تلمع لك وابتسامتي
لم تفارق وجهي وعطره لا يزال
على خدي أي قبله كانت تلك؟
««««««««««««««««««««««««««««««««««
حسين: اي طيبه شخبارج شكو ماكو
طيبه: ولا شي
حسين: هاا شمسويه بالعطله
طيبه: ولا شي
حسين: كلت هاي ماتريد تحجي خلي انسحب هسه يلا اني اترخص
طيبه: تمام راح حسين كملت شغل بالبيت مرت ايام عادي مرات حسين يشوف الاستوري مالتي مرات يعلق واحجي وياه بشي جداً قليل لحد شهر العاشر صار حسين يحجي وياي بستمرار يجي يخرط يومه كله اليه بدون مااسئل شي هيج يعني الكاه معلق على استوري مجرد ماترد انت شلونك يحجي الاول وتالي استمرينه هيج لحد ما شفته يحجي بااهله ويشوفني صورهم مره حجه وياي بليل كلش
حسين: اني دخلت جم وعندي التزامات لتكولين ناسيني ميحجيني هسه كلت مدام فاتحه نت خلي احجي وياج
طيبه: حجه هيج لان عرفت بقصتي وصار ويايه وصديقاتي الي عافوني مسئلو عني كان اكثر وقت يصبر بيه هوه كان يريد منو يوكف وياه لان يمر بظروف صعبه كلي اني كنت بوقته لزم جرح كلبي بيدي وأداوي بجرحج مررت ايام ظل كل يوم يحجي وياي كالعاده يحجيلي عن يومه وعن حياته وعن كلشي يخصه
حسين: يلا حروح للشغل
طيبه: قصدك للكهوه
حسين: ها الأمور تبشر بخير تفهميني
طيبه: ايي كنت احجي وياه وكلي حروح للشغل دنيا ليل وين اكو شغل عرفت قصده كهوه
خلص شهر العاشر دخلنه شهر ال11 الي هوه هذا الشهر احنه بي من اكثر الاشهر الي احبه بي اعترفلي بحبه وصار كلشي بهل يوم مفضل عندي تحديداً يوم 11/25 ديحجي ويايه عادي طول اليوم يحجي وياي صح كان يحجي وياي بس مو طول اليوم يوم المهم بليل ظل يحجيني اني اذا اتزوجج احب هيج ارتب غرفتي وهيج اجيب وهيج اخلي وابقي الهه غرفه على ذوقها
طيبه: تفجأت كلش بكلامه ليش ديكولي هيج معقوله دا يريد يصارحني وصار يحجيلي عن الاكل مفضل عنده وسئلني كلي لعد حتكول اكلتي مفضل اني هم حتى باجر عكبه ناكله سوه زاد توتري خاف اسئل ليش هيج تحجي ويكولي مقصدي شي واتفشل خاف اسكت ويكول هاي عاشت لحضه عبالها دا احبها اشلون يربي كلت افضل حل اكول رح اروح انام
طيبه: يلا حروح انام
حسين: لا بعد وقت خلي تصير ب1 ونام
طيبه: ها اوكي
حسين: طيبه
طيبه: ها
حسين: لا هيج مقصدي شي ظل يسولف ويايه واسولف وياه فجأه بدون مقدمات
حسين: احبج طيبه
طيبه: كلشس انصدمت من الصدمه حسبالي صديقتي كلتلي احبج دزيت فجأتني
حسين: ليش قابل بشر يحقلي احب
طيبه: ايي صح
حسين: وانتي طيبه
طيبه: اكولك خلي باجر احجي وياك
حسين: تمام براحتج من وراج ردت اسبح وتأخرت علمودج
طيبه: باي
حسين: باي
طيبه: بقيت ليل كله افكر يربي اشلون معقوله يكذب عليه لو فعلاً زين هوه يريد باجر ارد اي لو لا خاف اقبل وابتلي واني كنت معجبه بي بس ما احبه مجرد اعجاب بقيت ليل كله افكر لحد ملكيت روحي نايمه وجاي الصبح اذكرت موقف قبل فتره طلع سفره هوه وجماعته بالجزيزه ديسولفلي على صار كلي اتخيلي بنيه صغيره تقريباً مواليد 2008 اجتي تكولي تعال ويايه ناجر بايسكلات لان شافتني مأجر بايسكل كلتلها لا ما اجي روحي هناك تلكيهم
طيبه: ليش مرحت وياها يجوز معجبه بيك
حسين: اني ماريد احب اريد أطور شغلي ونفسي او احتمال وحده بالي
طيبه: ها اوكي
ظليت افكر معقوله اني لباله زين اشلون أتأكد مدا يلعب عليه كعدت الصبح كملت شغل البيت اجتني رساله منه كاتب صباح الخير
طيبه: صباح النور
دزلي منشور شهر نوفمبر شهر وقوع في الحب
حسين: اتوقع صدفه موو
طيبه: اي
حسين: اي وشكلتي
طيبه: اكمل شغل بعدين اراسلك
حسين: راحت واني هم عندي شغل جان بس منتظر طيبه على نار خاف ترفض خاف متقبل اجه ليل رجعت من الشغل نمت وكعدت راسلتها فتحت موضوع وياها كلتلها فضيها اي لو لا
طيبه: مادري اشلون طلعت كلمه مني بوقتها كلي احبج كتله اني هم احبك
حسين: كل احرف لغه العربيه مكادره تعبر عن فرحتي بهل كلمه
طيبه: هههههه بس ياريت متخليني اندم ؏ هل شي
حسين: طيبه اني اكو اشياء امشي عليهم محتندمين
طيبه: شنو همه
حسين: لتكذبين عليه لتستصغريني واهم شي الاهتمام
طيبه: تمام ظلينه نسولف على هواي اشياء بداخلي فرحانه وقلقه منو يڰول مدا يكذب عليه بقينه تقريباً من بدايه اليل لحد الساعه 1 هوه بس يسولف ويايه فرحانين بس بوقتها مكدرت اخابره لان راد يخابرني ومكدرت الصراحه اني متوتره يعني يجوز محعرف احجي وياه اوكي كنت احجي وياه بالكليه كزميل بس هسه لا كلشي اختلف ظليت اتحجج اختي يمي نايمه وكذا بعدين راح حسين نام واني هم حاولت انام بس مكدرت اذكرت مره بجيت بحركه على شي فقدته وراه مرت خالي ودعيت بحركه ياربي العوض الي ينسيني كلشي صار ويايه وﷲ اني تعبت معقوله ربي استجابلي بهذيج لحضه لا ياطيبه لتتسرعين بعدج بالبداية شمدريج شيطلع حسين بعدين محسيت على نفسي اله نايمه
حسين: كعدت الصبح رحت للشغل طول اليوم متروح من بالي اراسلها بوقت ريستات يكون عدها شغل بالبيت ترد متاخر مرات بين مترد مخلص وقت اريد ارجع للبيت حتى اراسلها رغم ظروف دا امر بيها سواء بالبيت لو بالشغل بكلشي بديت اتخطى بفضل حبي الها ردت اشوفها كلت اكول الها بس وين هيه متطلع اكيد اهلها ميقبلون ودوام ماكو وهيه اكيد محتقبل لان منو يكول عدها ثقه بيه وتطلع ويايه رجعت للبيت ارتاحيت شويه دزيتلها رساله
حسين: هلو حياتي
طيبه: شفته كاتب هلو حياتي بلا هسه شرد واني ماعرف اجامل اكوله حياتي هوه بعده مصاير حياتي زين اكوله حبيبي بعدنه بالبداية شبسرعه صار حبيبي زين اكوله حسين خاف يكول متحبني وتعال شيخلصني اوووووي شورطت نفسي اني جاوبت: هلو حسين اشلونك
حسين: تمام ظليت اسولف وياها عن شغلي ويومي وهيه هم تسولفلي شسوت مسوت صرت اهتم ب ادق تفاصيل حتى اظافرها صرت اخاف عليهن واكول الها دير بالج عليهن واسئل اكلت لو لا واذا مااكلت اخليها تروح تاكل لان عرفت بيها فقر دم وصار يمي طيبه اخاف عليها من كلشي حتى من احجي وياها اتجنب هواي كلمات لان ماريد تضوج اصلا ميحقلي اضوجها
طيبه: شفت اهتمامه بيه فرحانه وخايفه معقوله يربي يطلع حلم معقوله لكيت شخص يحبني بدون لا يكذب يارب اذا حلم لتكعدني منه وكوه كدرت اوكف على رجليه بعد الي صار استمرت علاقتي بحسين جان بدايه حلوه مهتم بيه ويخاف عليه ويحجيلي يومه رغم احس وراه كلام هواي حسمعه جان شخصيه غامضه بشكل مو طبيعي بحيث شكد ميحجيلي عن حياته احس اكو اشياء بس قررت كلشي يخص حسين بالماضي اعوفه واكتفي بي بالحاضر
حسين: شتحبين تعرفين عليه
طيبه: احجيلي عن حياتك
حسين: خاف احجي وتزعلين مني اني حالي حال أي شاب مطربك بالماضي
طيبه:هنا عرفت صاير شي بالماضي وللعلم هوه......
يتبع
______________________________________
ان شاء ﷲ حبيتو البارت لاتنسون التصويت ومتابعه والتعليق عمري❤
